1Timote 6:12 - Bible en Guidar

¹² Agay əgay moggon vi ətafa, arma zeŋgile nassa faɗ məs məyuk akani məs kərban də əpel moggon karet ɗiy pakə.

Nouveau Testament en Guidar

¹² Say agay vi wətaf an mogoni, vi kərah gən zeŋgille nasuwa ha faɗə. Maŋgəlva ayukuk aka zeŋgille van pay məs kəɗɗa saydawa na taf nok mogon karet ɗii pak məs dəɗɗaŋ saydawa noko.

Bible en Guidar

¹² Agay əgay moggon vi ətafa, arma zeŋgile nassa faɗ məs məyuk akani məs kərban də əpel moggon karet ɗiy pakə.

1Timote 6:12 ပူးပေါင်းရင်းမြစ်များ

Gəlyaɗe 63:8

Vi məzəbbah naw kənani, ammba zeŋgile na perslekok nədanneken zuwa.

Wənməkkpaŋga 3:18

Wəlaŋga na zeŋgileyi sit ɗiy en dətafnəni, en dərmanən ɓəlɓəl na, zit neki.

Gəlya net Gəlyaɗe 3:4

In ətoŋ kiyit ləŋgə Nələmək də ɗəf məs nəŋgələ; Nərmaka yas nəppan əmpa ɓa, Hã gap in toŋgən eŋgil anat əmma da a giziŋ nat ɗak məs təɗi daway nawa.

Isaya 44:5

Ɗəf aŋka wanah na: naw na Yawe nani; ɗəf andaka, waya kiyzən də iya na Yakob. An mbərən waver aka van na: Naw na Yawe nani walvan kiyzən na Israyel.

Zakarya 10:5

Wassoŋ va gambereɗi, məndapanən ndərɓa aket tiveɗ də əlpa. Walpaŋgə, vi Yawe tay dənɗaŋ, ɗiy dəpeŋgeŋ aket pilseŋge warbaŋ wili.

2Korintus 6:7

də əpel an gesiŋ, də əɓap na Maŋgəlva, dit zəgeɗ na təstəs en nawgaya gəm en nawga kizəmə.

2Korintus 9:13

Də ula wəza moggon nokuməska, wagagdakanən Maŋgəlva vi əɓe' nokum məs kədarbaŋ dawɓe' sən Alabara Nenek na Kristu gəm əvəl nokum məs kəsapaŋ dənɗaŋ gəm dit ɗiy pakə.

Əmsak aka Mahenziŋ 26:3

Kəmbatgən ərəh məsdələv naka wəza dəpaska, kənah səngən na: «In tat ərban aba Yawe Maŋgəlva nok dəpaŋ na, nəgapək aka dələv məs Yawe asway sit efiŋgiɗim napsəm naka.»

Filipi 1:30

Əgay nam məstaka yi, va kulanən azawa, kakaŋ pak mənokum tat əprəmnən va nədawgaya'e.

Kolosi 3:15

Zazay na Kristu dəzəm məlĩ a mokrokum, məs məyukum akan kəssoŋgən gəɓa zukum taka. Məgəɗ sən soko.

1Tesaloniki 2:12

Məpel sukumko, məsɓokumko, məziwgukumko vi kədawaŋgən va an dəslə də Maŋgəlva məs dəyukum aka məlĩ nan də gagdak nani.

2Tesaloniki 2:14

Sən aski ayukum də Alabara Nenek namə, kərahaŋgən gagdak na Daya nam Yesu Kristu.

1Timote 1:18

Timote wətuwa, aŋki wən məɗiyən məs nəppan avoko, məs dəslə də əpel na kəleŋ məs məpel akok lahəŋka. Vi kəmpagən tuluk akani, kəlpəgən əlpa moggoni,

1Timote 1:19

də ətafa gəm əɗɗum moggoni. Ɗiy meɓɓet dəzbanən ɓa, məlpa akak ətaf neti.

1Timote 4:14

Kədassok məza əzga sləma aka əvəl na mbəlembəle, məs məpsuk də tive na kəleŋ gəm əɗi va ɗəf məs əsap net ɗiy məsɓet aɗiyən akokuŋ ɓa.

1Timote 6:13

Aba Maŋgəlva nəɗi suk wən nani, ndən məzəpsit zeŋgile sit zəgeɗ pakə, də aba Yesu Kristu məs dəpel əpel moggon nawtaf aba Pontiyus Pilat.

1Timote 6:19

Vas na, tay əkkalanən arya moggon an ɓəlɓələ vi pay nabe, vi dərəhaŋgən zeŋgile an gesiŋ gesiŋ.

2Timote 1:9

Ndən məs dəkõhgəmə, dəyəm də iya salala məza aza wəza nam ɓa, ya aza an aynə gəm mbəlembəle nani. Mbəlembəle məs məpsəm addəv Kristu Yesu far na sete,

2Timote 2:2

An kəprəm sə maw keret miziweɗe diyɗaŋka. Appan avet ɗiy en gesiŋ məs nawɓap əyagan sitin ɗiy meɓɓet tamə.

2Timote 4:7

Nəgayək əgay moggoni, nəgrakək ənza nawa, nərmak ətafa.

Ibriɗe 13:23

Nəŋgəl kəsənəngən na, məppani məlməm Timote sə fərsəna. An adek go' na, aməmbat ulukum matakə.

Ibriɗe 3:14

Vi mənam pak məkkpaŋgək ɗiy na Kristu, an mərmak wən nan də makram taka məppan ɓa va mərma wən nan aka wətəŋ nani.

Ibriɗe 6:18

Zəgeɗ tahəŋ sula məza awpəlaŋ ɓa, ndəɗaŋgə iynama gəm əswaya, Maŋgəlva awəna wən dənɗaŋ ɓa, tay əsɓamən diyɗa mənam məs məppan zəga pak vi karma əga an məs anah napsəmə.

1Piyer 3:9

Kədamndaganən mambray də mambray ɓa, awaniɓa əra a gəla əra ɓa, kan dərəŋ na məgəɗ sit əzaɓa, vi aka aski Maŋgəlva ayukum ka kərəhaŋgən əzaɓa.

1Piyer 5:10

Ya Maŋgəlva afən mbəlembəle məs dəyukum addəv gagdak an faɗ addəv Kristu wasɓokum dəvani dərɓaga sãhã məs kəzəmaŋ ənziya siɗikke; waɓɓəlokum, wapsukum gbogboŋgo, waziwgukum ɓəlɓələ.

1Yohanna 2:25

Aski iynama məs aynan man səmə, ndəni zeŋgile an faɗə.

Zuda 1:3

Bayneŋgiɗwa, nəgayək də wən na əver sukum ɗerewel aka wən na əkõh məs məsap akani, nulaka ətər wəray nawver sukum, vi kasɓokum addəv əgay ammba ətaf mərban sit ɗiy salala təl taka kaka'ə.

Hənhən 3:3

Aɗɗumon zəga an kərahə gəm an kəprəm kana. Arma gəm aɗimarava. An kəsok ɗezleŋge ɓa na wanəde va məhãla məza is əsən pay məs nədazzaw gurzik akok ɓa.

Mətawaŋwəna 3:2

vi kawkol maɗɗula sayit mə Israyelɗe en dəsənən wəgay lahəŋ ɓa yi kaka'ə, kawyagan sit dəsənəngəni: