1Piyer 4:11 - Bible en Guidar

¹¹ An ɗəf wapeli, dəpel wən na Maŋgəlva; an ɗəf tay əɗɗa wəza, dəɗɗa də gbəgboŋ an Maŋgəlva apsəni, vi addəv zəga pak Maŋgəlva dərahgən gagdak də Yesu Kristu məs gagdak də əɓap pak asan nan hã faɗə. Amin!

Nouveau Testament en Guidar

¹¹ An ɗəf wapeli, say dəpel wənna Maŋgəlva. Ɗəf maɓɓan məgəɗ wəza sən ɗəffa, dəɗɗa də sembe məs Maŋgəlva apsənəŋka, an məs kədaɗɗaŋ pak say dəsan naw gakdakan Maŋgəlva də Zezu Krestu. Sembe pak nani də gakdaka ha faɗə. Amin.

Bible en Guidar

¹¹ An ɗəf wapeli, dəpel wən na Maŋgəlva; an ɗəf tay əɗɗa wəza, dəɗɗa də gbəgboŋ an Maŋgəlva apsəni, vi addəv zəga pak Maŋgəlva dərahgən gagdak də Yesu Kristu məs gagdak də əɓap pak asan nan hã faɗə. Amin!

1Piyer 4:11 ပူးပေါင်းရင်းမြစ်များ

Gəlyaɗe 145:13

Əzəm məlĩ nok əzəm məlĩ an faɗi, əzəm məlĩ nok wasan aka sayit ɗiy va asan pakə. Daya aziwik ɓəlɓəl aka əpel nani, məwəlsãhã addəv wəza nan pakə.

Isaya 8:20

Məzlan sit na: Məprəm mahenziŋ gəm əpel na Maŋgəlva. An kənah sitin vas ɓa, ɗəf tay nawla bapummo səmmbet ɓa.

Yeremiya 23:22

Va assoŋguk addəv əsəɓ nawa, əpel naw adaprəmanən sit ɗiy nawa; wamndegetin səka tive mbərayən neti, gəm səka əɗɗa mbərayən neti.

Daniyel 4:3

Nəɗiyək wən nan kawki məsmaɗɗulet naka dələv na Babilon pak abawa, vi dəboton suwəngən gabba əssine nawa.

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 7:14

Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Matiye 6:13

Akõhgəm səddəv əraka. Ya agilgəm səddəv mbərayən. Vi məlĩ noki də gbogboŋgo də gagdaka, hã faɗə. Amen.

Yohanna 13:31

Səza Yuda agili, Yesu amna: Kakaŋ na məgagdakani Wətən Ɗəfa, məgagdakani Maŋgəlva dəndəni.

Wəza net Masləŋɗe 7:38

Ndəni pay əkkal a kapta-muyã dəziw də maslay məs dədawpelsən aka mossorgo metiŋ na Sinay gəm efiŋgiɗmə, ndəni dətaf əpel na zeŋgile kapsəmə.

Roma 11:36

Vi zəga pak səzani, ndən dəɗɗa gəm nani, Gagdak nani ka faɗə. Amin!

Roma 12:3

Də mbəlembəle məs məvaya, in tat ənah sən ɗəf səmmbokum pak na: Kədaɗɗumoŋ aka gagdak na zukum dayki an dəslə sukum ɓa, ya məɗɗum əɗɗum an salala, naway pak va əsla na ətaf məs Maŋgəlva apsəni.

Roma 16:27

Maŋgəlva yi məs maɗɗula kaka'ə, gagdak səni də Yesu Kristu hã faɗə. Amin!

Roma 3:2

Dahadaha pay diyɗa yi. Vi daabəŋ nani, aveti məppan əpel na Maŋgəlva.

1Korintus 10:31

An əzəm kədawzəmaŋgə, an əsa kədawsaŋgə, zəga an kədaɗɗaŋ pak, məɗɗa vi gagdak na Maŋgəlva.

1Korintus 12:4

Əvəl tay temtemi, ya səza Əmpəs məstakay.

1Korintus 3:10

Va aza mbəlembəle məs Maŋgəlva avayə, nəɗiyək gabban va məsən-ərkagəla məsmaɗɗula, ɗəf maɓɓan ərka akani. Ya naway pak dəsla zən aza va adarkani.

1Korintus 6:20

Vi məmokumi də əfaɗ akokum. Məgagdakan Maŋgəlva kan də gəɓa zukum.

2Korintus 2:17

Vi mənam tat va ɗiy diyɗa məmanən əpel na Maŋgəlva va zəga naɗɗa terere ɓa. Vi gegesiŋgi, səza Maŋgəlva, aba Maŋgəlva gəm addəv Kristu mədawpele.

2Korintus 9:13

Də ula wəza moggon nokuməska, wagagdakanən Maŋgəlva vi əɓe' nokum məs kədarbaŋ dawɓe' sən Alabara Nenek na Kristu gəm əvəl nokum məs kəsapaŋ dənɗaŋ gəm dit ɗiy pakə.

Efesus 1:19

Gəm va memetiŋ na əɓap nan asan vimə, mənam məs mətaf va aza wəza na gbogboŋ nani.

Efesus 4:29

Əpel mbərayən adawgilyen səmokum ɓa, an tay na dəsan əpel moggoni, məs nawɓaygən ɗəfa, vi dəpsitgin mbəlembəle sit ɗiy en dədaprəməni.

Efesus 5:20

Məgəɗ soko pay pak vi zəga pak də iya na Daya nam Yesu Kristu sən Maŋgəlva Afəni.

Efesus 6:10

Əbayman na, mussoŋ ɓəlɓəl addəv Daya gəm addəv əɓap na gbogboŋ nani.

Filipi 1:11

məknahən də zəga an təstəsə, məs dəde səza Yesu Kristu, vi gagdak na Maŋgəlva də əɗi kini.

Filipi 2:11

Ma pak dənahgən na Dayay Yesu Kristu, ka gagdak na Maŋgəlva Afəni.

Kolosi 4:6

Pay pak əpel nokum dəsan neki, də ətərwəraya. Məsən əzlan sən naway pak va an dəslə.

1Tesaloniki 2:4

Ya Maŋgəlva akkesik an na zamə, apsəmək tive nawpel Alabara Neneke. Vas kan na, an nannek zit ɗiy mədawpel ɓa, abbər an nannek zə Maŋgəlva, ndəni məzəkkoson makramə.

1Timote 1:17

Gagdak gəm əɗikiya va sayit ɗiy amə' pak sən məlĩ məs faɗə məs amta ɓa, məs awlanən ɓa, ndəni Maŋgəlva kaka'ə. Amin.

1Timote 6:16

Ndəni takərgən məza amta ɓa, tay addəv əkeɗeɗe məs ɗəf aɓap əgap azan ɓa, ɗəf tay dula ɓa, ɗəf tay nawɓap ulan ɓa'a. Gagdak də əzəm məlĩ nani hã faɗə. Amin.

Titus 2:1

Ya noko, apel an məs dəslə də əyak an moggoni,

Titus 2:15

Apel wənəska, asɓeti, ahayẽt zuk soksoku. Ɗəf adawzelok ɓa.

Ibriɗe 13:7

Məɗɗumon wən net ɗiy gugriɗ nokum məs dərban sukumən əpel na Maŋgəlva. Məɗɗumon va ənziya net agrakə, məzban ətaf neti.

Ibriɗe 5:12

Vi far kədassoŋ mərbaŋzəga kəta, ya hã kakaŋka mokum aka ɗəf dərban sukumgən zəga an məs tay tuwãh addəv əpel na Maŋgəlva ɓa! Mokum aka moŋvo, məza way məzbəkən ɓəl ɓa.

Yakob 1:19

Milmiŋgiɗu na makrawa: Məɗɗum aka wənnəŋka, ɗəf pak dəpak sləman əprəm wəna, ya adawgəm zən wəpel də kakara ɓa, adawgəm zən wədagədəv ɓa'a.

Yakob 1:26

An ɗəf aɗiyək zən va ɗəf na Maŋgəlva, an awzi zən aza wəpel na man ɓa, zən adawɗiyəs ɗar mekeleŋgi, tepelke adawa aka zəni.

1Piyer 2:12

Wədaw nokum dəsan moggon awaleŋgit ɗiy məs dəsənən Maŋgəlva ɓeŋki, vasna an aɗikumənək va məɗɗaŋ mambray daydayə, an tahəŋ ulanən wəza moggon nokum, wagagdakanən Maŋgəlva pay adazani.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Piyer 4:10

Məbbah sən zukum də wəza naway pak va an Maŋgəlva apsəni. Vasna wakəssoŋ məsənaŋ əɗɗa wəza də əvəl temtem na Maŋgəlva.

1Piyer 4:16

Ya an vi asan məkristuwi wil adawdanən ɓa, dəgəɗ soko sən Maŋgəlva dərəŋ vi asan də iyaska.

1Piyer 5:11

Əzəm məlĩ nani hã faɗə. Amin.

Zuda 1:25

sən Maŋgəlva taka, məs dəkõhgəm də Yesu Kristu Daya namə, səni Gagdaka, memetiŋge, əɓapa gəm əzəm məlĩ farfarə, kakaŋka gəm hã faɗə. Amin.