1Piyer 3:21 - Bible en Guidar

²¹ Vasna iŋkileŋki, ana baptem məs dədawkõhgukum kakaŋ arbaŋgə, əskoɓ haramba na gəɓa zə ɗəfi ɓa, əŋgla əssa makra babar səva Maŋgəlva yi, tay əkõhgukum də wəsilye na Yesu Kristu səka əmta.

Nouveau Testament en Guidar

²¹ Vasna iŋkileŋki, ana baptem adarbanəni. Məs dədaw koh gukum kakaŋka, də wəskoɓ haramba na gəɓa zə ɗəffi ɓa, amma adəvəni mədaw sler də Maŋgəlva, də viyan səmə gən mambray sə makramə, baptem wakoh gukum də wəsil gən Zezu Krestu sətəki əmta.

Bible en Guidar

²¹ Vasna iŋkileŋki, ana baptem məs dədawkõhgukum kakaŋ arbaŋgə, əskoɓ haramba na gəɓa zə ɗəfi ɓa, əŋgla əssa makra babar səva Maŋgəlva yi, tay əkõhgukum də wəsilye na Yesu Kristu səka əmta.

1Piyer 3:21 ပူးပေါင်းရင်းမြစ်များ

Zakarya 13:1

Pay nan na, met iŋkile wakol sən zev Davit gəm sit ɗiy na Yerusalem ka naskoɓ mambray net də haramba neti.

Matiye 28:19

Vi vaski məddoŋ azet ɗiy pak məkkpaŋget gewleɗ nawa, məɗɗe sit baptem də iya na Afəni, na Wətəni gəm na iya na Zeŋgile Salala.

Markus 16:16

Ɗəf məs dətafa, məgəɗ sən baptem wakõhu. Ɗəf məs dətaf ɓa kawtawi wən akani.

Yohanna 13:9

Simoŋ Piyer aɓsən na: An vaski Daya təlwi kaka' ɓa, vaw də kiyu paki.

Wəza net Masləŋɗe 16:33

Aka gətgət dəfɗəs ləŋ agime, askoɓ huweɗ neti. Yas kan arah baptem dit ɗiy nan pakə.

Wəza net Masləŋɗe 2:38

Piyer azlan sitike: Məɗiy marava, mətaf baptem də iya na Yesu Kristu navvuyon mambray nokum, asna wakərahaŋ Zeŋgile Salala.

Wəza net Masləŋɗe 22:16

Ya mi kədawga kakaŋ di? Asili, ataf baptem gəm əskoɓ na mambray nok də iya nani.

Wəza net Masləŋɗe 8:36

Adan adaddoŋ aka tive dəndən, agapaŋgək a təki net iŋkile, mətawkoyom nak amna: Iŋkile yeŋki, mi dədawtaku darəh baptem di? [

Wəza net Masləŋɗe 8:37

Filip aɓsən na: Wagəɗə, an kətafək də mokrok taka. Azlanəka: Nətafək na Yesu Kristu Wətən Maŋgəlva yi.]

Roma 5:14

Ya əmta dəzəm məlĩ təŋ səza Adam hã gap aza Moyis, də aket en dəɗɗaŋ mambray mə zeŋvin na Adam ɓa zlaŋ. Ndən məs dəsan zeŋgile na məs dədazzani.

1Korintus 12:13

Vi addəv Əmpəs məstaka mənam pak mərah əslslay iŋkile na baptem, kəta dəssoŋ mə Yudeɗi, kəta dəssoŋ mə Gərekɗe, kəta dəssoŋ belemɗe, kəta dəssoŋ ɗiy na kiyti, pak səza Əmpəs taka mərah əsa.

1Korintus 4:6

Milmiŋgiɗwa, aka wən nokumi nərban wənəŋ də tive temme, də əsla kivan də zək naw gəm də Apollos, vi kəgəməngən təlmə, vi kədawtoŋgoŋ ki an məverin də əŋglu ɗəf mbərən kawkaɓ aka mbərən.

2Korintus 1:12

Vi zəga nawkaɓ nam na, ndəni an əɗɗum na makram adarba, məsamək egge, sasak a walaŋkum də moggoni gəm də təstəs na Maŋgəlva məza əziw aka maɗɗula na ɗəf titir abbər aka mbəlembəle na Maŋgəlva ɓa.

2Korintus 7:1

Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

Galatiyen 3:27

Vi munokum kərahaŋ baptem addəv Kristu pak, kəgulunək Kristu.

Efesus 5:26

Vi kakkpeŋget salala də əzlzleyit aret iŋkile na əpel nani.

Kolosi 2:12

Adan məndəkkumi dəndən addəv baptem, addəvni yi'e kəsilyoŋ səka əmta də ətafa, də wəza na Maŋgəlva məs dəsilgin səret ɗiy mimtiti.

1Timote 1:5

Wəray na wən məɗinəs na: Ndəni əŋgla məs də makra ɗəf barə, əɗɗum moggoni gəm ətaf məza matakataka ɓa.

1Timote 6:12

Agay əgay moggon vi ətafa, arma zeŋgile nassa faɗ məs məyuk akani məs kərban də əpel moggon karet ɗiy pakə.

Ibriɗe 10:22

Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

Ibriɗe 11:19

Abraham aɗɗumuk na, Maŋgəlva waɓap əsilgin ɗəf məmtən daydayə, addəv əɗɗum vaska amsak ərəh wətəni.

Ibriɗe 13:18

Məkkaman Maŋgəlva viyəm pay pakə. Vi məsənka makram bari də əɗɗum nawdaw də tiven addəv zəga pakə.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Ibriɗe 9:24

Vi Kristu dətoŋ addəv gəla matuya məs məɗɗan də vet ɗiy məs dəsan zeŋgile zəga an gesiŋ ɓa. Ya a disiŋ zək nan atoŋguk, karban zən aba Maŋgəlva kakaŋ vimə.

1Piyer 1:3

Məgəɗ sən soko sən Maŋgəlva, Afən Daya nam Yesu Kristu. Aɗɗak moggon nan azəmə, apsəmək zeŋgile meleketeni, vi asilgən Yesu Kristu səret ɗiy mimtiti. Aknahək makram də əga madarani,

1Piyer 3:16

Ya məzlan sit ɗiy məzəssohokumən də makra zazaya, də wəɓe'gən kikum, də wəɗɗum na makrokum moggoni, vi wil dədeningin məzupeleŋ mbərayən aka wədaw nokum moggon addəv Kristu əŋka.