1Timote 3:15 - Bible en Guidar

¹⁵ Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

Nouveau Testament en Guidar

¹⁵ Amma an nərah tive nawmbat ɓa, letər nawəŋ warban suk an kədaɗɗa adəv gəla na Maŋgəlva, va wənah na: Awaleŋgit kretiyenɗe na Maŋgəlva məs madereti. Ndəni kan dədəka də goŋga məɗi gabbani.

Bible en Guidar

¹⁵ Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

1Timote 3:15 ပူးပေါင်းရင်းမြစ်များ

1Milyeŋge 2:2

«Naw wanəmbat va ɗiy naka dələv adaddoŋ pakə; asɓu zuko, asok va ɗəfa!

1Milyeŋge 2:4

Vi Yawe dəknəhgən əpel nan an anah su dawnəh na: “An kirtuk tahəŋ əganən ədaw neti, tahəŋ ədawaŋ abaw təstəs də mekret taka, də zlem zit pakə, uwa nok tay nakkpap dəssa aka mazaŋga na məlĩ na Israyel ɓa.”

2Milyeŋge 19:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlĩ pakə, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.»

1Alabaraɗe Də Mabərkiziti 22:13

Vasna wən nan wadaw ammboko an kəgəɗək maɗɗula kərmek mahenziŋɗe dit tiveɗnanziya, məs Yawe aɗi wən nan sən Moyis aka an dəwəl sən Israyel. Ampa təlko, asok zuko! Kəgeslne' ɓa, mokrok azlah ɓa.

Gəlyaɗe 42:2

Va mune adaɗɗa haɓakhaɓak ammbet iŋkile na lolohõ, vaski mayuk adawduwa Maŋgəlva nawa.

Gəlyaɗe 84:2

Məŋgluwək təki nassa nok sawɓa, Yawe Məzuɓappakə!

Yeremiya 1:18

Nəɗikuk dəpaŋ va walaŋgəla na korgu, va dədəka na təbza, gəm zlava na təbəz pepreŋge, aka dələv pakə, gəm abet milyeŋge na Yuda, abet deyeɗe, məsdəlveŋge gəm abet ɗiy naka dəlva.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Yeremiya 23:36

Kədawnahaŋ na, əpel na Yawe zəga miynan nawslay əmpa ɓa. Vi wasan zəga miynan nawsla aka ɗəf məs dəpeli. Mənokum əkkpaŋgan əpel na Maŋgəlva madarani, Yawe Məzuɓappak Maŋgəlva namə.

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Matiye 16:16

Simoŋ Piyer azlani amna: Kristu Wətən Maŋgəlva madaran kənani

Matiye 18:18

Gesiŋ nədawnah sukum: An məs kədaynaŋ aka dəlvafuŋ pak wasan miynan a disiŋ, an kədawpəlaŋ aka dəlvafuŋ pak wasan məpələn a disiŋ.

Yohanna 1:17

Vi də va Moyis mahenziŋ ade, mbəlembəle də gegesiŋ tam azzoŋ dəza Yesu Kristu.

Yohanna 14:6

Yesu azlan sən na: Naw, intə tive, gegesiŋ gəm zeŋgile. Ɗəf tay nawmbat aza Afən an də iyni ɓa ɓa.

Yohanna 18:37

Pilat aɓsən kan na: Məlĩ kənan sa? Yesu azlan na: Istə kənah na məlĩ nani. Məwəwi, nəde aka dəlvəŋka, vi kawpel aka gegesiŋgi. Ɗəf na gegesiŋ pak aprəm wəlawa.

Yohanna 6:69

Ya namə, mətafəka, məsənək na nok istə Salala məs dəde səza Maŋgəlva.

Wəza net Masləŋɗe 1:2

hã gap pay an ateŋ a disiŋ dərɓaga asəɓ sit maslənɗe en məs awel də gbogboŋ na Zeŋgile Salala.

Wəza net Masləŋɗe 14:15

Aɓɗaŋ na: Ɗiyi, mədəray kədaɗɗaŋ vaŋ di? Nam pak ɗiy mənan va munokum! Nam mədawnah sukum alabara meleketen na, vi kəkkpaŋgən səzet tuyeŋge zəgeɗ ɗariŋki, kətafəngən Maŋgəlva madaran məs dəzəməɗ disiŋ də dəlvafuŋ, pehe dit zəgeɗ naddəvən pakə.

Roma 3:2

Dahadaha pay diyɗa yi. Vi daabəŋ nani, aveti məppan əpel na Maŋgəlva.

Roma 9:26

A təki məs adawnah sitin na: «Ɗiy naw kənanaŋ ɓa!» Adaki adawyenin na: Kirtin Maŋgəlva madarani.

1Korintus 10:32

Kədassoŋ ka zəga nazbərgit ɗiy ɓa, sit mə Yudeɗi ɓa, sit Gərekɗe ɓa, mãy sit ɗiy na Maŋgəlva ɓa.

1Korintus 3:16

Kəsənnən na gəla na Maŋgəlva kənanəni gəm Əmpəs na Maŋgəlva tay addəvkum ɓa sa?

2Korintus 3:3

Təstəs nan na letər na Kristu kənanaŋge, məpsəm sən wəza namə, məverin məza dit iŋkile nawveri ɓa, də Əmpəs na Maŋgəlva madarani. Məverni aket kalaɓɗe net gərmeŋge yi ɓa, aket kalaɓɗe na sluwi, makra ɗəfa.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

2Korintus 6:7

də əpel an gesiŋ, də əɓap na Maŋgəlva, dit zəgeɗ na təstəs en nawgaya gəm en nawga kizəmə.

Galatiyen 2:9

Adan mãy Yakob, Kefas gəm Yohanna, ndəɗaŋ məs adawlaŋ va dədəkeɗi, asənnən mbəlembəle an məvaya, armanənək vawa gəm na Barnabas karban əslere, vi məmbatgən azet ɗiy-ɗarə, net tam azet məs dəskəlaŋ awra.

Galatiyen 3:1

Midi mə Galatɗe dərweŋge! Naway dəmbəɗokum mənokum məs mərban Yesu Kristu məkkpa'ən aka məzliwrihe ama horokuməŋ di?

Efesus 4:21

An əpel akan kəprəmaŋgə, an anani məyagan sukum dekdek də gegesiŋ məs naddəv Yesu,

Əmsak aka Mahenziŋ 31:23

Daya aɗi wən sən Yosuwa wətən Nun, aɓsən na: «Ampa təlko, asok zuko, vi istə kədawtoŋgit mə Israyelɗe aka dələv məs niynan wən nan də wəsway siti; naw wanəsaw də isi!»

Əmsak aka Mahenziŋ 5:26

Agəɗək ɗah aza ɗəf dəprəmgən wəla Maŋgəlva madaran əpel addəv offo ndən ɗew madaran sa?

Kolosi 1:5

məs dəziw aka əga nokum məzaɓan a disiŋ, məs kəprəmaŋ daabəŋ addəv əpel na gegesiŋ na Alabara Neneke,

1Tesaloniki 1:9

Vi ndəɗaŋ sən kiti apelinik wən nam va kətafməni, va kəkkpaŋgaŋ aza Maŋgəlva də əppet zəgeɗkamaŋgəlva, vi kawgəɗ sən wəza sən Maŋgəlva madaran gəm an gegesiŋ,

1Timote 3:14

In tat əver wənɗeŋ də əɗɗum nazzaw azok go'u.

1Timote 3:16

An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

1Timote 3:2

Aslək kan na, daya dəsangən məza də wən akan ɓa, dəsan guluk taka, məzərma zəni, məs maɗɗulani, məgəɗ məs dəslə, mətaf melekeɗi, məɓap ərba zəga.

1Timote 3:5

An ɗəf dəsən ədawgən gəla nan ɓa na, mbari adawɓap əzga sləma aka əsap net məzutafaŋ na Maŋgəlva di?

1Timote 4:10

Vini kan mədaya əɗɗa wəza, mədawgaya, vi məɗiyək əga nam aka Maŋgəlva madarani. Ndəni məkõhgit ɗiy pakə, sasak məzutafaŋgə.

1Timote 6:16

Ndəni takərgən məza amta ɓa, tay addəv əkeɗeɗe məs ɗəf aɓap əgap azan ɓa, ɗəf tay dula ɓa, ɗəf tay nawɓap ulan ɓa'a. Gagdak də əzəm məlĩ nani hã faɗə. Amin.

2Timote 2:19

Də as pak gabban məs Maŋgəlva aɗi tay ziw ɓəlɓələ, məver əpeləŋ akani: Daya asinik ɗiy nani. Gəm əmpa na: Məzuya iya na Daya pak dəzar səza mambraya.

2Timote 2:20

Addəv gəla metiŋgin na, zəgeɗ məɗɗet də meleŋge gəm də təbəz babarəŋ kaka ɓa, tahəŋ məs məɗɗet na wəlaŋga gəm na dəlva'e, meɓɓeti na sləmaŋ, meɓɓet tamə na sləmaŋ ɓa.

Ibriɗe 10:21

Mənam tat də daya net məsdəlveŋge, ndəni məɗiyən aka gəla na Maŋgəlva.

Ibriɗe 12:22

Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.

Ibriɗe 3:12

Milmiŋgiɗwa məzi zukum, vi ɗəf təttaka səmbokum adawsan də makran mbərayən məza də wətaf ɓa ɓa, kapan Maŋgəlva madaran ɓa.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Yosuwa 3:10

Yaŋ Yosuwa anah əmpa na: «Aza aŋki kədawsənnən na, Maŋgəlva madaran tay addakkum, gesiŋ warɓih mə kana'anɗe, mə Hittiɗe, mə Hivviɗe, mə Perziɗe, mə Girgasɗe, mə Amorɗe dit mə Yebusɗe səbokum.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Piyer 4:17

Vi pay agapək məs ətawwən adawtəŋ də gəla na Maŋgəlva. Ya an atəŋgək də mənam na, mbari əgrak net ɗiy məs dətafən Wən Nenek na Maŋgəlva ɓa di?

Hənhən 7:2

Nəwələk maslay maɓɓan dazzan səmmba pay nampum, də tampoŋ na Maŋgəlva madaran avani. Apelik dayadaya sit maslayɗe poɗo məs məpsit gbogboŋ nawzəmgən sãhã na dəlva gəm na pehe,

1Samiyel 17:26

Davit assohẽt məzəlpaŋ en nazan go'o dawnəh na: «Miy nawgəɗ sən ɗəf an dədawbay mə Filistiŋ gəm dədawtor wil səra Israyeləŋ di? Naway kpak mə Filisti gayaŋ hara karma mama azet məzəlpaŋ na Maŋgəlva madaran di?»

1Samiyel 17:36

Də tive vaski nəbey ɓooliɗ də zəga darawən adawyaŋ Ursə. Ya vaski nədawgəɗ sən mə Filisti, ganyãska, adan aret məzəlpaŋ na Maŋgəlva madaranəŋka.