1Timote 4:10 - Bible en Guidar

¹⁰ Vini kan mədaya əɗɗa wəza, mədawgaya, vi məɗiyək əga nam aka Maŋgəlva madarani. Ndəni məkõhgit ɗiy pakə, sasak məzutafaŋgə.

Nouveau Testament en Guidar

¹⁰ Vini kan mədaɗɗa wəza, mədawgay də wənnani, vini mədaɗi wəɗum nawrəh wəkoh aza Maŋgəlva məs madarani. Ndəni nawkoh git ɗii pakə, ɗiiyen nawkoh git day bo məs dətafən Krestu.

Bible en Guidar

¹⁰ Vini kan mədaya əɗɗa wəza, mədawgaya, vi məɗiyək əga nam aka Maŋgəlva madarani. Ndəni məkõhgit ɗiy pakə, sasak məzutafaŋgə.

1Timote 4:10 ပူးပေါင်းရင်းမြစ်များ

Gəlyaɗe 107:2

En Yawe abit dəpelenəni, en məs abit səva məzuseɓe,

Gəlyaɗe 118:8

Ɗəɗah əɗam ara Yawe ki əppan əɗɗum nok aka ɗəfa!

Gəlyaɗe 36:6

Yawe, hã a disiŋgi moggon noko, ɓəɓəl nok apeŋgik hã aka slaybuwna.

Gəlyaɗe 37:40

Yawe wabbah siti, wabite, wabit səvet məsdarawɗe, wakõhgiti, vi azan adawɗamaŋgə.

Gəlyaɗe 52:8

Ɗiy en təstəs wawlanəni, wageslne'eŋgi, wamasaŋ akani.

Gəlyaɗe 84:12

Vi Yawe Maŋgəlva, pay yi, baray yi; Yawe tay əpsəm mbəlembəle də gagdaka, awzle məzudawaŋ aka təstəs-gərak də moggon ɓa.

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Yeremiya 17:7

Əzaɓ aka ɗəf məs dəɗi əɗɗum nan aka Yawe məs Yawe asan zəga nawges nan azani.

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Nahum 1:7

Yawe moggoni; təki nawɗam pay na tatwãhĩ. Asinik en dəɗamaŋ azani,

Matiye 16:16

Simoŋ Piyer azlani amna: Kristu Wətən Maŋgəlva madaran kənani

Matiye 27:43

Appanək zən fendeŋ aka Maŋgəlva, ya dəkõhgən kakaŋ kana, an aŋgluwəka. Vi anahək: «Wətən Maŋgəlva nənani!»

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Yohanna 4:42

Aɓsətən guluk nak na: Sən əpel noki kaka mətaf ɓa, vi məprəmək əpel nan mənam sən kiymə, məsənək na, ndəni məkõhgən dələv gesiŋ.

Yohanna 5:24

Gesiŋ gesiŋ nədawnah sukum: Ɗəf məs dəprəm əpel naw pak, dətaf ɗəf məs dəslənwa, arahək zeŋgile an faɗə, ade na aba ətawwən ɓa. Atoŋguk ki əmta, agapək aza zeŋgile.

1Korintus 15:10

Də mbəlembəle na Maŋgəlva yi nəsaw va nəsawəŋka, mbəlembəle nan viyu dəsan ɗar ɓa. Nəgəɗək wəza daykiyit pak dərəŋgə, in nəɗɗa ɓa, mbəlembəle na Maŋgəlva məs dəsan də iyni.

2Korintus 1:10

Ndən dəkõhgəm səma əmta metiŋgiska, ya wakõhgəmə'e, akani məɗi əga namə, wakõhgəm əmpa'e.

1Timote 2:3

Aski lew gəm nek aza Maŋgəlva, məkõhgəmə,

1Timote 2:4

məs dəŋgəl na ɗiy pak dəkõhoŋgəni, dərəhaŋgən əsən gegesiŋ.

1Timote 2:6

məs dəppan kizən ka zəga nawmet ɗiy pakə. Aski əpel məs dərbə də pay məs məziwgini.

1Timote 3:15

Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

1Timote 6:17

Aɗi sit wən nan sit məsaryeɗ kakaŋ naka dəlvəŋka, adawkaɓaŋ ɓa, adawɗiyən mekret aka arya məs asana faɗ ɓaŋ ɓa, ya dəɗiyən mekret aka Maŋgəlva məs dədapsəm zəga pak na mekeleŋ, mənekengən zəm dəndən.

Ibriɗe 11:26

Aɗi ərba wil na Kristu azan va arya metiŋgin dayki arya na Eziptə, vi haran tay sekke aka zəga nawrəh na vani.

Ibriɗe 13:13

Məgilsəm əlma dəndən a ma poho na dibirgidiki, də wəslet wil nani.

1Piyer 1:21

Dəzani kətafən Maŋgəlva məs dəsilgən səret ɗiy mimtiti, apsənək gagdaka, vi ətaf nokum də əga nokum dəsangən aka Maŋgəlva.

1Yohanna 2:2

Vi ndəni dəmtə kavviyan mambray namə; ya an nami kaka' ɓa, vi an net ɗiy nammba dələv paki ye'e.

1Yohanna 4:14

Ya nam mulaka, mənam tat ənəh na, Afən aslənək wətən ka məkõhgəni.