1Timote 4:8 - Bible en Guidar

⁸ Vi əsərəkgən zə ɗəfa ətərwəray nan siɗikke yi, ya geslne na Maŋgəlva na, tay ətərwəray aza zəga pakə. Tay də iynama na zeŋgile kakaŋka, gəm an nazzani.

Nouveau Testament en Guidar

⁸ Wəɗi ki zə ɗəffa wətər wəray nan suɗikeyi, amma geslne na Maŋgəlva watər wəray ko aza zəga pakə. Wapsəm zeŋgille kakaŋka, də adəv pay məs dədazani.

Bible en Guidar

⁸ Vi əsərəkgən zə ɗəfa ətərwəray nan siɗikke yi, ya geslne na Maŋgəlva na, tay ətərwəray aza zəga pakə. Tay də iynama na zeŋgile kakaŋka, gəm an nazzani.

1Timote 4:8 ပူးပေါင်းရင်းမြစ်များ

Ɗerewel na Yob 22:2

Ɗəf watər wəray sən Maŋgəlva sa? Vi məsmaɗɗula akan ana kizən anan adawtəra.

Ɗerewel na Yob 36:11

An tahəŋ əprəməni, tahəŋ əɓe'en sənəni, wagrakənən əssa net addəv zazaya, gəm əzva net addəv ənneke.

Gəlyaɗe 145:19

Tay əɗɗa əŋgla net məzugeslne'eŋ sənəni, tay əprəm əhəm neti, tay əkõhgiti.

Gəlyaɗe 37:11

Dələv wasan sit məs dəvoŋgənən kiyti wannekeŋ addəv zazay diyɗa.

Gəlyaɗe 37:29

Dələv wasan sit ɗiy en təstəsə, wassoŋ akan hã faɗə.

Gəlyaɗe 37:9

Vi kawzeti məɗɗaŋ zəga mbərayni, en dədawganən Yawe na, net dələv wasan ka neti.

Gəlyaɗe 84:11

Vi əvoŋ taka adaŋgla anokda, adayək ki əvoŋ gabal a təki mbərni, An nəwel na: əssa aka ma tive na gəla na Maŋgəlva nawi, day ki əssa a gizlirkeɗe net məs mambrayɗe.

Wənməkkpaŋga 19:23

Geslne na Yawe awka ɗəf aza zəŋgile, wavoŋ addəv əba, məza irgisl də tatwãh ɓa.

Wənməkkpaŋga 22:4

Ərəh na əɓe'gən ki ɗəf na, ndəni geslne na Yawe, arya, gagdaka gəm zeŋgile.

Məsmaɗula 8:12

Kəta məs mambray dəɗɗa daraw nan təl səkatə gəm dəzzeken pay nan aka dələv zlaŋgə, nəsənək na, nenek tay viyit ɗiy məgeslne'eŋ sən Maŋgəlva, vi tay əgeslne'eŋ sənəni,

Isaya 3:10

Mənah na: dəɗah net ɗiy en təstəs vi wazəmən ətərwəray na wəza neti.

Isaya 33:16

Ɗəf nani wasan a təki məɓayən, milɓeɗəŋ nassoŋ təki nawɗam nani, way nan wasani iŋkile nan akkpapaŋ na ɓa.

Yeremiya 6:20

Mi tursan na Saba adawtər su gəm kevile məffok nek naka dələv faraɗa di? Əvəl nawzla kurmbuɗuk nokum tay əmbat su ɓa əzaɓ-Maŋgəlva kədawdaŋ tay nek azaw ɓa.

Matiye 12:32

Məs dəpel mbərayən aka Wətən Ɗəfa kavvuyon səni, ya məs dəpel mbərayən aka Zeŋgile Salala, kavvuyon səni ɓa. Kavvuyoni aka pay an kakaŋka ɓa, aka pay an dədazan ɓa.

Matiye 19:29

Ɗəf awandi pak dəpan gəla nani, milmiŋgiɗin mezeŋleketi, məguluŋgiti, afəni, mani, kirtini awaniɓa gulyeŋɗe nan aka iya nawa, warah mədayki aska gəm əmpa warah zeŋgile nassa hã faɗə.

Matiye 6:33

Məkayan məlĩ na Maŋgəlva də təstəs nan daabəŋ, asna wapsukum zəgeɗis pakə.

Markus 10:30

məza ərah gəleɗe, milmiŋgiɗin mezeŋgleket dit məguluŋgiti, mãy mani, kirni, gulyo gəm əsərma təɓələn səkat addəv pay nanziya an kakaŋkəŋ ɓa ɓa. Ya addəv pay an dədazzani warəh zeŋgilen an faɗə.

Luka 5:38

Ya aslək əzi mbazla na meketepe addivit kenekeneɗ meleketeni.

Roma 8:28

Məsənək na, Maŋgəlva tay əɗɗa zəga pak vi moggon net ɗiy en dəngluwəni, viyit ɗiy en ayə va aza an aziwgini.

1Korintus 3:22

Dəsan Pol, dəsan Apollos, dəsan Kefas, dəsan ənziya egge, dəsan zeŋgile, dəsan əmta, dəssoŋ zəgeɗ kakaŋka dəssoŋ zəgeɗ en dədazzoŋgu, zəgeɗ pak nokuməŋ,

1Korintus 8:8

Ya zəga nawzəmi naddergəm aba Maŋgəlva ɓa. An məzəm ɓa, tay dərreh səm ɓa, an məzəmka, tay mərah day ki lahəŋ ɓa.

1Timote 4:7

Ya məraygənən wəna gəm mambet ɗar mekeleŋ net gil mezzeɗi, aɓoŋgu. Appan kiyuk addəv gəslne na Maŋgəlva.

1Timote 6:3

An ɗəf tay əɗɗa əyak maɓɓani, məs dəziw aka əpel salala na Daya nam Yesu Kristu gəm aka geslne na Maŋgəlva ɓa,

1Timote 6:5

əgay nan məza meŋge ɓa yi a walaŋgit məza əsən aket ɓa, gegesiŋ azək sə ma hereti. Azet na, əgeslne sən Maŋgəlva na, suwer ərəh arya yi.

1Timote 6:6

Gesiŋ, əgeslne' sən Maŋgəlva van suwer ərəh arya metiŋgini, an ɗəf tay əɓap ənnek də an navani.

2Timote 3:5

Ulet na va məgeslne sənən Maŋgəlva, ya tahəŋ əzelenən gagdak nani. Azar səzet ɗiy en veski.

Titus 3:8

Aŋki əpel an dəslə nawtafa. Nəŋgəl kəziwginigin wənəska, vi ɗiy məs dətafən Maŋgəlva dəsokəngən zit əɗɗa wəzeɗe moggeti, wənəs moggoni, watər wəray azet ɗiyi.

Ibriɗe 13:9

Kədappanən zukum əza sit əyakɗe temtem net ɗiy-ɗar ɓa. Moggoni mbəlembəle na Maŋgəlva dəzɓangən makramə məza mahenziŋ net ɗiy aka wən na zəga nawzəm ɓa. Dətər sit wəray sit məs dəzbanən ɓa.

1Yohanna 2:25

Aski iynama məs aynan man səmə, ndəni zeŋgile an faɗə.

Hənhən 3:12

Məskəwəla na, wanəɗɗa dəsangən dədəka addəv gəla na Maŋgəlva nawa, agil na əmpa ɓa, wanəver iya na Maŋgəlva naw akani, gəm iya na walaŋgəla-metiŋ na Maŋgəlva nawa, Yerusalem meleketen dədawpirken sə disiŋ səza Maŋgəlva nawa, gəm iya naw meleketeni.

Hənhən 3:21

Məskəwəla na, wanəɗɗa dəsangən də in aka mazaŋga na məlĩ nawa, va naw pak nəskəwəla nəmbat əssaw də Əbba aka mazaŋga na məlĩ nani.

1Samiyel 15:22

Samiyel amna: «Əvəl nawzla kurmbuɗuk də an nawda Yawe aŋgəl day ki əprəm ma Yawe sa? Vaski ɓa! Əprəm ma aŋgəl day ki əzaɓ-Maŋgəlva, əɓe'gən kiya day ki səlhã net ndergeyẽɗi.