1Piyer 1:17 - Bible en Guidar

¹⁷ Ya an munokum tat iya mətaw wən aka ɗəf va aza wəza nan na əbba, asna mədaw də geslne addəv pay məs kəssoŋ kakaŋkəŋka.

Nouveau Testament en Guidar

¹⁷ An munokum tatə zuliyaŋ sən Maŋgəlva, munokum tatə yanən na əbba. An tay taw kita aket ɗiiyi awɗeket na ɓa, ko naway pak va aza wəza nan məs agəɗə. Vi vaski, adəv pay nanziya nokum aka dəlvəŋka, məpprəm mani.

Bible en Guidar

¹⁷ Ya an munokum tat iya mətaw wən aka ɗəf va aza wəza nan na əbba, asna mədaw də geslne addəv pay məs kəssoŋ kakaŋkəŋka.

1Piyer 1:17 ပူးပေါင်းရင်းမြစ်များ

Va'Atəŋ 47:9

Yakob azlan sən Farawən na: «Wəzva naw nəsaw balbal molhõyõ na, səkat də kaklaw hoku yi! Wəzva naw duɗukkoy də tatwãh diyɗa, dəgap va net afiŋgiɗu anziyaŋ addəv molhõyõ net ɓa.»

1Alabaraɗe Də Mabərkiziti 29:15

Vi molhõyẽɗ mənan aboko, melekeɗ mənan va efiŋgiɗmə; ənziya nam aka dəlvafuŋ tay va zeŋgile, tay mədawga nawrəh ɓa.

2Alabaraɗe Də Mabərkiziti 19:7

Gəgaŋ na, ezlezle na Yawe dəsan azokum, məɗi kini, məɗɗa! Vi ana Yawe Maŋgəlva namda na, ɗarɗar tay ɓa, uɗeket ɗiy tay ɓa, əsam ma ɗəf də zəga na makaryam tay ɓa.»

Ɗerewel na Yob 34:19

Ndən məs dəɗi kiyit kirtin məlĩ ɓa, dəɗi məsarya day ki məssahã ɓa, vi ndən dəzəmiɗ beymeti.

Gəlyaɗe 39:12

Də əzga'i, kədawkol ki ɗəf aka mambraya; va məsuksləma kədarras an makran aŋgələ. Ɗəf titir səmyãy yi ɗarə. Əziwe

Gəlyaɗe 89:26

Wanəpsən pehe ammba vani, məlpeŋɗe ammba van dəzəŋ.

Wənməkkpaŋga 14:16

Məsmaɗɗula məzugeslne' sən mambraya, məzəmzlah səni; dərway məzəddan kiyən foŋgo.

Wənməkkpaŋga 28:14

Ɗəɗah na ɗəf məzugeslne pay pak sən əɗɗa mambraya, məs kiɓəɓəla wabət addəv tatwãhã.

Yeremiya 3:19

Naw nənahək na: Nəŋgəl kəta na kəssoŋgən temme səret kirtuwa, kapsuk dələv moggoni, təki an lalaw day səka dəlva. Nənahək na wakəyu əbba, kəmil na səzaw əmpa ɓa.

Sefanya 3:9

Vi wanəkkpaŋgan metteɓ met ɗiy kotakə, vi ndəɗaŋ pak diyanəngən iya na Yawe, vi dəɗɗaŋ sənəngən wəza də mekret taka.

Matiye 16:27

Vi Wətən Ɗəf wade addəv gagdak na Afən dit maslayɗe nani, wafaɗsən ɗəf pak aza wəza nani.

Matiye 22:16

Asləninik gewleɗ net dit ɗiy na Herodə azan dawnəh na: Mərbəzəga, məsənək na təstəs kənani, is tat ərban tive na Maŋgəlva də gegesiŋ kawgeslne sit ɗiy ɓa, vi nok kawelet ɗiy ɓa.

Matiye 6:9

Vaŋki kan kədakkamaŋgə: Afəm an na disiŋ, iya nok dəsan salala.

Roma 11:20

Gesiŋ, ya məlotən na, vi dətafaŋ ɓa yi. Noko, mətipuk na, vi kətafi, vi vaski kədawkaɓ ɓa, ageslne' dərəŋgə.

2Korintus 1:2

Mbəlembəle gəm zazay na Maŋgəlva Afəmə, də an na Daya nam Yesu Kristu dəsan akokum.

2Korintus 5:6

Vas kan na, pay pak mənam tat fendeŋge də əsənən na, an mənam tat addəv gəɓa zəmə, məsimgəm mənan faraɗa səza Daya,

2Korintus 7:1

Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

2Korintus 7:11

Mula zəga an əssahan zə ɗəf va Maŋgəlva aŋgəl agəɗ azokum: Va wəza an agəɗ azokum kəsokən zukum, əvvuyon mambraya, zukum tay nek də mbərayən ɓa, geslne, əŋgla vakvakə, kotoroku, əzga'a! Addəv zəga pak mənokum zək nokum kərbanənək na saksak kənanaŋgə.

Galatiyen 2:6

Ya məs adawgagdaketin va ɗiy na sləma nek, tay dəssaw aza an assoŋ lahəŋka ɓa, aza va ɗəf asan Maŋgəlva adazga sləma ɓa, vi ɗiy na sləma vet dədoɗnən kiyu ɓa.

Efesus 1:17

Kəta Maŋgəlva na Daya nam Yesu Kristu, Afən gagdak dəpsukumgən əɗɗum na maɗɗula gəm na ərba kəsənəngən gərakə.

Efesus 3:14

Sən aski, nədagduk takpraw aba Afəni.

Efesus 6:9

Munokum deyeɗe, məgəɗ sit vaska'e, məppan gagay, məsən na, ndəɗaŋ gəm mənokum pak, Daya nokum a disiŋgi, awɗeket ɗiy ɓa.

Əmsak aka Mahenziŋ 10:17

Vi Yawe Maŋgəlva nokum ndəni Maŋgəlva net meŋgilveɗi, Daya net deyeɗe, Maŋgəlva metiŋgini, Məzuɓappakə, nawgeslne' səni, awɗeket ɗiy ɓa, awmbəɗ də zəga na makaryam ɓa.

Filipi 2:12

Bayneŋgiɗwa, pay nəsaw anokumda na, munokum tat əprəmən maw pay pakə. Ya adan kakaŋ faraɗa nan də munokum, məprəm mawa. Məɗɗa wəza nawkõh nokum də geslne də wəkkere.

Kolosi 3:25

Ɗəf an dəraygəni, an araygən adawbəla vi Maŋgəlva aɗɗa uɗak ɓa.

Ibriɗe 12:28

Adan məlĩ məs aɓəl na ɓa mərahə, mərma səm mbəlembəle van lewlewi. Məgəɗ səm wəza nannek zən Maŋgəlva də mbəlembəle vani, də əɓe'səni gəm də əgeslne' səni.

Ibriɗe 4:1

Adan aynan səmək man mətoŋgən addəv əffet nani, məzi səm zəm kana, vi ɗəf təttaka səmmbokum adawbew dawtoŋ ɓa.

1Piyer 2:11

Bayneŋgiɗu na makrawa, molhẽɗ kənanaŋ, melekeɗ aka dəlvəŋka. Vini nədakkamokum kədapaŋ tive sən əsim zəga na gəɓa zə ɗəf ɓa, vi tay kay tive pay pak kawzan zeŋgilokum.

1Piyer 3:15

Ya Məgagdakan Kristu a makrokum ka Daya nokum. Pay pak məssoŋ məsla zukum nawzlan sit ɗiy məs dədassohokumən aka əga nokum.