1Piyer 3:9 - Bible en Guidar

⁹ Kədamndaganən mambray də mambray ɓa, awaniɓa əra a gəla əra ɓa, kan dərəŋ na məgəɗ sit əzaɓa, vi aka aski Maŋgəlva ayukum ka kərəhaŋgən əzaɓa.

Nouveau Testament en Guidar

⁹ Kədamnda ganən mambray də mambray ɓa, walla ɗəf arokuko is bo gəm wəran ɓa, amma məgəɗ sit zəzaya, vi Maŋgəlva aynanək wənnapsukum zəzaya, pay an ayukum.

Bible en Guidar

⁹ Kədamndaganən mambray də mambray ɓa, awaniɓa əra a gəla əra ɓa, kan dərəŋ na məgəɗ sit əzaɓa, vi aka aski Maŋgəlva ayukum ka kərəhaŋgən əzaɓa.

1Piyer 3:9 ပူးပေါင်းရင်းမြစ်များ

Va'Atəŋ 42:25

Yaŋ Yosef aɗi wən nani, aknəh sitinik haykəmari addəvit gabalɗe neti, kamndagan sit koɓeɗ neti, naway di pak a gabal nani. Dəpsitingən zəga nawzəm aka tive. Vaski agəɗ siti.

Wənməkkpaŋga 17:13

Dəmndagan moggon də mbərayən na, tatwãh azar na səza gəla nan ɓa.

Wənməkkpaŋga 20:22

Kədawnəh na: «wanəmndagan mambraya ɓa!» Appan mokrok sən Yawe, wakõhguko.

Wənməkkpaŋga 28:10

Məzet ɗiy en təstəs dəka tive mbərayən na, wabət addəv vov nan tusso; ya ɗiy en təstəs-gərakə, net warəhaŋ moggon ka haran neti.

Matiye 19:29

Ɗəf awandi pak dəpan gəla nani, milmiŋgiɗin mezeŋleketi, məguluŋgiti, afəni, mani, kirtini awaniɓa gulyeŋɗe nan aka iya nawa, warah mədayki aska gəm əmpa warah zeŋgile nassa hã faɗə.

Matiye 25:34

Pay nani, məlĩ wanah sit ɗiy en naka van dəzəŋ na: Mide munokum məs Afu agəɗ sukum zəzaya, mətoŋ addəv məlĩ an məzaɓan vikum aka ətəŋ na gabba dəlvafuŋ.

Matiye 5:39

Ya naw in tat ənah sukum na: Kədamndaganən mambray ɓa. An ɗəf avərkuk a tapaslayuk dəzəŋ, akkpaŋgan sən zlaɓay.

Matiye 5:44

Ya naw in tat ənah sukum na: Miŋgliw məzuzelkumuni, məkkam viyit məzusərnən mokum.

Markus 10:17

Adan Yesu adawmbat aka tive na, ɗəf adek dənze, akdukuk abani assohõnək na: Mərbəzəga moggoni, mi nədaɗɗa nərahgən zeŋgile an nassa hã faɗ di?

Luka 10:25

Yaŋ mərbə-mahenziŋ taka asil vi kawla nazani, aɓsən na: Mərbəzəga, mi nədaɗɗa nərahgən zeŋgile məza agrak na ɓa di?

Luka 18:18

Ɗəf daya maɓɓan assohõnək Yesu dawnəh na: Mərbəzəga moggoni, mi nədaɗɗa nərahgən zeŋgile an nassa faɗ di?

Roma 12:14

Məɗɗa əzaɓa aket məzusərnən mokum, məɗɗa əzaɓa məza mefɗeke ɓa.

Roma 12:17

Kədamndaganən mbərayən də mbərayən sən ɗəf ɓa. Məsok zukum əɗɗa wəza moggon a maheret ɗiy pakə.

Roma 8:28

Məsənək na, Maŋgəlva tay əɗɗa zəga pak vi moggon net ɗiy en dəngluwəni, viyit ɗiy en ayə va aza an aziwgini.

Roma 8:30

Ya ɗiy en məs aɗi dafsəni, ayeke'e, en məs ayə, akkpeŋgetik təstəsə'e, en məs akkpeŋgek təstəsə, agagdaketike'e.

Galatiyen 3:14

Agəɗ vasna vi əzaɓ na Abraham dəgapgən azet ɗiy-ɗar də Yesu Kristu, vi mərahgən Əmpəs də tive na ətafa, ndəni an miynani.

Efesus 4:32

Ya məssoŋ neknek a walaŋ zukum, də ulasahã aka zukum, də əɗɗa mbəlembəle a walaŋ zukum va Maŋgəlva agəɗ sukum mbəlembəle addəv Kristu.

1Tesaloniki 5:15

Məzi zukum ɗəf adamndan mambray də mambray sən ɗəf ɓa, ya məzban əɗɗa moggon pay pak a walaŋ zukum də azet ɗiy pakə.

Ibriɗe 12:17

Vi kəsənənka, sə dərɓagan na, aka aŋgəl dərahgən əzaɓ nawzəmgəla, məzgani, dəɓap əddəɗan əɗɗum na afən ɓa, də ahəm dit sin zlaŋgə.

Ibriɗe 6:14

Amna: Gegesiŋ əzaɓ nədawzoɓoko gəm əwok nədawoko.

1Piyer 5:10

Ya Maŋgəlva afən mbəlembəle məs dəyukum addəv gagdak an faɗ addəv Kristu wasɓokum dəvani dərɓaga sãhã məs kəzəmaŋ ənziya siɗikke; waɓɓəlokum, wapsukum gbogboŋgo, waziwgukum ɓəlɓələ.

1Samiyel 26:11

Yawe dətaku ka nəgəmgən vaw aka mesiya na Yawe. Ya kakaŋ na, agəm tulhõ na disiŋ kiynəŋka, də bəbər net iŋkile nam məlgəni.»