1Timote 4:1 - Bible en Guidar

¹ Əmpəs na Maŋgəlva anahək kotakə, gu'o aza əgrak na dələv na ɗiy meɓɓet wappanən ətaf neti, wappanən kiyit sən əmpəs məmakan ɗəfa gəm sən əyak net tuyeŋge.

Nouveau Testament en Guidar

¹ Əmpəs na Maŋgəlva anahək kotakə, gu'o aza wəgrak na dələv na ɗii meɓɓet wəppanən wətaf neti, wapprəmən ma əmpəs məs nawzet ɗii yi, də zəga nawsən na Satan.

Bible en Guidar

¹ Əmpəs na Maŋgəlva anahək kotakə, gu'o aza əgrak na dələv na ɗiy meɓɓet wappanən ətaf neti, wappanən kiyit sən əmpəs məmakan ɗəfa gəm sən əyak net tuyeŋge.

1Timote 4:1 ပူးပေါင်းရင်းမြစ်များ

Va'Atəŋ 3:13

Yaŋ Yawe Maŋgəlva anah sət ɗak nakə: «Miy kəgəɗəŋ di?» Təmna: «Dohõy dəmbəɗawa yaŋ nəzəma.»

1Milyeŋge 13:18

Yaŋ anah sən na: «Məskəleŋ nan va isi, maslay dəpel su əpel na Yawe dawnəh na: Amilgən anokda; dəzəmgən waya, gəm dəsəgən iŋkile.» Wən awə səni.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Yeremiya 23:26

Hã dewɗe məzəɗiyən zit va məskəleŋɗeŋ adappanən əɗɗa kəleŋ na uwawən gəm əɗɗa kəleŋ də an dəde sə mekret di?

Yeremiya 48:47

Wanəzaɓan wən na Mo'ab addəv pay an dədazzani Yawe aɗiymani. Aŋ ətawwən na Mo'ab adawziwwe.

Yeremiya 49:39

Ya pay wade, wanəsilgin Elam Yawe aɗiymani.

Ezekiyel 1:3

Əpel na Yawe ade sənək Ezekiyel wətən Buzi məsdələv aka dələv net mə Kaldiyeɗi, go'o də məlpa Kebar. Gagdak na Yawe aprik akan adaka.

Ezekiyel 38:16

Wakəde aket ɗiy naw mə Israyelɗe va slaybuwən kawgul dəlva, addəvit əvoŋɗe nabe adawsani. Wanəkiyuk əgul dələv nawa. Vasna ɗiy-ɗar wasənwən pay nərban salala naw azok a mahereti, Gog.

Daniyel 10:14

Nəde na vi kaprəman suk an nazzan aket ɗiy nok abe, vi ula aka an dəwəl sən pay vanəs əmpa.»

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Mika 4:1

Addivit əvoŋɗe nabe na mossorgo metiŋ na gəla na Yawe waday kiyit mossorgoɗe gugriɗe meɓɓeti, gəm waday kiyit təki ɗagarraɗi. Asna ɗiy naka dələv dəwənnet pak wazzoŋ ɗakɗak akani.

Əŋɗa 24:14

An vaski, gəgaŋ na wanəmbat ezet ɗiy nawa; ya ade, nənah suk dafsən an ɗiyiŋ adaɗɗaŋ sitin ɗiy nok pay an nazzan abe.»

Matiye 18:7

Əray aka dəlva, vi tay dit zəgeɗ diyɗa nazbərgitin ɗiy addəv mambraya. Tay an dədawtak zəga nazbərgən ɗəf dazzan ɓa, ya əray aka ɗəf məs wən na əzbərgən ɗəf ade dəzani.

Luka 17:1

Yaŋ Yesu aɓsit gewleɗ nan na: Tuwãhi ka zəgeɗ nawtaŋgbãygən ɗəf adazzoŋ ɓa, ya əray aka ɗəf an dəsan tive nawkiti.

Yohanna 16:13

Pay Zeŋgile na gegesiŋ adazzani, wadawgukum addəv gegesiŋ pakə. Vi apel na na kiyən ɓa, ya wanah an adaprəm pakə, wanah sukum zəga an dədazzani.

Wəza net Masləŋɗe 13:2

Pay maɓɓani, tay əɗiynən ki Daya, tahəŋ əɗɗaŋ meme, Zeŋgile Salala amna: Muwel su Barnabas də Sawlu vi wəza məs nəye səni.

Wəza net Masləŋɗe 17:18

Ɗiy meɓɓet mərbaŋ əsən kpukpuməŋ məs adawyaŋ na mə Epikuriɗe dit mə Sitoysiɗe, apeleŋgik dəndən. Ɗiy meɓɓet aɓɗaŋ na: Mi məs manəŋ adaŋgla ənah di? Ɗiy meɓɓet aɓɗaŋ na: Kuzuŋ meŋgilveɗ meɓɓet adaŋgla ərbet soko. Vi Pol alabara nenek na Yesu gəm na əsilye səka əmta adarbani.

Wəza net Masləŋɗe 20:23

Abbər ki an Zeŋgile Salala adawnah su na, walaŋgəla-metiŋ awan pak ngiyamɗe də tatwãh tay əgəwəni.

Wəza net Masləŋɗe 21:11

Adek azamə. Agəmək maslapa na Pol. Aynanək vani də tələn dəndəni, amna: Aŋki məs Zeŋgile Salala anah suwa: mə Yudeɗ na Yerusalem waynanən afən maslapaŋka, wapanən avet ɗiy-ɗarə.

Wəza net Masləŋɗe 28:25

Adan adawtərayaŋ məza dəslereŋ ɓa, yaŋ Pol anah sit wən taka: Gesiŋ Zeŋgile Salala apelik də ma Isaya məskəleŋ sit efiŋgiɗkum.

1Korintus 10:20

Ya zəga mətawən nawzaɓ-maŋgəlva net sit tuyeŋge yi ɓa na sən Maŋgəlva adawtawən ɓa, ya maw tay aka kəsapaŋgən də tuyeŋge ɓa.

1Korintus 11:19

Aslək uɗak dəgəɗgən a walaŋkum vaska, vi kawsən ɗiy en nawziweŋ aba əsla vani.

1Korintus 12:11

Ya zəgeɗis pak Əmpəs an taka gəm an məstakayi pak dədaɗɗeti, tay əpsən ɗəf pak va aza aŋgələ.

1Korintus 2:10

Ya səmi Maŋgəlva arban səm də Əmpəsa; vi Əmpəs tay əkoson zəga pakə, zəgeɗ kpukpumɗe na Maŋgəlva daydayə.

2Korintus 11:3

Va dohõ ambəɗat Hawwa də kuket nani, geslne tay ədu na, maɗɗulokum adawray kappan moggoni gəm salala na Kristu ɓa.

Əmsak aka Mahenziŋ 32:29

Va də maɗɗuletiŋ na, waprəmənən gabbani, wawelenən an nabet kəta:

Əmsak aka Mahenziŋ 4:30

Pay na tatwãh noko, an nəpeliŋ pak arəhkuk pay an nabe, wakəmndoŋ hã aza Yawe Maŋgəlva nokum, wakəprəmən man kana.

Kolosi 2:18

Ɗəf adawtaw wən akokum aka wən na əɓegən ki zə ɗəfa gəm wən na əgagdaket maslayɗe ɓa, tay əɗiyən kiyit aka ula məs awlaŋgə, yaŋ adagagdakanən zit də tive na əɗɗum na ɗəfa.

2Timote 3:13

Ya ɗiy mbəreyti gəm muwaŋ wəna, wambataŋ ɓetteŋɗeŋ abe abe, wazetin ɗiyi, wazanən kiyti.

2Timote 4:4

Wakkpaŋganən sləmet səka gegesiŋ, kakkpaŋgaŋ azet mambeɗi.

Yakob 3:15

Maɗɗula nawsən zəga zemvin aska, dəde sə disiŋ ɓa, nan səka dəlvafuŋ ade, səza wən na gəɓa zə ɗəf ade, nan səza Satan ade.

1Piyer 1:20

Məs məwelin daabəŋ ki əzəməɗ na dəlva, mərban aza pay na əgrak na dələv vikum.

2Piyer 2:1

Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

2Piyer 3:3

Məsən tagay na, pay əgrak dəlva, ɗiy məmasaŋ aka ɗəf wazzoŋgu, wadawaŋ addəv əŋgla na gəɓa ziti.

1Yohanna 2:18

Kirtuwa, pay an meddirɓe yi, va kəprəmənən na məzuzel na Kristu tay əzzani əŋka. Ya kəkaŋ vani, məzuzelɗe na Kristu tahəŋ diyɗa. Səza aski mədawsənən na pay an meddirɓeyi əŋka.

1Yohanna 4:6

Ya nam na Maŋgəlva mənani. Ɗəf dəsən Maŋgəlva waprəmmə; ɗəf an na Maŋgəlva yi ɓa, aprəməm ɓa. Səza aski mədawsən Əmpəs na gegesiŋ də əmpəs na əza.

Zuda 1:18

Vi anah sukumənək na: Aba əgrak na dələv na: Ɗiy wamasaŋ akokum, wazbanən əsim zəga mbərayən neti.

Zuda 1:4

Vi ɗiy meɓɓet tahəŋ dətoŋgoŋ a walaŋkum, məs məver wən nawtaw aket farə, ɗiy mbəreyit məs dədakkpaŋganən mbəlembəle na Maŋgəlva nam azet ka zəga ɗarə, dəppanən mərbəzəga an taka ana Daya nam Yesu Kristu.

Hənhən 13:14

Tay əmbəɗet ɗiy naka dəlvafuŋ pak də tive məs məpsən naɗɗa sekeneɗ ama hara zəga mamayã maddaabəŋ naka. Tay əhheɗet ɗiy dəɗɗaŋgən zeŋgile zəga vi kawgagdakan zəga mamayã məs də vaŋvi na masalam azan dəmbəl naka.

Hənhən 16:14

Es vet əmpəsɗe dəzzoŋ səza Satan əŋgə. Tay əɗɗaŋ sekeneɗi gəm əddoŋ azet məlyeŋge nammba dələv gboŋgu, kakelet kaɗɗa əlpa də pay metiŋgin na məlĩ Maŋgəlva.

Hənhən 18:2

Aŋgəslək vaŋvəl dayadaya na: Aɓəslka, aɓəslka, Babilon walaŋgəla-metiŋ naka. Akkpaŋgək təki nassa net tuyeŋɗe, təki nassa net əmpəsɗe mbəreyti, təki nassa net biŋgeɗ mbəreyit dit en nawmə' pakə.

Hənhən 18:23

Əkeɗeɗe na lalam akasak na anokda ɓa. Kaprəmi ɗah gugoyo net məgəmaŋ gili dit məgəmaŋ zel a walaŋgəla nok ɓa vi məɗɗaŋ terere diyɗaŋ anokda daykiyit məɗɗaŋ terere naka dəlvafuŋ pakə, vi sekene nok nawa tepelke, aluɓinik ɗiy naka dələv pakə,

Hənhən 19:20

Mərmani zəga mamayã nak a fərsəna, gəm məskəleŋ məwə tepelke məgəɗ sekeneɗ aban məs dəmbəɗet ɗiy dətafən voɗoko na zəga mamayã naka gəm agagdakanən zeŋgileni. Zəga mamayã də məskəleŋ məwə tepelke nek pak məzgeti mederet addəv vov na offo muhurən.

Hənhən 2:11

Ɗəf məs də sləman, dəprəm an məs Əmpəs adawnah sit gəleɗe na Maŋgəlva. Məskəwəla pak azəmna sãhã na əmta masula'ən kpak ɓa.

Hənhən 2:17

Ɗəf məs də sləman, dəprəm an məs Əmpəs adawnah sit gəleɗe na Maŋgəlva: Sən məskəwəla pak wanəpan manhu məɗamani, wanəpan gərəm babar məver iya meleketen akani, ɗəf tay nawsən iya van abbər ɗəf məs məpsən ɓa.

Hənhən 2:29

Ɗəf an məs də sləman, dəprəm an Əmpəs adawnah sit gəleɗe na Maŋgəlva.

Hənhən 2:7

Ɗəf məs də sləman, dəprəm an məs Əmpəs adawnah sit gəleɗe na Maŋgəlva. Sən məskəwəla pak wanəpan dəzəmgən uwa na wəlaŋga na zeŋgile dəsan a təɗa aza Maŋgəlva.

Hənhən 20:10

Asna kazgani Satan məs dəmbəɗet nak addəv vov na offo gəm na busuku, a təki məzgan zəga mamayã də məskəleŋ məwə tepelke naka, wazəmaŋ sãhã adak kapay də dəfəɗ pak ha faɗə.

Hənhən 20:8

Wambat əmbəɗet ɗiy səka tapaslay pay poɗo na dəlvafuŋ pakə, va wənah na: Gog də Magog. Satan wakkeleti kawgaya, wassoŋ diyɗa va hoyoŋko a məlpa.

Hənhən 3:13

Ɗəf məs də sləman na, dəprəm an Əmpəs adawnah sit gəleɗe na Maŋgəlva.

Hənhən 3:22

Ɗəf məs də sləman na, dəprəm an Əmpəs adawnah sit gəleɗe na Maŋgəlva.

Hənhən 3:6

Ɗəf məs də sləman na, dəprəm an Əmpəs adawnah sit gəleɗe na Maŋgəlva.

Hənhən 9:20

Ɗiy məs dəmbraŋ tamə, məs dəmtaŋ sit gəbayɗe ɓa, dəɗiyaŋ marava səket wəzaɗe net aɗɗaŋ də vet ɓa, dəzbanən əgagdeket tuyeŋɗe, zəgeɗkamaŋgəlva na meleŋge awaniɓa na təbəz babara, na təbəz pepreŋge, na gərma awaniɓa na wəlaŋga, məs awɓapaŋ ula ɓa, əprəm ɓa, ədaw ɓa.