1Timote 5:8 - Bible en Guidar

⁸ An ɗəf azga sləma aket ɗiy nan ɓa, sasak en neŋgil ananda, dəɗi kiyən aka ətaf ɓa yi, azganka, dəɗah məs dətaf ɓa kini.

Nouveau Testament en Guidar

⁸ An ɗəf aslga sləma wəbaah sit milmiŋgiɗin, walla ɗii neŋgil annanda ɓa, asna azelenək wənna Maŋgəlva, ɗəɗaah ɗəf məs dətaf Maŋgəlva ɓa kini.

Bible en Guidar

⁸ An ɗəf azga sləma aket ɗiy nan ɓa, sasak en neŋgil ananda, dəɗi kiyən aka ətaf ɓa yi, azganka, dəɗah məs dətaf ɓa kini.

1Timote 5:8 ပူးပေါင်းရင်းမြစ်များ

Va'Atəŋ 30:30

Vi səza nəɓəl əzzaw ɓa na, arya nok siɗikke yi, awan zən diyɗa abawa, Yawe azaɓokko. Kakaŋ naw dewe nədaɗɗa wəza sən gəla naw tam kandi?»

Isaya 58:7

Uɗakan way nok də ɗəf məs may adawda, əkol metive nok sit məssehẽŋɗe, an kəwələk ɗəf məza lukut azan ɓa, apsən əgulo, kədawgo' zuk səza məlmuk ɓa.

Matiye 18:17

An aɓoŋguk daprəm meti, anah sən əkkal net məzutafaŋgə. An aɓoŋguk daprəm ma əkkal net məzutafaŋgə, dəsan azok va ɗəf ɗarə awaniɓa va məkkal nzalaka.

Matiye 7:11

Munokum mbəraykum dərəŋ kəsənənək əpsit zəgeɗ mogget sit kirtukum. Mbari Afukum na disiŋ apsit na zəga moggon sit məzəssohonən ɓaŋ di?

Yohanna 15:22

Va nəde ɓa gəm nəpel sit ɓa, kəta tahəŋ də mambray ɓa. Ya kakaŋ na, təki narma vet tay vi mambray net ɓa.

1Korintus 6:6

Ya ɗəf əka dolgoy aka məlməni kan məza abet məzutafaŋ ɓa.

2Korintus 12:14

Təl mahokon yaŋ nəsla zu naddaw anokumda kakara. Ya kappətkumi ɓa, vi zəga nədaŋgla səvokum ɓa, anokum zək nokumi. Gesiŋ, kirniŋ nawzaɓ zəga ammbet migilit ɓa, migiltiŋ nawzaɓ zəga ammbet kirni.

2Korintus 6:15

Əsler mi a walaŋ Kristu də Beliyal awaniɓa mi dəsapan ɗəf məs dətaf də ɗəf məs dətaf ɓa di?

Galatiyen 6:10

Vi vaski, an mərahək pay nan na, məgəɗ səm moggon sit ɗiy pakə, sasak sit ɗiy en də mənam addəv ətafa.

2Timote 2:12

an məsokuk zəmə, waməzəm məlĩ dəndəni; an məzelenike, nan pak wazelemə;

2Timote 3:5

Ulet na va məgeslne sənən Maŋgəlva, ya tahəŋ əzelenən gagdak nani. Azar səzet ɗiy en veski.

Titus 1:16

Tahəŋ ənah na asənnənək Maŋgəlva, ya ndəɗaŋ əzelen də wəza neti, məreygitiŋ, məɓoŋgitiŋ, wəza moggon tay adawɓapaŋ əɗɗa ɓa.

2Piyer 2:1

Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

Zuda 1:4

Vi ɗiy meɓɓet tahəŋ dətoŋgoŋ a walaŋkum, məs məver wən nawtaw aket farə, ɗiy mbəreyit məs dədakkpaŋganən mbəlembəle na Maŋgəlva nam azet ka zəga ɗarə, dəppanən mərbəzəga an taka ana Daya nam Yesu Kristu.

Hənhən 2:13

Nəsənək a təki kəsoko, adaki mazaŋga na məlĩ na Satan asani. Ya kərmak iya nawa, aka pay məbay Antipas miziwe naw an gesiŋgesiŋ a nokumda zlaŋ, a təki Satan asani kəppan ətaf məs kətafu ɓa.

Hənhən 3:8

Nəsinik wəzaɗe noko. Awle, nəɗiyək metive kollo aboko, məs ɗəf tay nawɓap əmsan ɓa, gbogboŋ siɗikke yi azoko, də as pak kərmak əpel nawa, kəzelen iya naw ɓa.