1Piyer 2:6 - Bible en Guidar

⁶ Vi tay məpelin addəv Əver na: «Awle in tat əɗi gərəm na bezler a Siyon adaka, məwele iyi gəm na sləma diyɗa, ɗəf dəɗi ətaf nan akani, sessel wil adanən na ɓa.»

Nouveau Testament en Guidar

⁶ Vaski bo va məverin adəv ɗerewel na Maŋgəlva. Məpprəma: Nəwelik gərəm na sləma, nəɗiyək ka gərəm məs təkzləmən mogon də gakdaka a Siyon. Ko naway dətafa wil adanən na ɓa.

Bible en Guidar

⁶ Vi tay məpelin addəv Əver na: «Awle in tat əɗi gərəm na bezler a Siyon adaka, məwele iyi gəm na sləma diyɗa, ɗəf dəɗi ətaf nan akani, sessel wil adanən na ɓa.»

1Piyer 2:6 ပူးပေါင်းရင်းမြစ်များ

Va'Atəŋ 49:24

ya bəle nan asanək ŋgəreŋ ŋgəreŋgi van dit kirtin van tahəŋ əɗɗaŋ wəza petpeti. Də gbogboŋ na Maŋgəlva Məzuɓappak na Yakob, də iya na Məzutaɗa, Gərəm na Israyel,

Gəlyaɗe 40:14

Yawe, kamə abitwa; Yawe agəm zuk ade əbbah suwa.

Gəlyaɗe 89:19

Vi Yawe yi baray namə, salala na Israyeli məlĩ namə.

Isaya 28:16

Vini Daya, Yawe anah na: «Nəɗiyək gabba gəla a Siyon addəvən na nəɗiyək gərma, gərəm məwele na bezler məmpan ɓəlɓələ. Ɗəf an dəges azani, zəga tay naɓlan ɓa.»

Isaya 41:11

Ya məs dədaŋ gədəv akok pak wil wadenini, warbaŋ wili! Ɗiy dəkayanən mok pak wazaŋgə, wakkpaŋgaŋ va zəga ɗarə!

Isaya 42:1

Gawla naw məs nədarma van yaŋka, əwel nawi yi, in tat ənnek dəndəni, nəɗiyək əmpəs naw akani, waki ətawwən təstəs sit ɗiy naket dəlveŋge.

Isaya 46:13

Təstəs naw gu'oyi, tay ɓa' ɓa! Əkõh naw wanzi ɓa, wanəpsən əkõh naw sən Siyon. Wanəpsən gagdak naw sən Israyel.

Isaya 50:7

Ya Daya Yawe armak vawa, vini nərbə wil ɓa, vini nətok kiharaw va gərma, nəsənək na wil waduwən ɓa.

Isaya 54:4

Kəgeslne ɓa, karbəsuki wil ɓa, Kəzlzlaɓ ɓa, wil adukun ɓa, wakəzgət ki ərba wil nok naka gore, kəɗɗumon na ərba wil nok nassa gagəbay əmpa ɓa.

Daniyel 10:21

Ya anərban suk an məverin addəv ɗerewel na gegesiŋ. Ɗəf tay təttaka dədabbah su əgay dənɗaŋ dabərki Mikayel maslay nokum ɓa.

Zakarya 10:4

Səzan gərəm naka ədoɗ na gəla, məpyoko nampa gizlirke, bəle nawgaya, səzani deyeɗe adawgilyoŋ aka mataka.

Matiye 12:18

Gawla naw an məs nəwel yaŋka, an məs nəŋgəl nenneken zu dəndən. Wanəɗi Əmpəs naw akani, warban təstəs sit ɗiy-ɗarə.

Markus 12:10

Kəŋɗanən məs Ɗerewel anah ɓa sa? Gərəm məs mərkaŋ gəla azgaŋgə, akkpaŋgək gərəm kiwən naka bezler.

Luka 20:17

Ya Yesu awleke amna: Mbar an məverinəŋ aŋgəl ənah di? Gərəm məs mərkaŋ gəla azgaŋgə akkpaŋgək gərəm kiwən naka bezler.

Luka 23:35

Ɗiy tahəŋ ziwziw adak ula. Ɗiy gugriɗ kpaŋgənən ka zəga nawmasa, aɓɗaŋ na: Akõhgit ɗiy meɓɓeti, dəkõhgən kiyən tamə an ndəni Kristu məs Maŋgəlva awel kana.

Yohanna 7:38

Ɗəf dətaf pak Ɗerewel Salala amna, məlpeŋge net iŋkile mederet waymaŋ səddəvni.

Wəza net Masləŋɗe 1:16

Milmiŋgiɗwa, adahək an Zeŋgile Salala anah də ma Davit addəv Ɗerewel aka wən na Yudas məs dəkkpaŋ mədaw abet ɗiy dərmanən Yesu dəknahgəni.

Roma 10:11

Vi Əver anahək na: Ɗəf məs dətafa arbə na wil ɓa.

Efesus 1:4

Vaski aweləm addəvən tak əzəməɗ dəlva vi məsamgən salala gəm məza də heslepe ama haran ɓa addəv əŋgla.

Efesus 2:20

Mərkukumi aka gabba gəla məs məɗiyən dit maslənɗe gəm məskəleŋɗe, Yesu Kristu zək nani gərəm na bezler.

2Timote 3:16

Əver pak də Əmpəs na Maŋgəlva yi, tay də ətər addəv əyaka, addəv ərban an məzlzlaɓ akani, addəv əziwgin an dərayə, addəv əɓay an naddəv təstəsə.

1Piyer 2:4

Məde azani, ndəni gərəm madarani, məs ɗiy azgaŋgə, ya məweley gəm na sləmay diyɗa ama hara Maŋgəlva.

1Piyer 2:8

gəm əmpa na: Gərəm nawtaŋgbaygit ɗiyi, milɓe məzləb ɗəfa. Adaŋgbayaŋ na vi dətafən əpel na Maŋgəlva ɓa, aski dədawriti.

2Piyer 1:20

Məsən daabəŋ na: Ɗəf tay də əɗɗum nan sən kiyən nawɓap əboton kleŋ naddəv Əver ɓa.

2Piyer 3:16

Va aver addivit letərɗe nan pak an tay əpel aka wənəŋka. Wən temtem tuwãh aza əprəm tahəŋ diyɗa. Məs ɗiy məs əsən tay aket ɓa gəm en məddekit adawslokoronən əprəm nan va adaɗɗaŋ də gəla təki naddəv Əver maɓɓan temtemi. Vas adawkiyən əza aketi.