1Milyeŋge 6:7 - Bible en Guidar

⁷ Mərka Gəla na Maŋgəlva van dit gərmeŋge va məkiyit sə təki əbeslti, vini ɓaɓəlma ndəvəl tay may galama ɓa, təbəz na wəza maɓɓan dayday tay pay adarkanən ɓa.

1Milyeŋge 6:7 ပူးပေါင်းရင်းမြစ်များ

1Milyeŋge 6:6

Gəla an nammbet afuŋ faɗə, slosloprok nan tay metər sula də meŋgeslni, məddak təkiya, metər hoku, an na disiŋ kiyit pak tay metər hoku də meŋgeslni. Vi Gəla na Maŋgəlva van gbigbis nan na kəlappaka tay məstaka hã gap a disiŋ ɓa, gbigbim nan tay əkkaf aza əɓay na gəla, vi marzeɗ adawtoŋgoŋ addəv dələv na gəla na Maŋgəlva ɓa.

1Milyeŋge 6:8

Maddamba na gəla məzarŋgasla an naddak təki nak na, dəka dəzəŋ na Gəla na Maŋgəlva yi. Kawpeŋ dəka hara tive yi nawtoŋ addəvən, kawpeŋ sədak əmpa, kawmbat addəv an mahokoni.

Əgilye 20:25

Ya an təki nawzaɓ-Maŋgəlva na gərəm kədarka suwa, kədarkan dit gərmeŋge məslmet ɓa, vi kədarnoket də mabəl nok ɓa.

Wənməkkpaŋga 24:27

Azaɓan wəza nok an nappaka tagay, atəŋ a guli noko, səbbərən na wakəɓap ərka gəla nok kana.

Isaya 42:2

Aŋgəsl na vaŋvəl ɓa, aslan na wəlan ɓa, kaprəmni wəlan aka tive ɓa.

Wəza net Masləŋɗe 9:31

Ndəni kan məzutafaŋ naka dələv na Yude na Galile dit na Samari pak assoŋ addəv zazaya. Asɓanən ziti, adawdawaŋ addəv geslne na Daya, adawanən zit də əbbah na Zeŋgile Salala.

Roma 9:23

gəm karban diyɗa na gagdak nan sit mesteɓet na ulasahã məs azaɓ dafsən sən gagdaka,

2Korintus 5:5

Maŋgəlva sən kiyən dəɗɗəm sən aska, ndəni apsəm Əmpəs basə.

Kolosi 1:12

məgəɗ sən soko sən Afəni, məs dəkkpaŋgokum də əɓap nawrəh haran nokum səza an məzaɓan sit ɗiy salala addəv əkeɗeɗe'e.

Yakob 1:20

Vi ɗəf mədəgədəva aɓap na wəɗɗa zəga nannek zə Maŋgəlva ɓa.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.