1Piyer 4:7 - Bible en Guidar

⁷ Wəgrak na zəga pak go'oy. Vasna, məssoŋ də maɗɗula ɗeŋge vi kəɓapaŋgən əkkama.

Nouveau Testament en Guidar

⁷ Amma wəgrak na zəga pak go'oy, vi wənnani məzi zukum, məga də wəzuliya.

Bible en Guidar

⁷ Wəgrak na zəga pak go'oy. Vasna, məssoŋ də maɗɗula ɗeŋge vi kəɓapaŋgən əkkama.

1Piyer 4:7 ပူးပေါင်းရင်းမြစ်များ

Va'Atəŋ 19:35

Yaŋ azlərsənən mbazla sən afit na dəfəɗ nan əmpa. Akən sawã nak təl əvoŋ də afət naka; dəsən akan va təvoŋ ɓa, may va təsil ɓa'e.

Va'Atəŋ 6:13

Maŋgəlva anah sən Nuwe na: «Naw na, nəzuwginik pay nagrak zəgeɗ pak! Vi gagay aknahək dəlvafuŋ, aka batemit ɗiyi, wanəzet pak də dəlvafuŋ.»

Məsmaɗula 7:2

Dəɗah əmbat a gəlabay ki əmbat əzləra adan əmta əkgrak net ɗiy pakiyə, ya adahək ɗiy mederet dəɗɗumonəŋgəni.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Ezekiyel 7:6

Əgrak tay əzzani; əgraki dədazzani, wateh akoko, yaŋ tay əzzani.

Matiye 24:42

Məga kana, vi kəsənən pay Daya nokum adazzan ɓa.

Matiye 25:13

Məga kana, vi kəsənnən pay nan ɓa awaniɓa wənziya nan ɓa.

Luka 21:34

Məsla zukum vi mokrokum adawgəgrəŋ aka əzlər mbazla ɓa, aka əbay na mbazla, gəm aka əɗɗum aka ənziya egge ka pay nan kazzan mədigirzike akokum,

Luka 21:36

Məssoŋ ketketi məkkam pay pakə, vi kərahaŋgən gbogboŋ nawkõh səmet zəgeɗ en dədaɗɗaŋ pakə, kiziweŋgin aba wətən Ɗəfa.

Luka 22:46

Aɓsit na: Mi yi! Mənokum əleŋ sa? Məsili, məkkamə vi kədawtoŋgoŋ addəv ərak ɓa.

Roma 12:12

Mənnek də əga nokum, məɓəs tatwãha, məkkam pay pakə.

1Korintus 15:24

Asna wəgrak na dələv wagəɗə an amndagan sənək əzəm məlĩ sən Maŋgəlva Afəni, an azanək dələv net milyeŋge, gagdaka, gəm əɓap pakə.

1Korintus 7:29

Milmiŋgiɗwa aŋki məs nədawnaha: Pay duɗukkoy, təŋ kakaŋka, ɗiy en dit gili dəssoŋgən va dit gil ɓa.

Efesus 6:18

Pay pak məkkam addəv Əmpəsa, də əkkam awandi pak gəm əɓuhma. Sən aski, məssoŋ ɗezleŋge, məkkam ɗayɗay ammbet ɗiy salala pakə.

Filipi 4:5

Kəta ɗiy pak dəsənnən moggon nokum. Daya go'oy əzzani.

Kolosi 4:2

Məkkam pay pakə, dəndən kədazgaŋ sləma aka əɗɗa soko sən Maŋgəlva.

2Timote 4:5

Ya nok na asok də maɗɗula aza zəga pakə. Aɓəs əzəm sahã, aɗɗa wəza narban Alabara Neneke, aɗɗa wəza nok lewlewi.

Titus 2:12

Tay əyagam vi məppangən ədaw mbərayən gəm əsim zəga negge, məsamgən də maɗɗula də təstəsə gəm də geslne na Maŋgəlva addəv ənziya an kakaŋka,

Ibriɗe 10:25

Mədappan gabba wəkkal nam va ɗiy meɓɓet adaɗɗaŋ ɓa, ya məsɓan səm zəm dərəŋgə, adan mənokum tat ula pay na Daya tay əgapəŋ ɓa.

Ibriɗe 9:26

Vasna, kəta wazəmsãhã təl ɓaɓayə təŋ səza ətəŋ na dəlva. Vi təl taka kaka' arbə də əkgrak na paya vi kavvuyon mambray də əzaɓ-Maŋgəlva məs adə də zək nani.

1Piyer 1:13

Vi vaski məzaɓan əɗɗum nokum naɗɗa wəza! Məzi zukum lewlew də əɗi əɗɗum nokum pak aka mbəlembəle məs dədazan sukum pay Yesu Kristu adarban zəni.

1Piyer 3:7

Munokum zel tamə, məssoŋ dit gil nokum də wəsənən na ɗiy məddektiŋgə, məgagdeketi vi net pak warəhaŋ mbəlembəle na zeŋgile sap dəndukum, məgəɗ vaska vi əkkam nokum adattap ɓa.

1Piyer 5:8

Məzi zukum, məga, vi məzuzel nokum Satan, tay va ɓoolu adawhay dawkay zəga nawzəm nani.

Hənhən 16:15

Awle, in tat əzzaw va məhãla. Əzaɓi aza ɗəf məzəzga sləma gəm məzuge lukutɗe nani, vi adawdaw zən mekeleŋ wil nan karbaŋ ɓa.