2Korintus 1:3 - Bible en Guidar

³ Soko sən Maŋgəlva Afən Daya nam Yesu Kristu, Afən ulasahã, Maŋgəlva məsɓan ɗəf pakə.

Nouveau Testament en Guidar

³ Məgəɗ səm soko sən Maŋgəlva Affən Ɗəfdaya nam Zezu Krestu, vi Affən məwəl sahayi, ndəni Maŋgəlva məzu ɓətgəm pay pakə.

Bible en Guidar

³ Soko sən Maŋgəlva Afən Daya nam Yesu Kristu, Afən ulasahã, Maŋgəlva məsɓan ɗəf pakə.

2Korintus 1:3 ပူးပေါင်းရင်းမြစ်များ

Va'Atəŋ 14:20

Soko sən Maŋgəlva Məsəɗəɗə məs dipsuk məzuzelɗe nok ammba voko!» Abram apsənək makəlaw na zəga məs arah pakə.

1Alabaraɗe Də Mabərkiziti 29:10

Davit agagdakanək Yawe daret ɗiy məkkeltiŋ pakə, amna: «Gagdak azoko, Yawe Maŋgəlva na Israyel, afəm an lahəŋka hã faɗə.

Nehemi 9:5

Yaŋ mə Leviɗe Yosuwa, Kadmiyel, Bani, Hasabneya, Serebiya, Hodiya, Sebaniya, gəm Petaya aɓɗaŋ na: «Misili! Məsokon Yawe Maŋgəlva nokum pay pak hã faɗə!» Dəgagdakanən iya nok metiŋgin məs dəday ki əgagdakani gəm ki əɗikiya pakəŋka!

Ɗerewel na Yob 1:21

amna: «Zu mekeleŋ nəgil səddəvət mawa, zu mekeleŋ nədamndawa. Yawe dəvələ, Yawe dəgəma: Zazay aza Yawe!»

Gəlyaɗe 18:46

Molhõyẽɗ addakaŋka, tahəŋ əgilyoŋ səddəv zlava nawɗam net də wəkkere.

Gəlyaɗe 68:35

Məpsən gagdak na Maŋgəlva. Məlĩ nan aka Israyeli, gbogboŋ nan aka slaybuwni yi.

Gəlyaɗe 72:19

Soko sən iya nan gagdak hã faɗə! Dələv pak dəknah də gagdak nani! Dəsan vaska. Dəsan vaska!

Gəlyaɗe 86:15

Ya Daya Maŋgəlva na, muwəl sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi,

Gəlyaɗe 86:5

Daya, vi istə moggoko, məvvuyon mambraya, moggon nok diyɗay aket məzuyukuni,

Isaya 66:13

Va ma wiyən tədawɓətgən wətəta, vas nədawɓət gukum addəv Yerusalem!

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 9:9

Ulasahã gəm əvvuyon mambray na, na Daya Maŋgəlva na miyi, də məsam məɓoŋgəm akok zlaŋgə.

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Yohanna 10:30

In də Afəni taka mənani.

Yohanna 20:17

Yesu aɓsət na: Kədawrəŋgu ɓa, vi nəpeŋ aza Afən tagay ɓa, ya dok azet milmiŋgiɗwa, anah sit na, in tat əpeŋ aza Əbba məs dəsan Afukum, aza Maŋgəlva nawa məs dəsan Maŋgəlva nokum.

2Korintus 11:31

Maŋgəlva Afən Daya nam Yesu məs nawgəɗ sən soko pay pak asənək na, wən nədawa ɓa.

2Korintus 7:6

Ya Maŋgəlva məzuɓətgit ɗiy aɓətgəmək də əgap na Titus.

Efesus 1:17

Kəta Maŋgəlva na Daya nam Yesu Kristu, Afən gagdak dəpsukumgən əɗɗum na maɗɗula gəm na ərba kəsənəngən gərakə.

Efesus 1:3

Soko sən Maŋgəlva Afən Daya nam Yesu Kristu. Ndəni dəzaɓam də əzaɓ na əmpəs tutu' sə disiŋ addəv Kristu.

Filipi 2:11

Ma pak dənahgən na Dayay Yesu Kristu, ka gagdak na Maŋgəlva Afəni.

Kolosi 1:3

Mənam tat əfet aka Maŋgəlva Afən Daya nam Yesu Kristu, mənam tat əkkam aka wən nokum pay pakə.

1Piyer 1:3

Məgəɗ sən soko sən Maŋgəlva, Afən Daya nam Yesu Kristu. Aɗɗak moggon nan azəmə, apsəmək zeŋgile meleketeni, vi asilgən Yesu Kristu səret ɗiy mimtiti. Aknahək makram də əga madarani,

2Yohanna 1:4

Makraw annekik sawɓa vi nərahək səret kirtuk məs dədawdawaŋ addəv gegesiŋ, va mahenziŋ mərah səza Afəni.

2Yohanna 1:9

Ɗəf məs dəmbat abe, dəsan addəv əyak na Kristu ɓa, tay də Maŋgəlva ɓa. Ya ɗəf məs dəsan addəv əyakəŋka, tay də Afəni gəm də Wətəni.