1Timote 6:14 - Bible en Guidar

¹⁴ Nok arma wənəs a mokroko məza mbərayən azan ɓa, məza nawrəh əpel akan ɓa hã gap pay Daya nam Yesu Kristu adarban zəni.

Nouveau Testament en Guidar

¹⁴ Asban wənnəska, aga wənnan amakaroko məza də mbrayen akan ɓa, ha pay Ɗəfdaya nam Zezu Krestu adazani.

Bible en Guidar

¹⁴ Nok arma wənəs a mokroko məza mbərayən azan ɓa, məza nawrəh əpel akan ɓa hã gap pay Daya nam Yesu Kristu adarban zəni.

1Timote 6:14 ပူးပေါင်းရင်းမြစ်များ

1Alabaraɗe Də Mabərkiziti 28:20

Yaŋ Davit anah sən Salomoŋ wətən na: «Ampa təlko, asok zuko, aɗɗa kəgeslne' ɓa, mokrok adawzlah ɓa, vi Yawe Maŋgəlva, Maŋgəlva naw tay də isi. Appok na ɓa, azgok na firik ɓa, hã gap əgrak wəza naddəv Gəla na Yawe.

Gəlya net Gəlyaɗe 4:7

Gamaralək kənan gərakə, gəraw na makrawa! Heslepe tay azok ɓa!

1Korintus 1:8

Ndəni nawziwgukum ɓəlɓəl hã gap əgrak nani, vi kədassoŋ də wən akokum pay Daya nam Yesu Kristu adazzan ɓa.

Efesus 5:27

Vi əsap net ɗiy na Maŋgəlva dərbəgən ama haran moggoni, məza də tellef azan ɓa, awaniɓa zən nosnos ɓa, awaniɓa məza heslepe ɓa, vi dəsangən salala, gəm məza nawpel akan ɓa.

Filipi 1:10

vi kəɓapəngən uwelen an moggoni, kəssoŋgən salala, məza heslepe ɓa, hã gap pay na Kristu,

Filipi 1:6

Sessel nəsənək na, məs dətəŋ wəza moggon vas a mokrokum, wadaw dəndən hã gap aza əgraka, pay məs Yesu Kristu adazzani.

Filipi 2:15

Vi kəssoŋgən məza də heslepe ɓa gəm bartata, kirtin Maŋgəlva məza wən aket a walaŋ sayit ɗiy mə slokorslor gəm mbəreytiŋ ɓa, məs kədawiɗeŋ a walaŋgit va offoɗe aka dəlva,

Kolosi 1:22

Ya kakaŋ na, aslerekumək də zək nan addəv gəɓa zə Wətəni, də əmta nani, vi karbokum salala məza heslepe ɓa gəm məza nawrəh əpel akokum ɓa abani,

Kolosi 4:17

Mənah sən Arkippas na: Azgə sləma aka wəza məs kərah addəv Daya, vi kəknahangəni.

1Tesaloniki 3:13

Vi dəsɓangən mokrokum, kəssoŋgən məza heslepe ɓa, salala aba Maŋgəlva Afəm pay əzza na Daya nam Yesu dit ɗiy salala nan pakə.

1Tesaloniki 5:23

Maŋgəlva afən zazay sən kiyən dubburkum tu'tu'u, gəm dəgagən zukum gərak lewlewi, əmpəs nokum, magenegenekum gəm gəɓa zukum, vi kəssoŋgən məza heslepe ɓa pay nazza na Daya nam Yesu Kristu.

2Tesaloniki 2:1

Mənam tat ənah sukum milmiŋgiɗwa, dəwəl sən əmilye na Daya nam Yesu Kristu gəm əkkal nam azan na,

2Tesaloniki 2:8

As kan na, ɗəf mbərayən nak warban zəni, Daya Yesu wabay də əmpəs na mani, wazan də gagdak na əzza nani.

1Timote 6:20

Timote, arma wən an məɗi suko. Azar səza əpel məraygən wən na Maŋgəlva gəm səza əsən na uwa wəna.

2Timote 4:1

In tat əkkomok aba Maŋgəlva də aba Kristu Yesu məs dədatawwən aket ɗiy mederet dit mimtiti gəm də iya na ərba nani gəm əzəm məlĩ nani.

Titus 2:13

də əɗɗum əga neneke gəm ərba na gagdak na Maŋgəlva metiŋ gəm na Məzukõhgəm Yesu Kristu,

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

1Piyer 1:19

Ya də mbel na sləma na Kristu iyi, məs dəssoŋ va na ndargayã məs heslepe tay azan ɓa gəm tay məs dəray azan ɓa.

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

2Piyer 2:21

Ɗəɗah sit va dəsənən tive an təstəs ɓa, ki asənəni, amzlahaŋ səka mahenziŋ an salala məpsiti.

2Piyer 3:14

Vi vaski bayneŋgiɗwa, dawga payəska, məsok zukum kəssoŋgən salala, məza də heslepe azokum ɓa aba Maŋgəlva, məssoŋ zay dəndəni.

2Piyer 3:2

Vi kəɗɗumonəngən əpel məs məskəleŋɗe salala apeleŋ lahəŋka gəm net maslənɗe nokum, ana mahenziŋ na Daya məzukõhgəmə.

1Yohanna 3:2

Bayneŋgiɗu na makrawa, kakaŋ na kirtin Maŋgəlva mənani, an va mədawsam abe na dərbə tagay ɓa. Ya məsənək na, an arbanək zəni, waməsam va ndəni, vi wamula va asani.

Zuda 1:24

Sən Maŋgəlva nawɓap əgukum məza ətaŋgbãy ɓa, gəm nawziwgukum aba gagdak nan məza də heslepe ɓa də ənneke,

Hənhən 1:7

Awla tay əzan aka slaybuwna, ɗiy pak wawlanəni, gəm ɗiy məs dəmpanən zlaŋ wawlanəni. Ɗiy naka dəlvafuŋ pak waskaŋ morkoyo aka wən nani. Vaski wagəɗ vaska.