1Piyer 2:24 - Bible en Guidar

²⁴ Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.

Nouveau Testament en Guidar

²⁴ Krestu sən kiyən aslanək mambray namə adəv gəɓa zəni, aka wəlaŋga məzliwrihe vi məsam gən madaram klaza wən təstəssə, asna məsam gən məmtəm klaza mambraya. Vi gəla huwa nani kərəhaŋ əmbəla.

Bible en Guidar

²⁴ Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.

1Piyer 2:24 ပူးပေါင်းရင်းမြစ်များ

Va'Atəŋ 22:6

Abraham aslet sin motoffoɗe naɗɗa əvəl nawzla kurmbuɗuk aka Isak wətəni; nan agəm offo gəm slohõ, addoŋ sulegit matakə.

Gəlyaɗe 147:3

Ndəni məzənzeɗ məs mekret dəɓohu gəm məzugip huweɗ neti.

Gəlyaɗe 38:4

Petpet tay aka gəɓa zu ɓa: sən ədagədəv noko. Zəga moggon tay addivit sleŋsleŋɗe naw ɓa: sən mbərayən nawa.

Əgilye 28:38

Miypa'a nan dəsangən a mirbiz Aron vi dəslangən mambray məɗɗan azet zəgeɗ en mə Israyelɗe avəlaŋ na matuya pakə: Dəsangə pay pak a mirbizin vi Yawe dənnekgən də əvəl vani.

Wənməkkpaŋga 20:30

Ərga hã də vaŋviya, mihã nawzan darawi, vaski də ərga tam nanzaɗ zlem zə ɗəfa.

Isaya 53:11

Səɓɓa tatwãh məs azəmə, wawla əkeɗeɗe'e, wabə. Gawla naw təstəs wakkpeŋget ɗiy diyɗa təstəs də əsən nani də əslan heslepe net akan dəvani.

Məsdəlveŋge 16:22

Porsok dəkagən mambray net pak akan də muyã. An mərɓani a kapta-muyã,

Məsdəlveŋge 22:9

Dərmanən an nawɓesəni gəm dəslanən ziti, vi adawslaŋ mambray sən wən na zəga nawzəm net ɓa; an araygənənka, wamtaŋgə; in Yawe tə nakkpeŋget məza heslepe ɓa.

Əŋɗa 18:22

Vasna, kirtin Israyel addereŋ na əmpa aza gizlirke nalma də Maŋgəlva kawslanən mambray nawkisit əmta ɓa.

Əŋɗa 7:15

Medgeɗge taka, ndargayã taka, time taka məs wəzva taka ammba əvəl nawzla kurmbuɗuku;

Matiye 27:26

Yaŋ Pilat appan sit Barabbas, aɗi wən nani, avərənək Yesu, apsitik avet dəkkpa'nəngən aka məzliwrihe.

Matiye 5:20

Gesiŋ nədawnah sukum: An təstəs nokum dəday ki net mərbaŋ-mahenziŋ dit Farisaɗe ɓa, kətoŋgoŋ na addəv məlĩ na Maŋgəlva ɓa.

Matiye 8:17

Aspak vi kaknahan an məskəleŋ Isaya anah dawnəh na: Ndəni dənde əddakɗe namə, asletik gbəgba' namə.

Markus 15:15

Pilat aŋgələk əɗɗa an nanneken zə vanday. Vini appan sit Barabbas, aɗi wən nani, avərənək Yesu, apsitik avet dəkkpa'nəngən aka məzliwrihe.

Luka 4:18

Əmpəs na Daya tay akawa, vi awelwək nəpelgən alabara nenek sit məssãhẽŋɗe, aslənwək kawtəl ma nappet ɗiy mərmeti, vi kawkol sit heret deŋgerɗe, vi kawkõhgit məzuzəmaŋ sahã.

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Yohanna 19:1

Yaŋ Pilat kan aka Yesu, mərgan də ɗoŋroŋ.

Wəza net Masləŋɗe 10:35

Sə waleŋgit ɗiy-ɗar awed di pak, ɗəf dəgeslne səni gəm dəgəɗ təstəs na, watafa.

Wəza net Masləŋɗe 10:39

Mənamtə miziweɗe net zəgeɗ məs agəɗ aka kivadələv net mə Yudeɗi gəm a Yerusalem pakə, ndən məs abayaŋ də əlawən aka wəlaŋga.

Wəza net Masləŋɗe 13:29

Adan aknahanən an məverin akan pakə, aprikgənənək səka məzliwrihe, agulnən addəv magamasə.

Wəza net Masləŋɗe 5:30

Maŋgəlva net efiŋgiɗəm asilginik Yesu məs kəbayaŋ nak səka əmta də əkkpa'ən aka wəlaŋga.

Roma 6:11

Vaski yi'e nokum, mula zukum va məmtukum sə kəlaza mambray gəm modorokum sən Maŋgəlva addəv əsap nokum də Yesu Kristu.

Roma 6:13

Kədappetin zəgeɗ na gəɓa zukum sən wəza na mambray va zəgeɗ nalpa vi mbərayəŋ ɓa; ya dərəŋ na məɗi zək nokum sən wəza na Maŋgəlva va ɗiy mederet dəmilyoŋ səka əmta, məɗi zəgeɗ na gəɓa zukum va zəgeɗ nalpa vi təstəs na Maŋgəlva.

Roma 6:16

Kəsənnən na, an kəppanənək zukum sən ɗəf va belemɗe kawɓe' sən na, belemɗe na ɗəf məs kədawɓe'eŋ sənən kənanaŋ ɓa sa? An sən mambray məzuka ɗəf əmta yi, awaniɓa sən əɓe'e məzuka ɗəf addəv təstəsə.

Roma 6:2

Agəɗ na vas ɓa! Mbari mənam məs məsam məmtən sə kəlaza mambray mədawsam əmpa addəv mambray di?

Roma 6:22

Ya kakaŋ na, adan məpəlkum səka mambrayə, kəkkpaŋgaŋgək belemɗe na Maŋgəlva, mənokum tat ərban ədaw addəv salala, əgrak nan na zeŋgile nassa faɗi yi.

Roma 6:7

Vi ɗəf dəmtə na, na kini səza mambray.

Roma 7:6

Ya kakaŋ na məbitmi səza mahenziŋ, vi məmtəm mənan səza an dədarməm ka belemɗe, vi məgəɗ wəza də tive meleketen na Zeŋgile Salala məza də mahenziŋ məzvan məverin ɓa.

1Korintus 15:3

Vi an in sən kiyu nərah nəgorgən sukumuk daabəŋ na: Kristu amtək vi mambray namə va Əverɗe anahaŋgə.

2Korintus 6:17

Vini: Məgil sə waleŋti, muɗak dənɗaŋ Daya anahə. Kədawrəŋgənən zəga naw mə' ɓa, asna wanətafkum.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Efesus 5:9

Vi uwa na əkeɗeɗe'e: ndəni moggoni, təstəssə də gesiŋ.

Filipi 1:11

məknahən də zəga an təstəsə, məs dəde səza Yesu Kristu, vi gagdak na Maŋgəlva də əɗi kini.

Kolosi 2:14

Aŋgarək ɗerewel na dəmən məzuzəm kiyəm naka, yaŋ azan də əkkpa'ən aka məzliwrihe.

Kolosi 2:20

Adan kəmtaŋgək də Kristu, faraɗa kənanaŋ dit zəgeɗ negge, vimi kədanziyaŋ va ɗiy negge kədawɓe'eŋ sitin əsərəkɗe zeŋvit eskis əmpa di?

Kolosi 3:3

Kəmtaŋka ya zeŋgilokum tay məɗaman də Kristu aza Maŋgəlva.

Ibriɗe 10:10

Addəv əŋglaski mərah əbbur də əvəl na zə Yesu Kristu, aɗɗa təl taka ka faɗə.

Ibriɗe 10:5

Sən aski, dawtoŋ aka dələv na, Kristu anah sən Maŋgəlva na: Kəŋglu əzaɓ-Maŋgəlva ɓa, mãy əvəl məpsuk ɓa, yaŋ kəɗɗa su zu va ɗəfa.

Ibriɗe 12:13

Məzban tive an moggoni, məs sarara, vi təl vədal adamsak əɗɗa ɓa, dəmbəlgəni.

Ibriɗe 7:26

Zev Daya net məsdəlveŋge aski dəslə səmə; salala, məza heslepe ɓa, məza haramba ɓa, awɗakək dit məs mambrayɗe, məslani a disiŋ ki disiŋ.

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

Yakob 5:16

Vi vaski mərban mambray nokum awalaŋ zukum aba Maŋgəlva, viyit ɗiy nokum, vi kəmbəlaŋgəni, wəkkam na ɗəf təstəs tay də gbogboŋ naɗɗa zəga metiŋgini.

1Yohanna 2:29

An kəsənnənək na nan təstəsi, məsənna ɗəf məgəɗ təstəs pak ndən duwa.

1Yohanna 3:7

Kirin nawa, ɗəf adawzokum ɓa, ɗəf məzəɗɗa an təstəsə nan pak təstəsi, va Yesu Kristu asan təstəsə.

Hənhən 22:2

Aka tive na walaŋgəla-metiŋ adadawa. Wəlaŋga na zeŋgile tay adak dəka təkzləmən dahã dahã pakə. Tay uwa təl kəlaw kiyən sula addəv wəzva taka pakə, addəv təla pak təl taka adawa. Van akkpaŋgək miha nawmbəlgit ɗiy naka dələv pakə.