13 Ya naw nərkə sukuk gəla təki nassa nok faɗə.»
Ndəni narkə su Gəla aka iya nawa, naw wanəsɓan mazaŋga na məlĩ nan ka faɗə.
Ndəni narkə su Gəla, wanəsɓan mazaŋga na məlĩ nan ka faɗə.
Awla kakaŋka: Yawe awelkuk kərkəgən Gəla dəsangən təki salala. Ampa təlko, aɗɗa.»
Yaŋ Davit anah sən Salomoŋ wətən na: «Ampa təlko, asok zuko, aɗɗa kəgeslne' ɓa, mokrok adawzlah ɓa, vi Yawe Maŋgəlva, Maŋgəlva naw tay də isi. Appok na ɓa, azgok na firik ɓa, hã gap əgrak wəza naddəv Gəla na Yawe.
Yaŋ aɓsu na: “Wutuk Salomoŋ dədarka su Gəla dit daŋglaɗe nawa, vi anan nəwel ka wətuwa, naw nəsawgən ka afəni.
Ya naw nərkə sukuk gəla nassa ɗayɗayə, kəsokgən addəvən ka faɗə!»
Wakəke kawɗiyit aka gərəm nawray voko. Yawe, təki kədassoko, kəzaɓanək salala. Yawe, Vokiy dəzaɓani.
Aɓsu na: Wətən ɗəfa, aŋki gəla mazaŋga nawa, təki nawɗi təlwa məs nədawsaw aŋ awaleŋgit mə Israyelɗe faɗə. Mə Israyelɗe arnokonən na iya naw salalaŋ ɗah əmpa ɓa, ndəɗaŋ ɓa, milyeŋge net də əɗɗa polkoyo net ɓa, may də ki gəbeyit milyeŋge net məndəkit addivit gəleɗe-nettuyeŋge net ɓa.
Kakaŋ wazargənən polkoyo net də ki gəbeyit milyeŋge net səzaw faraɗa, wanəsaw aweleŋgit hã faɗə.
Ɗəf an dəsway də Gəla na Maŋgəlva, də Gəla na Maŋgəlva gəm də Maŋgəlva məs dəsan addəvən aswayə.
Vi məprəmək ənəh na: Yesu mə Nazaret əŋka waɓzlu təkiyəŋka gəm waddəɗan əsərək an Moyis apsəmə.
Vi Kristu dətoŋ addəv gəla matuya məs məɗɗan də vet ɗiy məs dəsan zeŋgile zəga an gesiŋ ɓa. Ya a disiŋ zək nan atoŋguk, karban zən aba Maŋgəlva kakaŋ vimə.
