1Milyeŋge 8:23 - Bible en Guidar

²³ yas amna: Yawe, Maŋgəlva na Israyel, a disiŋ may aka dəlvofuŋ Maŋgəlva tay va is narma wənmiyna də wəɗɗa moggon sit belemɗe nok mədawaŋ abok də mekret taka ɓa.

1Milyeŋge 8:23 ပူးပေါင်းရင်းမြစ်များ

Va'Atəŋ 17:1

Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

Va'Atəŋ 33:20

Arkək təki nawzaɓ-Maŋgəlva adaka, aya na «El, Maŋgəlva na Israyel.»

2Samiyel 7:22

Vini kəsok matuŋguko, Yawe Maŋgəlva! Vi ɗəf tay va is ɓa. Maŋgəlva maɓɓan tay abburuk va məprəm də sləmam pakəŋ ɓa.

1Milyeŋge 2:4

Vi Yawe dəknəhgən əpel nan an anah su dawnəh na: “An kirtuk tahəŋ əganən ədaw neti, tahəŋ ədawaŋ abaw təstəs də mekret taka, də zlem zit pakə, uwa nok tay nakkpap dəssa aka mazaŋga na məlĩ na Israyel ɓa.”

1Milyeŋge 3:6

Salomoŋ amna: «Kəgəɗ sənək moggon metiŋgin sən gawla nok Davit, əbba, vi adawək abok gesiŋ gesiŋgi, təstəsə, makran taka də isi, kərban sənək moggon nok metiŋginiŋka, kəpsənək wiyən dəsan aka mazaŋga na məlĩ nan va dəpaŋka.

1Milyeŋge 6:12

«Gəla kədarkaŋka! An is tat ədaw aka mahenziŋɗe nawa, an is tat əzban tiveɗnanziya nawa, an is tat ərme wəsəɓɗe nawa, də wəzbet va anahaŋgə, asna wanəzban əpel naw va nənah aka wən nok sən Davit afuko.

1Milyeŋge 8:24

An kiynə sən balam nok Davit afu də moko, kəknəhək də vok va dəpaŋka.

2Milyeŋge 20:3

«Aw! Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

Ezra 1:3

Sərokuməŋ na, naway naret ɗiy nan di? Maŋgəlva nan dəsan dəndəni, aslək dəlgən a Yerusalem na Yuda, ərka Gəla na Yawe, Maŋgəlva na Israyel, ndəni Maŋgəlva məs dəsan a Yerusalem!

Nehemi 1:5

nəmna: «Kamə, Yawe Maŋgəlva na disiŋ, Maŋgəlva metiŋ, məs dəgap nawgeslne' səni, məzərma wənmiyna də əɗɗa moggon azet ɗiy en dəŋglunəni gəm en dərmanən wən nan məs aɗiyə.

Nehemi 9:32

Ya gəgaŋ na, Maŋgəlva namə, Maŋgəlva metiŋ məzuɓapa, məs dədah nawgeslne' səni, məɗi kiyən aka wənmiyna gəm moggoni, kədawgəsan əzəmsahã məs dərəhəm anam dit milyeŋge namə gəm məsdəlveŋge namə may məskəleŋɗe namə, may efiŋgiɗmə gəm ɗiy nok baymet təŋ səza pay net milyeŋge na Asiri hã gap pay dəpaŋkəŋ ɓa.

Gəlyaɗe 113:5

Naway va Yawe Maŋgəlva nam di? A disiŋ asan

Gəlyaɗe 35:10

Masleŋsleŋgu pak wanah na: «Yawe, naway va is di? Məkõhgən məssahã səva məzuzel totokkprok məday kini; məssahã də məzuraya səva məzəppətti.»

Gəlyaɗe 86:8

Tay va is səret meŋgilveɗ ɓa, Daya! Tay nawsla də wəza nok ɓa.

Əgilye 15:11

Yawe sə weleŋgit meŋgilveɗ na naway va is di? Naway məs gagdak na salala nan va is Nawgeslne' sən də wəgagdakani di? Məgəɗ zəga naggət akan di?

Əgilye 3:15

Maŋgəlva anah sən Moyis əmpa na: «Yaŋ an kədawpel sit mə Israyelɗe: Yawe, Maŋgəlva net afiŋgiɗkum, na Abraham, Maŋgəlva na Isak, Maŋgəlva na Yakob, dəslənu azokum. Aski iya naw faɗə, vaski adakkamawən aza va sayit ɗiy asani.

Isaya 40:18

Nawa kədawslanən Maŋgəlva dəndən di? Foto mi kədawslanən dəndən di?

Isaya 40:25

Də nawa kədawsləwən ka nəsawgən va ndən di? Salala anahə.

Yeremiya 10:16

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Yeremiya 10:6

Ɗəf tay va is ɓa Yawe, matuŋguk kənani iya nok metiŋgini sən gədak nani.

Daniyel 9:4

Nəkkamanək Yawe Maŋgəlva nawa. Nənahək na: Kamə Daya Maŋgəlva matuŋguk kənani, nawgeslne' suk kənani. Kakkpaŋgan mok səka wənmiyna nok ɓa, is tat ərban əŋgla nok pay pak viyit ɗiy məzəɗɗaŋ wəŋgla noko gəm məzuɓe'en sənən an kəziwgini.

Luka 1:72

Arbanək ulasahã nan aket efiŋgiɗmə, də əɗɗumon wənmiyna salala nani,

Əmsak aka Mahenziŋ 7:12

An kəzbetinik tiveɗnanziyeŋki, kərmeninke, kəɗɗaŋgək wəza dənɗaŋgə, asna Yawe Maŋgəlva nok warma wənmiyna nan gəm moggon nan va asway sit efiŋgiɗko.

Əmsak aka Mahenziŋ 7:9

Wakəsən na, Yawe Maŋgəlva noko ndəni Maŋgəlva, Maŋgəlva an gesiŋgi; tay ərma wənmiyna nan gəm moggon nan viyit sayit ɗiy gabal məs dəŋgluwnəni, dərmanən əpel na ənziya,

1Samiyel 2:2

Ɗəf tay salala va Yawe ɓa. Vi istə Maŋgəlva, tay məbal suk ɓa. Milɓe va Maŋgəlva nam tay ɓa.