1Timote 2:4 - Bible en Guidar

⁴ məs dəŋgəl na ɗiy pak dəkõhoŋgəni, dərəhaŋgən əsən gegesiŋ.

Nouveau Testament en Guidar

⁴ Aŋgəl na ɗii pak dəkohoŋ gəni, dərəhaŋ gən wəsən an də goŋga.

Bible en Guidar

⁴ məs dəŋgəl na ɗiy pak dəkõhoŋgəni, dərəhaŋgən əsən gegesiŋ.

1Timote 2:4 ပူးပေါင်းရင်းမြစ်များ

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 53:11

Səɓɓa tatwãh məs azəmə, wawla əkeɗeɗe'e, wabə. Gawla naw təstəs wakkpeŋget ɗiy diyɗa təstəs də əsən nani də əslan heslepe net akan dəvani.

Isaya 55:1

Mənokum, məs meme adawdaŋgə, mide a met iŋkile, ɗəf məs dala tay avan ɓa zlaŋgə! Mide məlbahə, məzəmə! Mide məlbah na mekeleŋ, məza əfaɗ aka mbazla na megezlembirke gəm moŋvo ɓa.

Ezekiyel 18:23

Nəŋgələk əmta na məsdaraw sa? Daya Yawe aɗiymani, an nəŋgəl na, dəmil səka tive nani, dəsangən madarani.

Ezekiyel 18:32

Maw tay aka əmta na ɗəf məzəmta ɓa, Daya Yawe aɗiymani, məmili, kəssoŋgən madorokum!»

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Habakuk 2:14

Vi dəlvafuŋ waknah də wəsən gagdak na Yawe, va iŋkile adaknəhnən pehe.

Matiye 28:19

Vi vaski məddoŋ azet ɗiy pak məkkpaŋget gewleɗ nawa, məɗɗe sit baptem də iya na Afəni, na Wətəni gəm na iya na Zeŋgile Salala.

Markus 16:15

Yaŋ anah sit na: Məddoŋ aka dələv baymani, məbbalan Wən Nenek azet ɗiy pakə.

Luka 1:77

vi kapsit əsən na əkõh sit ɗiy nan də əvvuyon mambray neti,

Luka 14:23

Daya aɓsən balam nak na: Dok aket tiveɗ gugriɗ gəm dəmet mambereɗi, aska wəlet ɗiy dətoŋgoŋgən vi gəla naw dəknahgəni.

Luka 24:47

vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Yohanna 14:6

Yesu azlan sən na: Naw, intə tive, gegesiŋ gəm zeŋgile. Ɗəf tay nawmbat aza Afən an də iyni ɓa ɓa.

Yohanna 17:17

Akkpeŋget salala də gegesiŋ, əpel noki gegesiŋ.

Yohanna 6:37

An məs Afu avay pakə, wade azawa. Ɗəf dəde azaw pak nəzgan na appaka kpak ɓa.

Roma 11:14

Kuzuŋ wanəsilgən kotorok net həlfiŋgiɗwa, ka nəkõhgitgən ɗiy meɓɓet səreti.

1Timote 4:10

Vini kan mədaya əɗɗa wəza, mədawgaya, vi məɗiyək əga nam aka Maŋgəlva madarani. Ndəni məkõhgit ɗiy pakə, sasak məzutafaŋgə.

2Timote 2:25

Adahək dərbangən zəga sit ɗiy məzupeleŋ akan mbərayən də maɗɗula. Kuzuŋ Maŋgəlva wabbah sit nawɗi marava gəm nawsən gegesiŋ gərakə,

2Timote 3:7

Pay pak gil vet tahəŋ əkayaŋgə, ya aɓap na əgapaŋ aza əsən gegesiŋ kpak ɓa.

Titus 1:1

Intə Pol, məgəɗ wəza na Maŋgəlva, maslən na Yesu Kristu, vi kawki məweleɗe na Maŋgəlva aka ətafa gəm aka əsən gesiŋ gərak va dəslə də geslne' na Maŋgəlva,

Titus 2:11

Vi mbəlembəle na Maŋgəlva məkõhgit ɗiy arbək viyit ɗiy pakə.

Ibriɗe 10:26

Vi an mənam tat əɗɗa mambray wa'wa' dərɓaga məsən gegesiŋ lewlewi, əzaɓ-Maŋgəlva tay navvuyon mambray van əmpa ɓa,

Yakob 3:14

Ya an kotorok tay azokum, an makrokum tay mbərayən, an wəɗɗum nokum pak aka zukumi kaka'ə, kədawɓaygənən kizukum ɓa, kədawaŋ tepelke vi kawzla ki gegesiŋ ɓa.

2Piyer 3:9

Daya tay əlya də əknahan iynama nan va ɗiy meɓɓet adaɗɗumoŋ ɓa. Ya tay əɓəs sukum vi dəŋgəl ɗiy meɓɓet dəzaŋgən ɓa, kəta ɗiy pak dəgapaŋgən aza əɗi marava.

2Yohanna 1:1

Səza ɗəf məsɓan, sət ɗak muwelta, akən nəŋgəl gesiŋgesiŋ gəm sit kirtita. Intə nəŋgulwət kaka ɓa dit ɗiy məs də əsən na gegesiŋ paki.

Hənhən 14:6

Yaŋ nula maslay maɓɓan dawveŋ a disiŋ faraɗa, tay də alabara nenek an faɗ na Maŋgəlva avani vi kawtəl ma akan sit ɗiy naka dəlvafuŋ pakə: sit ɗiy-ɗar pakə, sən mahəlfa pakə, sən ma awandi pakə gəm sit ɗiy pakə.