1Piyer 1:25 - Bible en Guidar

²⁵ Ya əpel na Daya wasan hã faɗə. Əpel vani, ndəni Alabara Nenek məs mənah sukum.

Nouveau Testament en Guidar

²⁵ Amma əpel na Ɗəfdaya wasan ha faɗə. Wəpel nan ndəni labara nenek məs məpel sukum.

Bible en Guidar

²⁵ Ya əpel na Daya wasan hã faɗə. Əpel vani, ndəni Alabara Nenek məs mənah sukum.

1Piyer 1:25 ပူးပေါင်းရင်းမြစ်များ

Gəlyaɗe 102:12

Pay naw tay ətoŋ va zeŋgile, in tat əŋkəla va kiste.

Gəlyaɗe 102:26

Is kəɗi dəlvafuŋ far lahəŋka, disiŋ pak wəza na voki yi.

Gəlyaɗe 119:89

Yawe əpel nok aziwik faɗ a disiŋ.

Isaya 40:6

Ɗəf tay ənəh na: «Atəl ma.» Yaŋ nəzlan na: «ətəlma na miy di?» Ɗəf titir pak tay va kevile, lelew nan pak va əffuyo awray.

Isaya 40:8

Kevile wakələ, əffuyo waɓətə, ya əpel na Maŋgəlva nam wasan hã faɗə.

Matiye 5:18

Gesiŋ nədawnah sukum: Va disiŋ də dəlvafuŋ adanziyaŋ pakə, ma masin muzliyəkə awaniɓa muzliyək na mahenziŋ kazgati a gizbe ɓa, hã gap əgrak net zəgeɗ pakə.

Luka 16:17

Disiŋ də dəlvafuŋ wazaŋ go' dayki nzef na mahenziŋ əbəta.

Yohanna 1:1

Də ətəŋ na, əpel tay səkayə, əpel van tay aza Maŋgəlva. Əpel van ndəni Maŋgəlva.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

1Korintus 2:2

Vi zəga tay niynan nawsən anokumda abbər Yesu Kristu an məkkpa' aka məzliwrihe ɓa.

Efesus 2:17

Adan ade, arbanək Alabara Nenek na zazaya, sukum mənokum akən faraɗa gəm zazay sit en go'o.

Efesus 3:8

Su in məs nadəmmbet ɗiy en salala pak məvay mbəlembəle əŋ narban arya na Kristu məs akkpe' ɓa.

Titus 1:3

məs dərban əpel nan də pay məs aɗiyə, məpsu nətəlgən ma nan va aza Maŋgəlva məzukõhgəm aɗi wən nani.

Ibriɗe 6:5

dənanən əpel nenek na Maŋgəlva gəm gbogboŋ na dələv an dədazzani,

1Piyer 1:12

Maŋgəlva arban sitik na, wənəs sit aneti ɓa, sukumi. Məɗɗaŋ wəza na wənəskəŋ məs kakaŋ mərban sukum də met ɗiy en dəki sukumən Alabara Neneke də gagdak na Zeŋgile Salala məs məslənən sə disiŋ. Maslayɗe dayday aŋglaŋ dəsənnəngən wən vanəŋka.

1Piyer 1:23

Nokum kuwaŋgək meleketekum, məza də zeŋvə məzəŋgəna ɓa, də zeŋve məs aŋgəna ɓa iyi, də əpel madaran na Maŋgəlva dəsan faɗi.

1Piyer 2:2

Məssoŋ va kirin muwet kakaŋka, məŋglu momvo an saksakə, ana əpel na Maŋgəlva, vi kəɓayaŋgən dəndən hã gap aza əkõhõ.

2Piyer 1:19

Ya məziwik ɓəlɓəl aka əpel net məskəleŋɗe. Moggon kədaɗɗaŋ də əzga sləma akani, vi tay va lalam məzukasak a təki məs guzli asan hã gap aza ədaŋ təkiya gəm baŋgay naba pummo dəkasakgən a makrokum.

1Yohanna 1:1

An dəsan də ətəŋ ləŋgə, məs məprəmə, məs məwəl də haramə, məs məsəŋgləkani, məs vam arəŋgəni, ndəni əpel nawki zeŋgile.

1Yohanna 1:3

An məs muwələ, məs məprəmə, anani mədawnah sukum tamə, vi nokum van kəsapaŋgən də mənamə, vi əsap nam dəsangən də Afəni gəm də Yesu Kristu Wətəni.

Hənhən 14:6

Yaŋ nula maslay maɓɓan dawveŋ a disiŋ faraɗa, tay də alabara nenek an faɗ na Maŋgəlva avani vi kawtəl ma akan sit ɗiy naka dəlvafuŋ pakə: sit ɗiy-ɗar pakə, sən mahəlfa pakə, sən ma awandi pakə gəm sit ɗiy pakə.