1Milyeŋge 9:7 - Bible en Guidar

⁷ asna, wanərɓahan Israyel səka dələv nəpsənəŋka; wanəppan Gəla məs nəɗi aka iya nawəŋka, wanəzgan sə maharaw faraɗa, Israyel wakkpaŋ va zəga na mamba, va zəga nawmas net ɗiy pakə.

1Milyeŋge 9:7 ပူးပေါင်းရင်းမြစ်များ

1Milyeŋge 11:10

məs dəɗi sən wən nan na, kədazbet meŋgilveɗ mbərit ɓa; yas dərma an Yawe aɗi sən wən nanəŋ ɓa.

1Milyeŋge 9:3

Yawe aɓsən na: «Nəprəmək əkkam nok də wəppu' an kəppu' suwa: gəla kərkəŋ nətafək vi iya naw dəsangən adak faɗə; haraw də makraw pak tay akan ɗayɗayə.

2Milyeŋge 25:21

Məlĩ na Babilon arbə siti, abey a Ribla aka dələv na Hamat. Vaski kan məke ɗiy na Yuda səka dələv net faraɗa.

2Milyeŋge 25:9

Azlak Gəla na Yawe, gəla na məlyã, gəleɗe na Yerusalem pakə, azlek gəleɗe net ɗiy gugriɗ pak də offo.

2Alabaraɗe Də Mabərkiziti 36:19

Yaŋ azlanən gəla na Maŋgəlva, abzlunən zlava na Yerusalem, gəleɗe na məlĩ baymet pak azleninik də offo; zəgeɗ na sləma pak araygitinke.

2Alabaraɗe Də Mabərkiziti 7:20

Asna wanəzargukum səka dələv məs nəpsukum, wanəzlambrakan gəla məs nəɗi ammba iya naw nak faraɗa səzawa. Asna, wanəkkpaŋgan ka zəga na mamba gəm va zəga nawmas akan aweleŋgit ɗiy pakə.

Gəlyaɗe 44:14

Kəkkpaŋgamək ka zəga na əra net meggeŋgiɗmə ka zəga nawmasa gəm ka nawzel net ɗiy en dəkaraŋ kiymə.

Gəlyaɗe 44:15

Kəkkpaŋgamək va zəga na mamba net ɗiy-ɗarə, ɗiy tahəŋ əɓlanən kiyit gala'gala' akamə.

Gəlyaɗe 69:11

Nəhəmək də wəɗɗa meme, ya akkpaŋsuwək əra.

Isaya 65:15

Məweleɗe naw wayanən iya nokum addəv əsway neti, wanahaŋ na: «Kəta Yawe Maŋgəlva dəbayuk va ɗəf ana awaniɓa va na ɗəf anda!» Ya kawyeti məɗɗaŋ wəza naw də iya mbərni.

Yeremiya 24:9

Wanəkkpeŋget ka zəga nawki geslne' metiŋgini, ka zəga na geslne' mbərayən viyit milyeŋge naka dələv pakə. Kawreti yi, kawyə siti gəlya, kawmasi aketi, əray wasan aket a təki məs nədeɓɓehit adak temtemi.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 26:18

Aka pay na Hizkiya məlĩ na Yuda, Mika, ɗəf na Moreset məgəɗ kəleŋ apel sitik ɗiy na Yuda baymet də wənah na: An Yawe Məzuɓappak anah yaŋka: Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Yeremiya 26:6

asna wanəkkpaŋgan gəlaŋ va təki nakkaman Maŋgəlva na Silo, wanəkkpaŋgan walaŋgəla-metiŋginəŋ va zəga naɗɗa mefɗeke amet ɗiy naka dələv pakə.

Yeremiya 44:8

Mənokum tat ədansu gədəvu də wəza na vokum, mənokum tat əzla tursan sit meŋgilveɗ meɓɓet aka dələv na Eziptə məs kəddoŋ əssoŋ adaka, ka mənokum kawza ka kakkpaŋ zəga na mefɗeke gəm zəga na əra aweleŋgit ɗiy naka dəlva.

Yeremiya 52:13

Aɗi sənək offo sən Gəla na Yawe, gəla na məlyã, gəm gəleɗe naddəv walaŋgəla-metiŋ na Yerusalem daysa net ɗiy en tutukprukɗe.

Əɓuhma 1:8

Yerusalem agəɗək mambray gədakə vini arnoku. Məzugagdakanən lahəŋ pak tay əzelenəni vi awlanən gabban mekeleŋ. An dəpəl sən na əhəmi gəm əktoh gəɓan əmbata.

Əɓuhma 2:17

Yawe aɗɗak an aɗɗum naɗɗa, aknahanək an apel wən nani, məs aynan naɗɗa far lahəŋka: abzluwək zəga pak, məza ulasahã ɓa. Annekenik zə məzuzel nok də əray noko; esɓetik məzuseɓɗe nok akoko.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Ezekiyel 5:15

Wasan suk va zəga net wili gəm zəga na əra azet dəlveŋge na guw en dəssoŋ kiyuk tərwəslə, wasəreteŋ wən azoko, wamasaŋ akoko, wasan sit va wəssak nawgeslne'et pay nədawtawwən akok də ədagədəv nawa, dit herɗe nawa gəm əzga' na herɗe. In Yawe tə nəpeli.

Hose'a 9:3

Aɓapaŋ na kassoŋ də gəla aka dələv na Yawe ɓa: Efrayim wamil a Eziptə, a Asiri wazəmaŋ zəga nawmə'a.

Yo'el 2:17

Məsdəlveŋge dəhəmaŋ a walaŋgəla nawtoŋ dəddəvən a daŋgla də gəlamatuya, məɗɗaŋ wəza na Yawe dənahaŋ na: «Yawe, awla sasẽhit ɗiy noko; kədappet ɗiy nok aket wil ka ɗiy-ɗar dəmasaŋgən aket ɓa! Vimi adawnahaŋ aret ɗiy na: Aŋgay Maŋgəlva net di di?»

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Matiye 23:38

Ya məppani gəla nokum va kapta-muyã.

Matiye 24:2

Yaŋ azlani, aɓsit na: Munokum tat ulenin zəgeɗis pak sa? Gesiŋ nədawnah sukum: Sessel, apəl na kuwən aka kuwən məza kaɓzluni ɓa ɓa.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Əmsak aka Mahenziŋ 28:37

Wakəkkpaŋ va zəga nawgeslne səni, wawlukun va zəga na mamba, wamasaŋ akok a təki Yawe Maŋgəlva nok adawkuk adakəŋka.

Əmsak aka Mahenziŋ 4:26

ya dəpaŋ na nəɗiyik disiŋ də dəlvafuŋ dəkiyaŋ suwəngən wən akokum: Ɓo' way ta' wakəzaŋ də kakara səka dələv kədaggaraŋ ki Yurden kawmõhən ka nokuməŋka, kənziyaŋ na diyɗa adak ɓa: kawzokumi kakãhə.

Yosuwa 23:16

An kəmzlahaŋgək səka wənmiyna məs Yawe Maŋgəlva nokum aɗi vikum, an kəɓe'eŋ sitinik meŋgilveɗ meɓɓeti, kəppu'oŋguk abeti, ədagədəv na Yawe wasan akokum. Asna wakəzaŋ də kakara səka dələv moggon məs apsukum naka.»

1Samiyel 15:11

«Maw nzoki də wəɗi Sawlu aka məlyã, awla aktohuk gəɓan səzawa, dəzban əpel naw ɓa.» Gədəv Samiyel adəka, ndən kim əkkaman Yawe.