1Timote 3:16 - Bible en Guidar

¹⁶ An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

Nouveau Testament en Guidar

¹⁶ Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

Bible en Guidar

¹⁶ An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

1Timote 3:16 ပူးပေါင်းရင်းမြစ်များ

Isaya 7:14

Vini kana, Daya zək nan wapsukum zəga narba azani: Awla waŋ ŋgbuɓɓo watəɗi daway, watəwə wiyna. Watəya iya nan na Emanuwel.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Mika 5:2

Vini kana, wappet hã gap ɗak nawa təwəgəni. Asna madambirgit milmiŋgiɗ wamndoŋ azet ɗiy na Israyel.

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Matiye 13:11

Yaŋ azlani, aɓsit na: Nokum məpsukumi əsən wən məɗama na məlĩ na Maŋgəlva, ya neti məpsiti ɓa.

Matiye 28:2

Yaŋ dələv aɓələk diyɗa, maslay na Daya prik sə disiŋ, pay gərəm kəɗəŋgəl sə ma magamasə, asanək akani.

Matiye 3:16

Səza Yesu arah baptem, agil səret iŋkile ləŋgə, disiŋ akolko, awlak Əmpəs na Maŋgəlva əpriken va bəŋga na maha əzzan akani.

Matiye 4:11

Ndəni Satan appan Yesu, yaŋ maslayɗe azzoŋ azani aɗɗaŋ sənən wəza.

Markus 1:13

Asanək əvoŋ kaklaw poɗo a kapta-muyã, Satan tay əslani. Yesu tay dit sluɗe nawra, maslayɗe tay əɗɗaŋ sənən wəza.

Markus 16:19

Dərɓaga Daya Yesu agrak əpel sit vaska, məslani a disiŋ asanək aka va dəzəŋ na Maŋgəlva.

Markus 16:5

Aguloŋguk addəv magamasə. Awlanənək gawla tay adak ɗewwe dəka dəzəŋ, aguluk lukut babara azan silip. Ageslne'eŋke.

Luka 2:32

Ndəni təki babar narbok azet ɗiy-ɗarə, gəm gagdak net mə Israyelɗe ɗiy noko.

Luka 20:44

Davit ayak na Daya ya mbarmbari asan wətən di?

Luka 22:43

Yaŋ maslay arban zən azan sə disiŋ vi kasɓani.

Luka 24:4

Aɗɗaŋgək gərəŋ aka an dəgəɗə. Yaŋ ɗiy sula arbanən zit azeti, tahəŋ dit lukutɗe məzuwiɗeŋ azeti.

Luka 24:51

Aka adaɗɗa əzaɓ aketi, awɗakək dənɗaŋ, məslani a disiŋ.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 13:3

Asənək na Afən apsinik zəgeɗ pak ammba vani, səza Maŋgəlva ade, wamndan aza Maŋgəlva.

Yohanna 15:26

Pay məzəbbah adazzani, məs nədawslən sukum səza Afəni, Əmpəs na gesiŋ məs dəgil səza Afəni. Ndəni dədawpel akawa.

Yohanna 16:28

Səza Afən nəgil nəde aka dəlva. Kakaŋ in tat əppan dəlva in tat əmndaw aza Afəni.

Yohanna 17:5

Kakaŋ na, is Afəni, agagdakaw abok də gagdak məs nəsaw dəndən abok tak dələv dəsangəni.

Yohanna 20:12

Yaŋ təwəl maslayɗe sula də zəga babar azeti, tahəŋ tuŋtuŋ a təki məvoŋgən kigəbay Yesu naka. Taka də disiŋ kiyən, taka dəmmba təlni.

Yohanna 6:62

Mbari kan an kulanənək Wətən Ɗəf tay əpeŋ a təki məs asan far di?

Wəza net Masləŋɗe 1:19

Ɗiy na Yerusalem pak aprəmənək wən nani, ndəni ayanən guli van də ma net na: Hakeldama va ənəh na: Guli net mbeli.

Wəza net Masləŋɗe 10:34

Piyer akoluk mani, amna: Gesiŋ nəsənək na, Maŋgəlva awɗeket ɗiy ɓa.

Wəza net Masləŋɗe 14:27

Adan agapaŋ a Antiyos, akkeletinik məzutafaŋ pakə, anah sitinik an Maŋgəlva agəɗ dənɗaŋ pakə, va akol tive sit ɗiy-ɗar dətafaŋgəni.

Wəza net Masləŋɗe 20:28

Məga zukum mənokum sən kiykum, gəm ngaɓa məs Zeŋgile Salala aɗikum akan ka məgaɗe. Məssoŋ məzuteɗeŋge na əsap net məkristuɗe na Maŋgəlva, məs arah də əmta na Wətəni.

Roma 10:12

Vi uɗak tay a walaŋ mə Yuda də Gərek ɓa, baymet pak Daya net taka yi, moggon nan tay aket məzuyanən iya nan pakə.

Roma 10:18

Ya nənahək na: Dəprəmnən ɓayi kan sa? Vaski dərəŋ ɓa: Wəlet aprəmək aka dələv pakə, əpel net agapək hã a təki dələv abaymani.

Roma 16:25

Məgagdakan səm Maŋgəlva, tay də gbogboŋ nawziwgukum ɓəlɓəl addəv ətafa va Alabara nenek məs nədarban aka Yesu Kristu, aslək də ərba na wən məɗama dəsan haɗamma lahəŋ farə.

Roma 16:26

Ya kakaŋ kan na, arbanək zən də ɗerewel net məskəleŋɗe: Va wən məs Maŋgəlva Məfaɗ aɗi wən nani, arban sitik ɗiy nammba dələv pakə, vi dəɓe'eŋ sənəngən də ətafa.

Roma 3:4

Agəɗ na ɓa! Maŋgəlva wassan də gegesiŋ, ɗəf titir pak məwə wəna, va məverin na: Vi kəsoŋgən təstəs addəv əpel noko, kəskəgən wəla an pay ətawwən akoko.

Roma 8:3

Vi, zəga an mahenziŋ aɓap na ɓa yi, vi gəɓa zə ɗəf tay əddakani, Maŋgəlva aslənək Wətən də gəɓa zən va gəɓa zə ɗəf na mambraya, dəwəl sən mambray na, atawwən aka mambray addəv gəɓa zə ɗəfa.

Roma 9:5

ndəɗaŋgə dəha məkuturkutur, məs Kristu agil səzet dəwəl sit mbeli. Tay aka zəga pakə, soko sən Maŋgəlva hã faɗə. Amin!

1Korintus 15:47

Ɗəf an daabəŋ məɗɗan də dələv na naka dəlvi. Ɗəf masula'ən sə disiŋ ade.

1Korintus 2:7

Məɗama na maɗɗula na Maŋgəlva mərbani, məs dəsan haɗamma, məs Maŋgəlva azaɓan dafsən tak əzəməɗ na dələv ammba gagdak namə;

2Korintus 1:19

Vi Yesu Kristu Wətən Maŋgəlva mərban wən nan anokumda, iyna, Silvin gəm Timote, tay ha'aw gəm owwo ɓa, ha'awi kaka'ə.

Galatiyen 2:8

Vi məs dəgəɗ wəza addəv Piyer dəsangən maslən net en dəskəlaŋ awra, agəɗək wəza addəvwa'e viyit ɗiy-ɗarə.

Galatiyen 4:4

Ya adan pay nan agapə, Maŋgəlva aslənək Wətəni, muwani dət gulku, dənzi də mahenziŋ.

Efesus 1:9

Arban səmək wən məɗama na əŋgla nan, va aza əɗɗum naɗɗa moggon məs aziwgin addəvni,

Efesus 6:19

Məkkam ammbawa, vi nərahgən əpel məza geslne ɓa, an in tat əkol maw ərban məɗama na Alabara Neneke,

Kolosi 1:23

an mənokum tat addəv ətaf ziw ɓəlɓələ, məza əppan zukum əkukum faraɗa səza əga na Alabara Nenek məs kəprəmaŋgəŋ ɓa, məs məpel wən nan aza an məzəməɗən naka dəlvafuŋ pakə, məs in Pol nəkkpaŋ məgəɗ wəza nanəŋka.

Kolosi 1:27

Maŋgəlva aŋgələk ərban gagdak na wən məɗama nan metiŋgin məs azaɓan viyit ɗiy-ɗar pakə, ndəni Kristu məs na mokrokum, əga na gagdaka.

Kolosi 1:6

məs dəgap anokumda; tay ənzləra gəm əɓay ammba dələv pakə, vaski yi'e anokumda, təŋ səza pay məs kəprəmnən gəm kəsənnən mbəlembəle na Maŋgəlva addəv gesiŋ nani.

Kolosi 2:2

Vi kasɓan mekreti, dəssoŋgən məslerit addəv əŋgla, məknihit də ərəh na əsən an gegesiŋ, dəsənəngən wən məɗama na Maŋgəlva ana Kristu.

2Tesaloniki 1:10

pay adazzan vi kawgagdakan a walaŋgit ɗiy nan salala pakə gəm kawɗi kiyən a walaŋgit en dətafaŋ pakə. Vi kətafənək əpel namə, aka pay mərban sukum vanəska.

2Tesaloniki 2:7

Vi əɓap məɗama na Məsdaraw tay əɗɗaŋ wəza səkayə, abbər na, an məzutakən kakaŋ dəzarə.

1Timote 3:9

Dəssoŋ də məɗama na ətafa də əɗɗum na makret barə.

Ibriɗe 1:3

Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Ibriɗe 12:2

haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.

Ibriɗe 7:7

Əŋzla ma tay ɓa, daya dəɗɗa əzaɓ aka sawã.

Ibriɗe 8:1

Aŋki ki wən na əpel nam pakə: Mənam tat də zev Daya net məsdəlveŋge vanəs gesiŋ məs dəsan aka va dəzəŋ na mazaŋga na məlĩ Maŋgəlva a disiŋ,

1Piyer 1:12

Maŋgəlva arban sitik na, wənəs sit aneti ɓa, sukumi. Məɗɗaŋ wəza na wənəskəŋ məs kakaŋ mərban sukum də met ɗiy en dəki sukumən Alabara Neneke də gagdak na Zeŋgile Salala məs məslənən sə disiŋ. Maslayɗe dayday aŋglaŋ dəsənnəngən wən vanəŋka.

1Piyer 1:20

Məs məwelin daabəŋ ki əzəməɗ na dəlva, mərban aza pay na əgrak na dələv vikum.

1Piyer 1:21

Dəzani kətafən Maŋgəlva məs dəsilgən səret ɗiy mimtiti, apsənək gagdaka, vi ətaf nokum də əga nokum dəsangən aka Maŋgəlva.

1Piyer 3:18

Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.

1Piyer 3:22

Nan ateŋgik a disiŋ tay aka va dəzəŋ na Maŋgəlva, tay əzəm məlĩ aket maslayɗe də aket gagdakɗe, də aket əɓapɗe.

1Yohanna 1:2

Zeŋgile van arbanək zəni, mulaka, mənam tat əpel wən nani gəm ərban sukum zeŋgile nassa faɗ məs dəsan lahəŋ amaŋgava Afəni gəm dərbə azamə.

1Yohanna 3:5

Kəsənənka Yesu Kristu ade na vi kavviyan mambray yi, ya nan mambray tay azan ɓa.

1Yohanna 3:8

Məgəɗ mambray pak səza Diyabəl ade, vi far də ətəŋ nani Diyabəl tay əɗɗa mambraya. Sən aski Wətən Maŋgəlva ade vi dəɓzliwgin wəzeɗe na Diyabəl.

Hənhən 17:5

A mirbizta, iya na wən məɗama tay məverin: Babilon metiŋgini, met bərviyeɗi dit məɗɗaŋ ɗarɗar naka dəlvafuŋgu.

Hənhən 17:7

Ndəni maslay nak anah su na: Vimi kədaggət di? Wanərban suk wən məɗama nat gulukkəŋkə, də wən na zəga mamayã məs kiyən buhul gəm mohon kəlaw təpeŋ akanəŋka.

Hənhən 7:9

Ɗərɓaga aska, nəwəl na: Ɗiy diyɗa məza ɗəf aɓap na əŋɗet ɓaŋ, ɗiy net səret ɗiy naka dələv pakəŋ, səzet mahəlfaɗe gəm səddəvit maɗe awetdi pakəŋ. Tahəŋ ziwziw aba mazaŋga na məlyã gəm abat ndargayãk dit lukutɗe məsilip babarɗe azeti gəm va gugozlo aveti.