2Korintus 10:4 - Bible en Guidar

⁴ Vi zəgeɗ nawgay nam na, na gəɓa zə ɗəfəŋ ɓa, əɓap net səza Maŋgəlva iyi, naɓzliw korguɗe. Ndəni mədawzet əɗɗumɗe,

Nouveau Testament en Guidar

⁴ Adəv əgay nam na, məgay na də zəga naw gay na duniya ɓa, say də zəga naw gay na Maŋgəlva məs də sembe. Dəndəni mədabzlu an mərkani. Mədabzlu əɗum na tepelke məs ɗii adaw ziweŋ akani.

Bible en Guidar

⁴ Vi zəgeɗ nawgay nam na, na gəɓa zə ɗəfəŋ ɓa, əɓap net səza Maŋgəlva iyi, naɓzliw korguɗe. Ndəni mədawzet əɗɗumɗe,

2Korintus 10:4 ပူးပေါင်းရင်းမြစ်များ

Gəlyaɗe 110:2

Yawe watəl zleŋge na məlĩ nok hã sə Siyon! Azəm məlĩ a waleŋgit məzuzelɗe noko!

Isaya 30:25

Pay na əŋgroɓ ɗiyi, an gəleɗe məɓeyit aɓzlaŋka, lolohẽɗ wazlalbayaŋ aket mossorgoɗe gugriɗ gəm mossorgoɗe.

Yeremiya 1:10

Awle nəwelkuk dəpaŋ kawslənuko, azet ɗiyi gəm azet milyeŋge: kəptugəni gəm kəkkpaŋgangəni, kəɓzlugəni gəm kəkrapgəni, gəm əmpa kərkagəni gəm kəmpagəni.

Yeremiya 23:29

Əpel naw tay va offo ɓa sa? Yawe aɗiymani. Əpel naw tay va ndəvəl məzəgrof milɓe ɓa sa?

Wəza net Masləŋɗe 7:22

Məɓaygəni Moyis addəv maɗɗula net mə Eziptəɗe, tay də gagdak addəv əpel gəm addəv wəza nan temtemi.

Roma 13:12

Dəfəɗ atirik sawɓa, go'oy aza əddaŋga, məppet sim wəzeɗe nara guzliyo, məlaw sim gulomɗe na əkeɗeɗe'e.

Roma 6:13

Kədappetin zəgeɗ na gəɓa zukum sən wəza na mambray va zəgeɗ nalpa vi mbərayəŋ ɓa; ya dərəŋ na məɗi zək nokum sən wəza na Maŋgəlva va ɗiy mederet dəmilyoŋ səka əmta, məɗi zəgeɗ na gəɓa zukum va zəgeɗ nalpa vi təstəs na Maŋgəlva.

1Korintus 2:5

Vi ətaf nokum adawziw aka əsən net ɗiy ɓa, ka dəziwgən aka əɓap na Maŋgəlva.

1Korintus 9:7

Naway dəgəɗ wəza nalpa dəzgəl kiyən dəvan di? Naway məmpə megezlembirke məza ndən əzəm uwa nan ɓa di? Naway nawtaɗ zəgeɗ mmemeyẽɗ məza ndən əsa momvo net ɓa di?

2Korintus 10:8

An in tat əkaɓ vi gagdak məs Daya asəm vi nawɓaygukum məza nawraygukum ɓaŋ na wil aduwən na viyən ɓa.

2Korintus 13:10

Sən aski, nədawver zəgeɗis səka nəsaw faraɗa, vi pay nədazzaw na, nəŋgəl nətawgən wən nan də gagdak məs Daya avay nawɓaygukum məza nawraygukum ɓaŋ ɓa.

2Korintus 3:5

Də əɓap nam sən kiyəm mədawɓap əɗɗa wəzas ɓa, əɓap nam səza Maŋgəlva ade.

2Korintus 4:7

Ya mənam tat də əzaɓ na sləmas addivit mesteɓeɗ na dəlva, vi əɓap mətiŋgəs dəsangən səza Maŋgəlva, məza səzam ɓa.

2Korintus 6:7

də əpel an gesiŋ, də əɓap na Maŋgəlva, dit zəgeɗ na təstəs en nawgaya gəm en nawga kizəmə.

1Tesaloniki 5:8

Ya nam, mənam ɗiy na kapay, məga səm ki zəmə, mugul səm ətafa gəm əŋgla va lukut na təbza, əga nawkõh va kulpup nawgaya.

1Timote 1:18

Timote wətuwa, aŋki wən məɗiyən məs nəppan avoko, məs dəslə də əpel na kəleŋ məs məpel akok lahəŋka. Vi kəmpagən tuluk akani, kəlpəgən əlpa moggoni,

2Timote 2:3

Aɓəs hara əzəm sahã noko, va məzəlpa na Yesu Kristu an gesiŋ.

Ibriɗe 11:30

Də ətafi korguɗe naka Yeriko aɓəsl səza məsulək kiyən pay buhulu.

Yosuwa 6:20

Yaŋ kan ɗiy aŋzlaŋ vaŋvəl nawgaya, muffet mõhoŋɗe. Adan ɗiy aprəmən ɓaɓəlma mohõ na, aŋzlaŋgək vaŋvəl nawgay dayadaya, yaŋ zlava aɓəslə; ɗiy apeŋgeŋ ləŋ nawaydi pak haran aban təstəs seki, amõhnən walaŋgəla-metiŋ vani.