1Piyer 5:5 - Bible en Guidar

⁵ Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.

Nouveau Testament en Guidar

⁵ Nokum tamə gewleɗi, məpprəm met ɗii gugiriɗ nokum. Məgəɗ wəza sən zukum, də əɓe sən zukum. Va məverin adəv ɗerewel anahə: Maŋgəlva tay bay gagay sit məzu gakdakanən ziti, amma wapsit mbəlembəle sit ɗii məzə ɓegənən ziti.

Bible en Guidar

⁵ Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.

1Piyer 5:5 ပူးပေါင်းရင်းမြစ်များ

2Alabaraɗe Də Mabərkiziti 6:41

Yaŋ na, Yawe Maŋgəlva, asil ade a təki naffet noko, is dəndə akoti məs gbogboŋ nok asan addəvni. Məsdəlveŋge nok dugulun əkõh azeti, məzəprəmən mok dəssoŋ addəv ənnek sən zazaya.

Ɗerewel na Yob 22:29

An tatwãh arəhik ɗiy mbirti, wakəɓap ənah sit na: «Misil!» Vi wakõhgən ɗəf an dəɓe'gin kiyzəni.

Ɗerewel na Yob 29:14

Təstəsi nəgulu, lukut nawi. Ədaw sarara nawi mətərkiya nawa.

Gəlyaɗe 132:16

Wanəgul sit wəkõh sit məsdəlveŋge, en dətafaŋ əɗɗəla adaɗɗəlaŋ sən ənneke.

Gəlyaɗe 132:9

Məsdəlveŋge nok dəgulnən lukut na təstəsə, en dətafkun dəɗɗəlaŋ də wənneke!

Gəlyaɗe 138:6

Də Yawe asan səɗəɗə pak tay ule ɗiy məɓegənən ki ziti, səka faraɗa dayday asinik məsfərkeɗi.»

Wənməkkpaŋga 25:7

Ɗəɗah dənah sukungən na: «Ade ahəŋka! Ki ərbəsuk wil aba gawla na məlyã.»

Wənməkkpaŋga 3:34

Dit ɗiy en məkaɓaŋgə, ndən əkaɓa; en mekret barə ndən əɗɗa sit əŋgla nani.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Ezekiyel 26:16

Ɗiy gugriɗ nama pehe pak waprikeŋ səka mazaŋgeɗ na məlĩ neti, waggbuknin mukso'oɗe net dit lukutɗe net məbay sit gawla; geslne wagule kassoŋ afuŋgu, aɓətaŋ na də əkker ɓa, wazəmaŋ sahã aka wən noko.

Daniyel 11:12

An akak vanday vani, məlĩ van waɓaygən kizəni, də abay məzəlpaŋ diyɗaŋ pakə, ya askə na wəla ɓa.

Məsdəlveŋge 19:32

Asil aba ɗəf ki babara, aɓe' sən mazza; vaski kədawgeslne' sən Maŋgəlva noko intə Yawe.

Luka 22:26

Ya nokum vaski ɓa, daya na walaŋkum dəkkpaŋ va sawã, ɗəf an nabe dəkkpaŋ va məgəɗ wəza.

Roma 12:10

Məssoŋ də əŋgla, məknəhkum də əŋgla na məlma a walaŋ zukum, əɗi kiya dəsan a walaŋkum, məza əgay ɓa.

Roma 13:14

Mugul Daya Yesu Kristu azoku dərəŋgə, kədappanən zukum sən əŋgla na gəɓa zukum kaɗɗa əŋgla nan ɓa.

Efesus 5:21

Məɓe' sən zukum addəv geslne na Kristu.

Filipi 2:3

Kədaɗɗaŋ zəga də əɗɗum na əgaya awaniɓa də əgagdakan zukum ɗar ɓa, ya məɓe'gən ki zukum də ula ɗiy meɓɓet daykikum.

Kolosi 3:12

Vas na, adan Maŋgəlva awelkumuk kəssoŋgən salala gəm məŋglukum, mugul ulasahã, əɗɗa moggoni, əɓe'gən kiya, məza ki ɓəɓəl ɓa, gəm əɓəsa.

1Timote 5:1

Kədawhayãn mazza dəhay ɓa, apel sən va sən afuko, sit gewleɗ tamə, va sit milmiŋgiɗko,

Ibriɗe 13:17

Məprəm met ɗiy gugriɗ nokum də əzban an adarban sukuməni. Vi Tahəŋ wəga zeŋgilokum məza wəfet ɓa, adan waŋɗanən wəza net aba Maŋgəlva. Vasna waɓap əɗɗanən wəza van də zit neki məza də wərwər ɓa vi asan na ka nawtər sukum ɓa.

Yakob 4:6

Ya gbogboŋ məs Maŋgəlva apsukuməŋka ndən dayki zəga pak də metiŋgini. Vi ɗerewel na Maŋgəlva anahək na: Maŋgəlva atokuk ki haran sit ɗiy məzəgakdakanən ziti, ya tay əpsit gagdak sit ɗiy məzuɓe'gənən ziti.

1Piyer 3:8

Əbay man na: Məssoŋ də maɗɗula taka, wəɗɗum taka, məssoŋ də əŋgla na məlma, mulaŋ sahã aka zukum, məza əgagdakan zukum ɓa.

1Piyer 4:1

Vaski, va Kristu azəmsahã addəv gəɓa zəni, nokum pak məssoŋ məsla zukum də əɗɗum vaska vi ɗəf məs dəzəmsahã addəv gəɓa zəni, awɗakək də mambraya.

1Piyer 4:5

Ya waŋɗanən an məs adaɗɗaŋ pak aba Maŋgəlva məs dəsla zən nawtawwən aket ɗiy mederet dit mimtiti.