1Piyer 3:18 - Bible en Guidar

¹⁸ Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.

Nouveau Testament en Guidar

¹⁸ Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

Bible en Guidar

¹⁸ Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.

1Piyer 3:18 ပူးပေါင်းရင်းမြစ်များ

Daniyel 9:26

Dərɓaga wəzva buhul təl kaklaw sləre kiyən sula naka, kawbayni mesiya, zəga tay adawrəh ɓa. Məlĩ mbərən wade dit məzəlpaŋ nani, wazan walaŋgəla də gəla salala. Əgrak wade va iŋkile muguloŋ təkiya, əbayma nan na, əgay gəm əza wasan va Maŋgəlva atawa.

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Əŋɗa 7:15

Medgeɗge taka, ndargayã taka, time taka məs wəzva taka ammba əvəl nawzla kurmbuɗuku;

Matiye 27:19

Aka Pilat tay ɗewwe addəv gəla nawtaw wəna, ɗak nan təslən azan dawnah sən na: Kədawgəɗ sən zəga sən ɗəf təstəsəs ɓa, vi nəzəmək sahã diyɗa na dəfəɗ də wəsine aka wənnani.

Matiye 27:24

Adan Pilat awla dəɓap əɗɗa zəga ɓa, abbər geŋgere dədaɗɗa day ki lahəŋka, agimik iŋkile, aɗɗak van abet ɗiyi. Amna: Də mezlibezlibe na maw nan səzet mbel na ɗəfəŋka, nan wən nokumi.

Yohanna 16:10

An dəwəlsən təstəs na: Vi in tat əddaw aza Afəni, kuluwən na əmpa ɓa.

Wəza net Masləŋɗe 22:14

Ananiyas aɓsu na: Maŋgəlva net efiŋgiɗim awelkuk dafsən vi kəsəngən əŋgla nani, kulagən an Təstəs nani, gəm kəprəmgən wəlani.

Wəza net Masləŋɗe 3:14

Nokum kəzganənək ɗəf an salala məs təstəsə, yaŋ kəssohoŋ mbəlembəle sən ɗəf məbay gəbaya.

Roma 1:4

məs mewelin də əɓap na Zeŋgile Salala ka Wət Maŋgəlva də əsilgin səret ɗiy mimtiti, ndəni Yesu Kristu Daya namə.

Roma 4:25

ndən məs məppan əmta viyit heslepeɗe namə, gəm dəsil səka əmta, vi mərahgən əssa təstəsə.

Roma 5:2

Ɗəzani mərah mbəlembəle əŋ də ətafa, məs mədawziw gəm mədawɗi ənnek nam addəv əga gagdak na Maŋgəlva.

Roma 8:11

An Əmpəs na məs dəsilgin Yesu səret ɗiy mimtit tat addəvkum, məs dəsilgin Kristu səret ɗiy mimtit van wapsən zeŋgile sən gəɓa zukum məs namtaŋka'e də Əmpəs nan məs naddəvkum.

Roma 8:3

Vi, zəga an mahenziŋ aɓap na ɓa yi, vi gəɓa zə ɗəf tay əddakani, Maŋgəlva aslənək Wətən də gəɓa zən va gəɓa zə ɗəf na mambraya, dəwəl sən mambray na, atawwən aka mambray addəv gəɓa zə ɗəfa.

2Korintus 1:24

Məŋgəl məzəmgən məlĩ aka ətaf nokum ɓa, ya məsapək addəv ənnek nokum, vi kəziwweŋgik ɓəlɓəl addəv ətafa.

2Korintus 13:4

Gesiŋ məkkpani aka məzliwrihe aka məddakən. Ya kakaŋ na madarani də əɓap na Maŋgəlva. Gesiŋ nam pak məddakəm mənan addəv əsap nam dəndəni. Ya waməsam madaram dəndən də əɓap na Maŋgəlva azamə.

2Korintus 5:21

Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

Galatiyen 1:4

ndən məs dəppan ki zən ammbam vi mambray namə, vi dəmõhumgən səza ənziya egge mbərayən kakaŋkəŋka, va aza əŋgla na Maŋgəlva Afəmə.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Efesus 3:12

Ndəndəni, mərah əsən gesiŋ gəm ətoŋ aza Maŋgəlva kiyəm foŋgo də ətaf an mətafa.

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Ibriɗe 10:10

Addəv əŋglaski mərah əbbur də əvəl na zə Yesu Kristu, aɗɗa təl taka ka faɗə.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Ibriɗe 9:26

Vasna, kəta wazəmsãhã təl ɓaɓayə təŋ səza ətəŋ na dəlva. Vi təl taka kaka' arbə də əkgrak na paya vi kavvuyon mambray də əzaɓ-Maŋgəlva məs adə də zək nani.

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

Yakob 5:6

Kətawənək wən aket ɗiy məs tahəŋ də mambray ɓa, kəbeyinke. Net dəɓoŋgoŋ ɓa.

1Piyer 3:19

Ndəni kan ambat əpel Wən Nenek sit əmpəsɗe na fərsəna.

1Piyer 4:1

Vaski, va Kristu azəmsahã addəv gəɓa zəni, nokum pak məssoŋ məsla zukum də əɗɗum vaska vi ɗəf məs dəzəmsahã addəv gəɓa zəni, awɗakək də mambraya.

1Piyer 4:6

Sən wən nani məpel alabara nenek sit ɗiy mimtit daydayə; vasna, də mətawwən eket addəv ənziya egge net va eket ɗiy pak zlaŋ, arəhaŋgək tive gəgaŋ də mbəlembəle na Zeŋgile salala nanziya va Maŋgəlva aŋgələ.

1Yohanna 1:9

An məsənək mambray namə, nan moggoni, təstəsi navviyan səm mambraɗe namə, gəm nabbur mbərayən awandi pak səzamə.