1Timote 4:6 - Bible en Guidar

⁶ Darbet zəgeɗis sit milmiŋgiɗuk na, wakəsok məgəɗ wəza na Yesu Kristu moggoko, məs məzəmguk də əpel na ətafa gəm də əyak moggon məs kəzbə lewlewi.

Nouveau Testament en Guidar

⁶ An kərbanək wənnəŋ sit milmiŋgiɗko, asna məgəɗ wəza na Krestu mogon kənani, vasna istatərban na, istatə zəm gən zeŋgillok də wəpel na Maŋgəlva də wətafa də zəga nawsən an də goŋga, an məs kərma wənnan də sembe.

Bible en Guidar

⁶ Darbet zəgeɗis sit milmiŋgiɗuk na, wakəsok məgəɗ wəza na Yesu Kristu moggoko, məs məzəmguk də əpel na ətafa gəm də əyak moggon məs kəzbə lewlewi.

1Timote 4:6 ပူးပေါင်းရင်းမြစ်များ

Gəlyaɗe 19:7

Sə metteɓ ma disiŋ agili, ndən kpaŋ a metteɓ man mbərən, zəga tay nawkõh səma əzla nan ɓa.

Wənməkkpaŋga 4:2

Vi zəga nawsən moggon nərbə sukum, kədazganən əyak naw ɓa.

Yeremiya 15:16

Səza nərəh əpel noko, nəzəmka; əpel nok asanək azaw mamyãk-mamyãk gəm ənnek a makrawa, vi də iya nok adawyəwəni Yawe Maŋgəlva Məzuɓappak.

Matiye 13:52

Yaŋ anah sit na: Vi vaski mərbə-mahenziŋ məzəzban məlĩ na Maŋgəlva pak, agilik va afən gəla, məzugilgit zəgeɗ meleketeti gəm zəgeɗ məzvet sə təki nawzaɓ nani.

Luka 1:3

naw pak nulak lew səza nəkoson gabban lewlew təŋ səza suwerini, karban suk məverin nan də mabbərkizəni anoko ɗəf gagdak Teyofil,

Wəza net Masləŋɗe 1:15

Pay dəpaska Piyer le aweleŋgit milmiŋgiɗin, ɗiy waɗɗaŋ gap səkat də kaklaw sula adaka yas amna:

Wəza net Masləŋɗe 20:31

Vini, məga, məɗɗumon na, dəfəɗ də kapay gap əzva hoku, nəbew ɗah də əsəɓ sukum dit sin araw taka taka nokum pak ɓa.

Wəza net Masləŋɗe 20:35

Zəga pak nərban sukumko, də tatwãh adah nabbah sit ɗiy məddekti, də əɗɗumon əpel na Daya Yesu, vi ndən sən kiyən anahək na: Ənnek addəv əvəli dayki addəv ərəh zəga.

Roma 15:15

Ya nəver sukumək də zu soksoku, vi kaɗɗumon sukum an kəsənaŋ səkayə, də mbəlembəle na Maŋgəlva məs avayə,

1Korintus 4:17

Sən aski nəslən sukum Timote wətu na makrawa, tay təstəs addəv əsap də Daya. Waprəman sukum tive nanziya naw addəv Kristu, va nədarban a təki pak addivit gəleɗe na Maŋgəlva pakə.

2Korintus 11:23

Məɗɗaŋ wəza na Kristu wəŋ sa? Anəpel va na dərwa: In dayə. Addəv əya, in dayə; əssa a fərsəna, in dayə; ərəh ərga, in day pelepele. Addəv mandara namta, naw təl ɓaɓayə.

2Korintus 3:6

Ndəni dəɗɗəm nawɓap əsam məɗɗaŋ wəza na wənmiyna meleketeni, məza səza an məverin dəveri ɓa, səza Əmpəsi, vi an məverin awbay ɗəfa, Əmpəs tam apsən zeŋgile sən ɗəfa.

2Korintus 6:4

Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

Efesus 6:21

Ka nokum pak kəsənəngən an dəwəl suwa də an nədaɗɗa na, Tikikus məlməm na makrawa, məgəɗ wəza na Daya də gegesiŋ wanah sukum pakə.

Filipi 2:20

Vi in tat də ɗəf maɓɓan məs nawɗakan əɗɗum naw ndəndən gəm nazga sləma aka wən nokum zən soksok va ndən ɓa.

Filipi 2:22

Ya kəsənnənək va Timote agəɗə, vi asanək va wiyən a maŋgava afəni, appanək ki zən də in aka wəza na Alabara Neneke.

Filipi 3:16

Va agəɗ pak, a təki məgapəŋ na məzban səm ədaw sap haraw sek də təki taka.

Kolosi 2:19

Appanənək əsler də Kristu ki əsap net məkristu, məs gəɓa zə ɗəf pak asap azan slersler əzəm dit mesleŋsleŋɗe gəm bəletɗe, yaŋ adawɓay va Maŋgəlva aŋgələ.

Kolosi 3:16

Əpel na Kristu dəsan a walaŋkum də ərəh nan pakə, məyagan gəm məbbah sən zukum də maɗɗula. Məyə sən gəlya sən Maŋgəlva də mokrokum, gəlyanalva, gəlya gəm gəlya dəde səza Əmpəsa.

Kolosi 4:7

An dəwəl su pak na, Tikikus məlməm na makrawa, məgəɗ wəza na Daya də gegesiŋ, baynaw naka balam wanah sukum pakə.

1Tesaloniki 3:2

Yaŋ məslən Timote məlməm məgəɗ wəza na Maŋgəlva addəv Alabara Nenek na Kristu, vi dəɓɓəlokumgəni gəm dəsɓokumgən addəv ətaf nokum,

1Timote 1:10

viyit məkuhwaŋ a gizbe, məvunoŋ dit zel tusso, viyit məvəlaŋ belemɗe, dit məwaŋ tepelke, dit məswayaŋgə, dit məɗɗaŋ zəga maɓɓan nawraygən əyak an salala.

1Timote 4:16

Azlək sləma aka zək noko gəm aka əyak noko, aziw ɓəlɓəl aket zəgeɗiski, vi də əɗɗa vaski kədawkõhgən kiyko gəm en məzəprəmkuni.

1Timote 6:3

An ɗəf tay əɗɗa əyak maɓɓani, məs dəziw aka əpel salala na Daya nam Yesu Kristu gəm aka geslne na Maŋgəlva ɓa,

2Timote 1:6

Ndəni kan nədaɗɗum suko, azi zuk aza əvəl məs Maŋgəlva apsuko, məs kərah pay nəɗi vaw akoko.

2Timote 3:10

Ya nok na, kəgəmək təlu addəv əyaka, ədawa, əɗɗumo, ətafa, əɓəsa, əŋgla, əsok zə ɗəfa,

2Timote 4:3

Vi pay wade məs aɓapən na ətaf əyak an salala ɓa, sləmet wahhereti. Ya wakkeletin mərbaŋzəga va aza əŋgla na gəɓa ziti.

Titus 2:1

Ya noko, apel an məs dəslə də əyak an moggoni,

1Piyer 2:2

Məssoŋ va kirin muwet kakaŋka, məŋglu momvo an saksakə, ana əpel na Maŋgəlva, vi kəɓayaŋgən dəndən hã gap aza əkõhõ.

2Yohanna 1:9

Ɗəf məs dəmbat abe, dəsan addəv əyak na Kristu ɓa, tay də Maŋgəlva ɓa. Ya ɗəf məs dəsan addəv əyakəŋka, tay də Afəni gəm də Wətəni.

Zuda 1:5

Maw aka əɗɗumon sukum, də kəsənnən wən van pakə, səza Daya akõhgit ɗiy nan sə Eziptə, sə dərɓagani, azetik en məs dətafaŋ ɓa.