2Korintus 1:22 - Bible en Guidar

²² Ndəni dəɗi tampon nan akamə gəm aɗi Əmpəs nan a makram va zəga nawtaf taf basə.

Nouveau Testament en Guidar

²² Aɗiyək zəga akam narban na nan mənani. Apsəmək əmpəs nan amakramə, vi məsəŋ gən gesiŋ na, azaɓan səmək zəga mogoni.

Bible en Guidar

²² Ndəni dəɗi tampon nan akamə gəm aɗi Əmpəs nan a makram va zəga nawtaf taf basə.

2Korintus 1:22 ပူးပေါင်းရင်းမြစ်များ

Ezekiyel 9:4

Yawe aɓsən na: «Atoŋ addak walaŋgəla-metiŋ, addak Yerusalem; kəvergən zəga a mirbizit ɗiy dədawɓuhnən met gəm dədawɗəkaŋ aket zəgeɗ daryawɗe dədaɗɗaŋ addəvnəŋka.»

Yohanna 3:33

Ɗəf dətaf əpel nan pak asənək na Maŋgəlva gesiŋgi.

Yohanna 6:27

Kədaɗɗaŋ wəza vi zəga nawzəm məs naŋgənaŋ ɓa, məgəɗ wəza vi zəga nawzəm an na zeŋgile an faɗə məs Wətən Ɗəf adapsukum. Vi anani Maŋgəlva Afən aɗi van akani.

Roma 4:11

Dərɓagani arah əskəlawra ka zəga narban təstəs na ətafa, aka asan dəɓəl əskəl awra ɓa. Ndəni efit ɗiy en dətafaŋ pakə, məs dəskəlaŋ awra ɓa vi kaŋɗan sit ka təstəs tamə.

Roma 8:23

Ndəni kaka ɓa, mənam məs mərah əvəl na Əmpəs daabəŋ pak, nam van, mənam sən kiyən tat ənɗəs addəv gəɓa zəm də əya əga əkkpaŋ kirtin Maŋgəlva gəm əbit na gəɓa zəmə.

Roma 8:9

Ya nokum, addəv əŋgla na gəɓa zukum kənanən ɓa, addəv an na Əmpəs kənanəni, an gesiŋ Əmpəs na Maŋgəlva tay azokum. An ɗəf tay də Əmpəs na Kristu ɓa na, nani ɓa.

2Korintus 5:5

Maŋgəlva sən kiyən dəɗɗəm sən aska, ndəni apsəm Əmpəs basə.

Efesus 4:30

Kədawɗəkanən Zeŋgile Salala na Maŋgəlva, məs məɗɗa sukum lamba dəndən də əya əga pay nawmokuməŋ ɓa.

1Tesaloniki 4:8

Vas kan na, ɗəf an dəzgan wənəska, ɗəf azgə ɓa, ana Maŋgəlva məs dədapsukum Zeŋgile nan Salala azgə.

2Timote 2:19

Də as pak gabban məs Maŋgəlva aɗi tay ziw ɓəlɓələ, məver əpeləŋ akani: Daya asinik ɗiy nani. Gəm əmpa na: Məzuya iya na Daya pak dəzar səza mambraya.

Hənhən 2:17

Ɗəf məs də sləman, dəprəm an məs Əmpəs adawnah sit gəleɗe na Maŋgəlva: Sən məskəwəla pak wanəpan manhu məɗamani, wanəpan gərəm babar məver iya meleketen akani, ɗəf tay nawsən iya van abbər ɗəf məs məpsən ɓa.

Hənhən 7:3

amna: «Məsla zukum, kədawraygənən dələv ɓa, pehe ɓa awaniɓa wəleŋɗe tak məɓəl əɗi tampoŋ a mirbizit məɗɗaŋ wəza na Maŋgəlva nam ɓa ɓa.»

Hənhən 9:4

Mətekti dawka met aza kevile naka dəlvafuŋ, aza zəga meddəkani mãy aza wəlaŋga, abbər azet ɗiy məs tahəŋ də tampoŋ na Maŋgəlva a mirbizit ɓa kaka'ə.