1Milyeŋge 9:1 - Bible en Guidar

¹ Pay Salomoŋ agrak ərka Gəla na Yawe gəm na məlyã də əɗɗa an makran aŋgəl naɗɗa pakə,

1Milyeŋge 9:1 ပူးပေါင်းရင်းမြစ်များ

1Milyeŋge 3:1

Salomoŋ akkpaŋgək dəhən Farawən, məlĩ na Eziptə; ndən gəm wətən Farawən, mah əkiyət a walaŋgəla-metiŋgin na Davit, hã gap pay agrak ərka gəla nani, Gəla na Yawe, də zlava tərwəsl ki Yerusalem.

1Milyeŋge 6:37

Aka wəzva mapoɗon də təla adawyaŋ na Ziw, məɗi gabba Gəla na Yawe.

1Milyeŋge 7:1

Əzva kəlaw kiyən hoku Salomoŋ agəɗ aka ərka gəla nani; agrak gəla kpekpe'i.

1Milyeŋge 7:2

Arka gəla adawyaŋ na: wəleŋɗe ŋgərəɓ na Liban, zezek nan metər kaklaw sle'i, slosloprok nan, metər kaklaw sula kiyən sle'i, gəm əɓay nan metər kəlaw kiyən sle'i. Məɗɗan net dədəkeɗ na gbuŋgburiɗ muguguleɗ wədor poɗo gəm bəlaŋɗe net muguguleɗ mərsleti məzi məziyeɗ aketi.

1Milyeŋge 7:51

Adan məlĩ Salomoŋ agrak wəza na Gəla na Yawe dit zəgeɗ naddəvən pakə, akiyik zəgeɗ en Davit, afən apsən Daya: təbəz babara, meleŋge, may zəgeɗ temtemi, aɗi addivit mehẽɗ naddəv Gəla na Yawe.

1Milyeŋge 8:66

Aka pay madodopoɗoni Salomoŋ atəraygit ɗiyi. Asɗanənək məlyã, ambataŋgək a gizlirke anetda, zit paparə, də zit ənneke vi moggon an Yawe agəɗ sən Davit, balam nan dit mə Israyelɗe ɗiy nani.

1Milyeŋge 9:10

Addəv əzva kaklaw sula, gəleɗe sula Salomoŋ arkə, Gəla na Yawe də an na məlyã,

1Milyeŋge 9:11

Huram, məlĩ na Tir, dəpsən muguguleɗ dit wəleŋɗe lelewɗe, gəm meleŋge va aŋgələ, ndəni məlĩ Salomoŋ apsən walaŋgəleɗe gugriɗ kaklaw sula aka va na Galile tamə.

1Milyeŋge 9:19

vaski addəvit walaŋgəleɗe gugriɗ en Salomoŋ adawzaɓet zəgeɗ nawzəm nani, walaŋgəleɗe net mawteɗ nalpa, dit en net pilseŋge. Salomoŋ arkək zəgeɗ en makran aŋgəl pak a Yerusalem, a Liban gəm aka dələv an nammba van pakə.

2Alabaraɗe Də Mabərkiziti 7:1

Səza Salomoŋ abay ma əkkaməs na, offo aprik sə disiŋ, azla əvəl nawzla kurmbuɗuku gəm əzaɓ-Maŋgəlva nawslere. Gagdak na Yawe aknəhək gəla.

2Alabaraɗe Də Mabərkiziti 7:11

Səza Salomoŋ abay ma ərka gəla na Yawe də gəla na məlyã, agrakək an aɗɗum naɗɗa addəvit gəleɗe sulegit pak də tiveni,

2Alabaraɗe Də Mabərkiziti 8:1

Səɓɓa wəzva kaklaw sula məs Salomoŋ arka gəla na Yawe də gəla nani,

2Alabaraɗe Də Mabərkiziti 8:6

Gəm əmpa Ba'alat dit walaŋgəleɗe məs adakkalan zəga nan adaka, may en adawziwgit mawteŋɗe net pilseŋge nawgay nan adaka, dit en məs arkə gazlaŋ net pilseŋge nan adaka. Salomoŋ arkak an makran aŋgəl pak a walaŋgəla na Yerusalem vani, aka gərəm na Liban, gəm aka dələv an dədawzlan aban pakə.

Məsmaɗula 2:10

An haraw aŋgəl pak nətak ɓa; nətak makraw səddəv ənnek temtem ɓa, vi makraw annekik də wəza naw pakə: aski haran naw səddəv wəza naw pakə.

Məsmaɗula 2:4

Nəɓaygənək wəza nawa: nərkək gəleɗe, nəmpək megezlembirkeɗi;

Məsmaɗula 6:9

An hara ɗəf awələ adayək ki an makra ɗəf adawsime. As van pak zəga ɗari, əzban səmyãy.