1Milyeŋge 8:66 - Bible en Guidar

⁶⁶ Aka pay madodopoɗoni Salomoŋ atəraygit ɗiyi. Asɗanənək məlyã, ambataŋgək a gizlirke anetda, zit paparə, də zit ənneke vi moggon an Yawe agəɗ sən Davit, balam nan dit mə Israyelɗe ɗiy nani.

1Milyeŋge 8:66 ပူးပေါင်းရင်းမြစ်များ

Filipi 4:4

Mənneken zukum addəv Daya pay pakə, in tat ənah əmpa mənneken zukum.

Wəza net Masləŋɗe 2:46

Pay pak awbeweŋ səddəv gəla na Maŋgəlva ɓa va aslereŋgi, ndəɗaŋ ərɗaŋ way sap anetda, əzəmaŋ də zit neki, mekret taka.

Zakarya 9:17

Haya, va adannekeŋgi! Haya va adassoŋ lelewɗe! Haykəmari wapsit gbogboŋ sit gewleɗi, mbazla na meketepe wasɓet gorɗeŋge.

Əmsak aka Mahenziŋ 12:12

Wakənnekenən zukum aba Yawe Maŋgəlva nokum, munokum, kirtukum mezeŋgleket dit muguluŋgiti, belemɗe nokum mezeŋgleket dit muguluŋgiti, gəm mə levi naddəvit walaŋgəleɗe gugriɗ nokum, vi haran nan tay ɓa, dələv nan tay də munokum ɓa.

Əmsak aka Mahenziŋ 12:7

Kəzəmnəngən adak aba Yawe Maŋgəlva nokum, zukum dənnekgən də gəla nokum də zəga an kəɗɗaŋ pakə, vi Yawe Maŋgəlva nok azoɓokko.

Galatiyen 5:22

Ya uwa na Əmpəs na ndəni: Əŋgla, ənneke, zazaya, əɓəsa, ulasahã, əɗɗa moggoni, ətafa,

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Sefanya 3:14

Aŋgəzl vaŋvəla, waŋ na Siyon, aɗi salalay, Israyel, anneken zuko, amas də mokrok paparə, waŋ na Yerusalem.

Gəlyaɗe 122:9

Aka wən na gəla na Yawe Maŋgəlva namə, wanəkayan moggon viko.

Gəlyaɗe 122:6

Məssohõn zazay sən Yerusalem: Kəta en dəŋglukən dəssoŋ fendeŋgi;

Nehemi 8:10

Aɓsit na: «Məddoŋgu, məzəm teɓ moggeti, məsə zəga nawsa neneke, məslən sən haran na ɗəf məs dəzaɓan zən nawda ɓa; vi wəsɓətaŋ ammba Yawe nam arbə. Vasna kədassoŋ zukum so'or so'or ɓa; vi ənnek na Yawe, ndəni gbəgboŋ nokum.»

2Alabaraɗe Də Mabərkiziti 30:26

Ənnek va ndən agəɗək a Yerusalem, vi təŋ səza pay na Salomoŋ wətən Davit məlĩ na Israyel, zəga tay dəgəɗ ɗah zevin vas a Yerusalem ɓa.

2Alabaraɗe Də Mabərkiziti 29:36

Hizkiya dit ɗiy baymet, annekeŋgək aka wən an Maŋgəlva azaɓan ammbet ɗiyi, vi zəga van girzik agəɗə.

2Alabaraɗe Də Mabərkiziti 7:10

Aka pay ma kaklaw sula kiyən hoku na təla mabuhulon na, ndən mbagit ɗiy əddoŋ a gizlirke net də zit nek gəm mekret ɗuf aka wən na moggon məs Yawe agəɗ sən Davit, sən Salomoŋ may sit mə Israyelɗe ɗiy nanəŋka.

1Milyeŋge 8:47

an aɗɗumonənək a mekreti aka dələv adassoŋ belemɗe adaka, an aɗiyaŋgək marava, amndoŋguk appu'oŋ sukunək aka dələv net ɗiy dəndenən aka balam, də ənəh na: Məgəɗək mambraya, məgəɗək heslepe, məraygənka na.

1Milyeŋge 8:1

Vini məlĩ Salomoŋ akkelet ɗiy məsɓet na Israyel, ɗiy gugriɗ na mahəlfaɗe dit migil gəla na Israyel pak azan a Yerusalem, vi kawgəm akoti na wənmiyna na Yawe sə walaŋgəla na Davit, va wənəh na Siyon.

Əmsak aka Mahenziŋ 16:11

Kənnekgən aba Yawe Maŋgəlva nok də wutuko, dət wutuko, də balam noko, dət balamək noko, də mə levi na walaŋgəleɗe gugriɗ noko, də molhõyõ, də mitiwe dət gagəbay məs dəssoŋ awalaŋkum a təki an Yawe awel ka iya nan dəsangən adaka.

Əmsak aka Mahenziŋ 12:18

Nan aba Yawe Maŋgəlva noko, a təki an awel kədawzəmən kaka'ə, isi, kirtuk mezeŋgleketi, muguluŋgiti, belemɗe nok mezeŋgleket dit muguluŋgiti, gəm mə leviɗe na walaŋgəleɗe gugriɗ noko; kənnekengən zuk aba Yawe də an vok agəɗ pakə.

Va'Atəŋ 47:7

Yosef akiyək Yakob afən aziwgən aba Farawən. Yakob aɓuh sənək ma sən Farawən,

1Milyeŋge 8:65

Aka təla mabuhulonəski, Salomoŋ aɗɗa wəzləra net guɗukɗe sap dit mə Israyelɗe ŋgboŋ diyɗa; azzoŋ sə Lebo-Hamat gap məlpaŋgək na Eziptə. Azləraŋgək lumu taka, gəm lumu taka əmpa, aba Yawe Maŋgəlva, vasna, əvoŋ kəlaw kiyən poɗo yi aɗɗaŋgə.

1Milyeŋge 9:1

Pay Salomoŋ agrak ərka Gəla na Yawe gəm na məlyã də əɗɗa an makran aŋgəl naɗɗa pakə,

Nehemi 9:25

Aziminik walaŋgəleɗe gugriɗe mərka kiyti də dələv an moggoni; amõhinik gəleɗe məknəhit də zəga nawrəha may vovɗe net iŋkile, may megezlembirkeɗi, heremeɗi, may wəleŋɗe ɗiyɗa nawzəma; Azəmaŋka, abaŋka, akəraŋka, assoŋguk addəv ənnek diyɗa vi moggon nok ɗiyɗa naka.

Isaya 63:7

Wanəɗɗumon moggon na Yawe wanəɗi ki Yawe vi an agəɗ səm pakə, agəɗək mbəlembəle diyɗa sit mə Israyelɗe, apsit addəv ulasahã nani, gəm addəv əɗɗa moggon nan diyɗa.

Yosuwa 22:6

Yosuwa aɓuh sit ma, appet əddoŋgu, amndoŋ a gizlirkeɗe neti.