1Piyer 2:12 - Bible en Guidar

¹² Wədaw nokum dəsan moggon awaleŋgit ɗiy məs dəsənən Maŋgəlva ɓeŋki, vasna an aɗikumənək va məɗɗaŋ mambray daydayə, an tahəŋ ulanən wəza moggon nokum, wagagdakanən Maŋgəlva pay adazani.

Nouveau Testament en Guidar

¹² Wədaw nokum dəsan mogon aweleŋgit ɗii məs dəsənən Maŋgəlva ɓeŋki, an aɗikumənək va məɗɗaŋ mambraya, an tahəŋ ulanən wəza mogon nokum, wagakdakanən Maŋgəlva pay adazani.

Bible en Guidar

¹² Wədaw nokum dəsan moggon awaleŋgit ɗiy məs dəsənən Maŋgəlva ɓeŋki, vasna an aɗikumənək va məɗɗaŋ mambray daydayə, an tahəŋ ulanən wəza moggon nokum, wagagdakanən Maŋgəlva pay adazani.

1Piyer 2:12 ပူးပေါင်းရင်းမြစ်များ

Gəlyaɗe 37:14

Məsdarawɗe aptuwənək masalam, enslinnənək bəle vi kawbay məssahã də məzuraya, vi kawtaw wəlet ɗiy en təstəsə.

Gəlyaɗe 50:23

Məzaɓ-Maŋgəlva nawfet akaw tay əgagdakawa. Məzək sləma aka tive nani, wanərban sən əkõh na Maŋgəlva.

Isaya 10:3

Mə kədaɗɗaŋ pay wəzəmsahã adazzan daga sə təki faraɗa di? Aza nawa kədanzoŋ əɗam kawrəh əbbah di? Nga kədaddoŋ əzaɓan arya nokum di?

Daniyel 6:4

Daniyel adayək kiyit deyeɗe gəm kiyit guvernerɗe vi əmpəs vandən tay ɓa tay akani, yas məlĩ aynan wən nawɗiyən daya aka dələv nan pakə.

Matiye 10:25

Məzuyak zəga dəgap va mərbəzəga nani gəm məgəɗ wəza dəgap va daya nan kaka'ə. Ya an ayanənək afən gəla na Belzebul, mbari ɗiy neŋgil ananda kandi, aday na ki as ɓa sa?

Matiye 5:11

Əzaɓ akokum, an ɗiy tay ərokuməni, tay əsərnən mokum gəm tay əpeleŋ mbərayən zev awandi pak akokum aka wən nawa.

Matiye 5:16

Əkasak nokum dəwiɓ vas abet ɗiyi, vi duletingin wəzeɗe mogget nokum dəgagdakanəngən Afukum an na disiŋ.

Matiye 9:8

Adan ɗiy awlanəni, geslne armeke agagdakanənək Maŋgəlva məs dəpsit gagdak vas sit ɗiyi.

Luka 1:68

Soko sən Daya Maŋgəlva na Israyel vi azlgək sləma aket ɗiy nani, akõhgitike.

Luka 19:44

Wakkãhkuni, is dit kirtuk addəvko. Appaŋ sukun na kuwən aka kuwən ɓa, vi kəsən pay məs Maŋgəlva ade wəbbah suk ɓa.

Luka 6:22

Əzaɓ akokum an ɗiy azelkumənko, agohkumənko, arokumənko azganənək iya nokum va mbərayən aka wəna Wətən Ɗəfa.

Yohanna 13:31

Səza Yuda agili, Yesu amna: Kakaŋ na məgagdakani Wətən Ɗəfa, məgagdakani Maŋgəlva dəndəni.

Wəza net Masləŋɗe 15:14

Simeyoŋ arbanək dafsən va Maŋgəlva azək sləma aket ɗiy-ɗar vi kawnda səret aka iya nani.

Wəza net Masləŋɗe 24:13

Aɓapən na ərban suk gesiŋ na dolgoy məs akiyaŋ akaw kakaŋkəŋ ɓa.

Wəza net Masləŋɗe 25:7

Adan Pol agapə, mə Yudeɗ məs dəpurkoŋ sə Yerusalem akaraŋgək kini, apeleŋgik wən tatwãh temtem diyɗa akan məs aɓapən na əskoɓon ɓa.

Wəza net Masləŋɗe 28:22

Ya mam aka əprəm an kədaɗɗumo, vi məsənək na, aŋga pak uɗak vanəs tay əlma də tatwãha.

Roma 12:17

Kədamndaganən mbərayən də mbərayən sən ɗəf ɓa. Məsok zukum əɗɗa wəza moggon a maheret ɗiy pakə.

Roma 13:13

Mədawsəm va məs dəslə, va kapaya, məza əzəm də əsa mbazla day ɓa, əkuh a gizbe mãy ɗarɗar ɓa, əgaya gəm kotorok ɓa.

Roma 14:18

Vi ɗəf məs dəgəɗ sən wəza sən Kristu addəv as pak na, tay lew aza Maŋgəlva, ɗiy wannekeŋ dəndəni.

Roma 15:9

Ɗiy ɗar tam dəgagdakanəngən Maŋgəlva sən ulasahã nani, va məverin na: Sən aski, nadawɗi kiyuk aret ɗiy-ɗarə gəm wanətibiren iya nok də gəlya.

1Korintus 14:25

Əɗɗum məɗama na makran warbə. Asna, watək kiyən afuŋ kappu' aba Maŋgəlva, wanah na, gesiŋ Maŋgəlva tay a walaŋkum.

2Korintus 1:12

Vi zəga nawkaɓ nam na, ndəni an əɗɗum na makram adarba, məsamək egge, sasak a walaŋkum də moggoni gəm də təstəs na Maŋgəlva məza əziw aka maɗɗula na ɗəf titir abbər aka mbəlembəle na Maŋgəlva ɓa.

2Korintus 13:7

Əŋgla nam aba Maŋgəlva na, kədaɗɗaŋ mbərayən ɓa. Məde vi karban təstəs nam ɓa, vi kəɗɗaŋgən moggoni, də məsam məddakəm pakə.

2Korintus 8:21

Vi nam mənam tat əzga sləma aka əɗɗa zəga moggon ama hara Daya kaka ɓa, ama heret ɗiy pakə'e yi.

Efesus 2:3

Nam pak aret mənan lahəŋka, mədawək lahəŋ va aza əsim zəga na gəɓa zəmə, də əɗɗa əŋgla na gəɓa zəmə gəm na maɗulamə. Addəv əssa nam lahəŋ na, kirtin ədagədəv mənanə'e va ɗiy meɓɓeti.

Efesus 4:22

muɗak də ɗəf məzvani, ana wəza nokum məzvanəŋka, məzuray də əsim zəga məmakan ɗəfa.

Filipi 1:27

Ənziya nokum dəslə də Alabara Nenek na Kristu kaka'ə, vi an nədek ulukum, kəta in tat ɓa zlaŋ na, nəprəmgən alabara nokum na, munokum tat təstəsə, maɗɗulokum taka, megenegenekum taka, mənokum tat əgayaŋ sap də ətaf dəziw aka Alabara Neneke.

Filipi 4:8

Milmiŋgiɗwa, aŋki məs dəmbərə: an moggon, an nawgagdakani, an təstəsə, an saksakə, an naŋgla, an na sləma, an nawtafa gəm an nawɗi kiyni, zəgeɗis dəssoŋ aka maɗɗulokum.

1Tesaloniki 4:12

ka ədaw nokum dərbəgən va an dəslə azet ɗiy-ɗarə, kədassoŋ vi ɗəf ɓa.

1Timote 2:2

viyit məlyeŋge dit deyeɗe vi məsamgən addəv zazay fendeŋ, də geslne na Maŋgəlva gəm də əɗikiya.

1Timote 4:12

Ɗəf adawzelok vi kəsok gawla ɓa. Asok azet ɗiy məs dətafaŋ pak va zəga narban sit tive, də əpele, də ədawa, də əŋgla, də ətaf gəm də əssa salala.

1Timote 5:10

ɗiy dəsəntən sən wəza moggon nata: Vi təzgələk kirni, tətafək melekeɗi, təskoɓək tilit ɗiy en salala, təbbah siti ɗiy en dəssoŋ addəv əzəmsahã, təppanək kiyət ammba wəza moggon awandi pakə.

Ibriɗe 13:18

Məkkaman Maŋgəlva viyəm pay pakə. Vi məsənka makram bari də əɗɗum nawdaw də tiven addəv zəga pakə.

Ibriɗe 13:5

Əŋgla net deleɗ adawgəm maɗɗulokum addəv ədaw nokum ɓa, mənnek də an navokum, vi Daya zək nan amna: Awwo, nəppok na ɓa, nəzgok na ɓa!

Yakob 3:13

Ɗəf tay də maɗɗulan məzusən zəga awalaŋkum sa? Dərbangən də wənziya nan moggoni, də wəɗɗa wəza moggoni, də wəɓe'gən kizəni də maɗɗulani.

1Piyer 2:15

Vi aŋki wəŋgla na Maŋgəlva də əɗɗa moggoni kəmsanəngən met dirweŋge gəm met ɗiy məs dəsənaŋ zəga ɓa.

1Piyer 3:16

Ya məzlan sit ɗiy məzəssohokumən də makra zazaya, də wəɓe'gən kikum, də wəɗɗum na makrokum moggoni, vi wil dədeningin məzupeleŋ mbərayən aka wədaw nokum moggon addəv Kristu əŋka.

1Piyer 4:11

An ɗəf wapeli, dəpel wən na Maŋgəlva; an ɗəf tay əɗɗa wəza, dəɗɗa də gbəgboŋ an Maŋgəlva apsəni, vi addəv zəga pak Maŋgəlva dərahgən gagdak də Yesu Kristu məs gagdak də əɓap pak asan nan hã faɗə. Amin!

2Piyer 3:11

Adan zəgeɗ pak wazaŋ vaska, kəsənənək va kədassoŋ. Məssoŋ addəv salala, məzban Maŋgəlva də gegesiŋ.

Ɗerewel nat Rut 3:14

Ndət kan ɗuf ammba tələn hã gap dəmpummo. Təsilik tak ɗəf nawsənən na naway andak di hara. Vi tay wənah na: «Ɗəf adawsənən na gulukkəŋ tədek ama kelle ɓa!»