1Piyer 4:16 - Bible en Guidar

¹⁶ Ya an vi asan məkristuwi wil adawdanən ɓa, dəgəɗ soko sən Maŋgəlva dərəŋ vi asan də iyaska.

Nouveau Testament en Guidar

¹⁶ amma an azəmək saha, vi asan kretiyen wil adawdanən ɓa, say məgəɗ sən soko sən Maŋgəlva vi kərmanənək iya na Krestu.

Bible en Guidar

¹⁶ Ya an vi asan məkristuwi wil adawdanən ɓa, dəgəɗ soko sən Maŋgəlva dərəŋ vi asan də iyaska.

1Piyer 4:16 ပူးပေါင်းရင်းမြစ်များ

Isaya 24:15

Vini adawgagdakanən Daya ammba pay nampum. Aket mətuwəraɗe na pehe, tahəŋ əya iya na Daya Maŋgəlva na Israyel.

Isaya 50:7

Ya Daya Yawe armak vawa, vini nərbə wil ɓa, vini nətok kiharaw va gərma, nəsənək na wil waduwən ɓa.

Isaya 54:4

Kəgeslne ɓa, karbəsuki wil ɓa, Kəzlzlaɓ ɓa, wil adukun ɓa, wakəzgət ki ərba wil nok naka gore, kəɗɗumon na ərba wil nok nassa gagəbay əmpa ɓa.

Wəza net Masləŋɗe 11:26

Səza arəha, akiyək a Antiyos. Aɗɗaŋgək əzva ŋgbuɓɓo aka əsap dit məzutafaŋ gəm əɗɗa əyak sit ɗiy diyɗa. A Antiyos yi mətəŋ əye məzutafaŋ na məkristuɗe.

Wəza net Masləŋɗe 26:28

Agrippa aɓsən Pol na: Aka pay siɗikkeŋ kədaŋgla əkkpaŋgaw ka məkristu sa?

Wəza net Masləŋɗe 28:22

Ya mam aka əprəm an kədaɗɗumo, vi məsənək na, aŋga pak uɗak vanəs tay əlma də tatwãha.

Wəza net Masləŋɗe 5:41

Yaŋ net agilyoŋ səbet ɗiy gugriɗ də ənneken ziti, vi agapaŋgək nawzelet aka iya na Yesu.

Filipi 1:20

Vi va aza əŋgla naw gəm əga nawa, zəga tay nədarba wil akan ɓa, gesiŋ va pay pak gəm kakaŋka, kawɗiyni ki Kristu addəv gəɓa zuwa, addəv zeŋgilewa awaniɓa addəv əmta nawa.

Filipi 1:29

Kərahaŋgək mbəlembəle aka wən na Kristu, vi kətafəngən kaka'i ɓa, ya kəzəmaŋgən sahã vini yi'e.

2Timote 1:12

Vini nədawzəm sahãŋka. Ya wil aduwən na viyən ɓa, vi nəsənək ɗəf an nəɗi ətaf naw akani, nəsənək gesiŋ na tay də əɓap nawga zəga an məvay hã gap pay nawtaw wəna.

Yakob 2:7

Namna ndəɗaŋgəŋ məzuraygənən iya moggon məs Maŋgəlva apsukuməŋ ɓa sa?

1Piyer 2:12

Wədaw nokum dəsan moggon awaleŋgit ɗiy məs dəsənən Maŋgəlva ɓeŋki, vasna an aɗikumənək va məɗɗaŋ mambray daydayə, an tahəŋ ulanən wəza moggon nokum, wagagdakanən Maŋgəlva pay adazani.

1Piyer 4:11

An ɗəf wapeli, dəpel wən na Maŋgəlva; an ɗəf tay əɗɗa wəza, dəɗɗa də gbəgboŋ an Maŋgəlva apsəni, vi addəv zəga pak Maŋgəlva dərahgən gagdak də Yesu Kristu məs gagdak də əɓap pak asan nan hã faɗə. Amin!

1Piyer 4:14

Va məzəmgukum sãhã aka wən na Kristu pak mənneken zukum vi Əmpəs na Maŋgəlva məs də gagdak tay akokum.

1Piyer 4:19

Vasna, məzəmaŋ sahã dəka əŋgla na Maŋgəlva dəzbanən əɗɗa moggoni, dəppanən zeŋgilet ava məs dəzəməɗ zəga, akkpaŋgan man ɓa.