1Timote 2:7 - Bible en Guidar

⁷ Vini nəsaw mərbəwəna gəm maslən, gesiŋ nədawnaha wən nədawa ɓa, vi karban ətafa gəm gegesiŋ sit ɗiy-ɗarə.

Nouveau Testament en Guidar

⁷ Vini Maŋgəlva aɗiyu masləŋ na wənnani, də narban wənnan azet ɗii məza Yahudiyenɗeŋ ɓa, vi nəwiɗen gən labara nan də wətafa də goŋga. An məs nənah na, goŋgay tepelke nəwə ɓa.

Bible en Guidar

⁷ Vini nəsaw mərbəwəna gəm maslən, gesiŋ nədawnaha wən nədawa ɓa, vi karban ətafa gəm gegesiŋ sit ɗiy-ɗarə.

1Timote 2:7 ပူးပေါင်းရင်းမြစ်များ

Gəlyaɗe 111:7

Wəzaɗe na van na, gesiŋ də təstəsəŋgə, wəsəɓɗe nan seseləŋgə,

Məsmaɗula 1:12

In Məsmaɗula, nəsawək məlĩ aka Israyel, a Yerusalem.

Məsmaɗula 7:27

Aŋki an məsmaɗula arahə amna: Gala nəkoset takataka vi kawrah an gesiŋ.

Yohanna 7:35

Mə Yudeɗ anahaŋgək a walaŋ ziti: Aŋga adawmbat məɓap na ərəhən ɓaŋ di? Wambat azet ɗiy en dətərayaŋ a weleŋgit Grekɗe vi karban sit wən sa?

Wəza net Masləŋɗe 14:27

Adan agapaŋ a Antiyos, akkeletinik məzutafaŋ pakə, anah sitinik an Maŋgəlva agəɗ dənɗaŋ pakə, va akol tive sit ɗiy-ɗar dətafaŋgəni.

Wəza net Masləŋɗe 22:21

Daya aɓsu na: Doko, vi azet ɗiy-ɗar nədaslənuk faraɗa.

Wəza net Masləŋɗe 26:20

Ya daabəŋ na sit ɗiy en na Damas siske a Yerusalem, gəm aka kivadələv na Yude pakə, də azet ɗiy-ɗar pak nənah sit dəɗiyaŋgən marava, gəm dəkkpaŋgən aza Maŋgəlva, dəɗɗaŋgən wəza narban na aɗiyaŋgək marava.

Wəza net Masləŋɗe 9:15

Daya aɓsən na: Doko, vi zəga an nəwel dərbangən iya naw azet ɗiy-ɗarə, azet milyeŋge gəm azet mə Israyelɗe yi.

Roma 1:9

Vi Maŋgəlva yi miziwe nawa, məs nadawɗi kiyən addəv əɗɗum naw də əpel alabara nenek na Wətəni, in tat əɗɗum akokum pay pakə.

Roma 10:14

Ya mbarmbari adawyanən iya nan məza dətafnən ɓa di? Mbarmbari adawtafnən məza dəprəmnən wən nan ɓa di? Mbarmbari adaprəmnən an mətəl ma tay ɓa di?

Roma 11:13

In tat ənah sukum mənokum ɗiy-ɗarə: Adan intə maslən azet ɗiy-ɗarə, in tat əgagdakan wəza nawa.

Roma 15:16

ka nəsawgən aka wəza na Yesu Kristu viyit ɗiy-ɗarə. Nəppanək ki zu sən Alabara Nenek na Maŋgəlva. Vi ɗiy-ɗar dəssoŋgən əvəl məpsən Maŋgəlva məs ataf lewlewi, məs Zeŋgile Salala akkpaŋget salala.

Roma 9:1

An nədawnəhəŋka gegesiŋ addəv Kristu, wən nədawa ɓa, kpukpum na makraw tay əpel su akan də Zeŋgile Salala.

1Korintus 9:1

Na kiyu nan ɓa sa? Maslən nan ɓa sa? Nula Daya nam Yesu ɓa sa? Wəza naw kənanaŋ addəv Daya ɓa sa?

2Korintus 11:31

Maŋgəlva Afən Daya nam Yesu məs nawgəɗ sən soko pay pak asənək na, wən nədawa ɓa.

Galatiyen 1:16

vi karban su Wətəni, ka nərbangən Alabara Nenek nan a walaŋgit ɗiy en ɗar go' məza əssoh ma ɗəf ɓa.

Galatiyen 1:20

An nədawver sukuməŋka, aba Maŋgəlva iyi yaŋka, uwa wəni ɓa.

Galatiyen 2:16

Məsənka, ɗəf tay nawsan təstəs də wəza na mahenziŋ ɓa. Abbər də ətaf Yesu Kristu ɓa, nam pak mətafək Yesu Kristu, vi məsamgən təstəs də ətaf Kristu məza də wəza na mahenziŋ ɓa. Vi ɗəf tay nawsan təstəs də wəza na mahenziŋ ɓa.

Galatiyen 2:9

Adan mãy Yakob, Kefas gəm Yohanna, ndəɗaŋ məs adawlaŋ va dədəkeɗi, asənnən mbəlembəle an məvaya, armanənək vawa gəm na Barnabas karban əslere, vi məmbatgən azet ɗiy-ɗarə, net tam azet məs dəskəlaŋ awra.

Galatiyen 3:9

Vasna, en məs də ətafa, warahaŋ əsap də Abraham məs dətafə.

2Timote 1:11

məs məɗiyu mətəlma, maslən gəm mərbəzəga metiŋ aka wən na.

2Piyer 2:5

Dəppan ənziya egge an far ɓa, abbər Nuwe ɗəf təstəs akõhgən dit ɗiy nan buhul aka aki buwən məvekeveke aka ənziya egge net ɗiy mbəreyti.