1Piyer 2:25 - Bible en Guidar

²⁵ Lahəŋka munokum tat va timiŋgiɗ məzeti, ya kakaŋ na kəmilyoŋguk aza məzutaɗa məzuga zeŋgilokum.

Nouveau Testament en Guidar

²⁵ Lahəŋka munokum tat va timeŋgiɗ məzeti, amma kakaŋ na kəzoŋguk aza məzutaɗa məzuga zeŋgillekum.

Bible en Guidar

²⁵ Lahəŋka munokum tat va timiŋgiɗ məzeti, ya kakaŋ na kəmilyoŋguk aza məzutaɗa məzuga zeŋgilokum.

1Piyer 2:25 ပူးပေါင်းရင်းမြစ်များ

Gəlyaɗe 119:176

Slorslor nan va time məzani akayan gawla noko, vi nəzgət kiyit mahenziŋɗe nok ɓa.

Gəlyaɗe 80:1

Səza daya net məyaŋgəlya, əpel na miziwe Asaf məyan də gaŋgara, gəlyanalva.

Isaya 13:14

Wasan va mune məs adaɓɓahaŋgə awaniɓa timeŋgiɗ məza məzutaɗa ammbet ɓa: naway pak wakkpaŋ azet ɗiy nani, naway pak wanzan aka dələv nani.

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Isaya 53:5

Ya məmbokən na vi əɓoŋ nami yi, məŋgrofən na vi heslepe nami yi. Əzga' nawki səm zazay dəbət akani, Də vamvi nan əmbəla nam asani.

Isaya 53:6

Mənam pak məzək va gilewi, naway pak agəmək tive nani. Yas Yawe aggbo' heslepe nam pak akani.

Yeremiya 23:2

Vini Yawe Maŋgəlva na Israyel apel aka wən net məzuteɗeŋɗe məzuteɗnin ɗiy nan vaŋka: Nokum kəppetinik gilew naw ətrayaŋgə, kəzetinke, kəzgaŋ sləma aket ɓa. Naw in yakəŋ əsilyew akokum sən daraw na wəza nokum, Yawe aɗiymani.

Ezekiyel 34:6

Gazlaŋ net gilew naw atərayək aket mossorgoɗe gugriɗ pak gəm aket mossorgoɗe pakə; gazlaŋ net gilew naw atərayək aka dələv dəwənnani, ɗəf tay nawkeyet ɓa, ɗəf tay dədaddan əkeyet ɓa.

Ezekiyel 37:24

Gawla naw Davit wazəm məlĩ aketi, məzutaɗa taka viyit pakgiti; wadawaŋ aket tiveɗnanziya nawa, warmenin mahenziŋɗe nawa, wazbetini.

Zakarya 13:7

Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

Matiye 18:12

Mbar kədaɗɗumoŋ di? An ɗəf tay dit timiŋgiɗ səkatə, yaŋ taka səret azə, appet na en kaklaw vaytak kiyit vaytak aket mossorgoɗe gugriɗ ndən kadan əkayan an dəzə ɓa sa?

Matiye 9:36

Adan awla vanday net ɗiyi, awələk sahã aketi, vi ayaŋka hompok-hompokuŋ va timiŋgiɗ məs tahəŋ də məzutaɗa ɓa.

Wəza net Masləŋɗe 20:28

Məga zukum mənokum sən kiykum, gəm ngaɓa məs Zeŋgile Salala aɗikum akan ka məgaɗe. Məssoŋ məzuteɗeŋge na əsap net məkristuɗe na Maŋgəlva, məs arah də əmta na Wətəni.

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

Ibriɗe 3:1

Milmiŋgiɗwa, mənokum ɗiy salala, məs də haran net addəv iya dəde sə disiŋ, məɗɗumon wən na Yesu məs Maŋgəlva aslən dəsangən daya net məsdəlveŋge məs mətafə.

Ibriɗe 5:2

Waɓap əsən gabba əssa net ɗiy məs tahəŋ də əsən ɓa, məzuzaŋgə, vi ndən sən kiyən pak attəmanək əddak temtem diyɗa.

1Piyer 3:20

Ndəɗaŋgə ɗiy dəɓoŋgoŋ lahəŋ aka Maŋgəlva aɓəs aka pay Nuwe adawzaɓ bəlay. Ɗiy siɗikkeŋ kaka addəvən, ɗiy dədopoɗo dəkõhoŋ səret iŋkile.

1Piyer 5:4

Pay məzutaɗa an daya adazzan na, wakərəhaŋ mətərkiya an də gagdaka, məza awray ɓa.