1Milyeŋge 21:11 - Bible en Guidar

¹¹ Zel na walaŋgəla-metiŋ nani, ɗiy məsɓet dit en gugriɗ naba məlĩ en na walaŋgəla-metiŋ nani, aɗɗanənək va Izabel təslən azeti, va təver addəvit ɗerewelɗe təslən siti.

1Milyeŋge 21:11 ပူးပေါင်းရင်းမြစ်များ

1Milyeŋge 21:10

Məɗi məklopoɗe sula abani, dənahaŋgən akan na: “Kəranək Maŋgəlva, gəm məlyã.” Məgilgini, məska dit gərmeŋge, dəmtəgəni!»

1Milyeŋge 21:12

Atəlaŋgək ma naɗɗa meme, yaŋ aɗiynən Nabot aka wədor maddaabəŋ net ɗiy,

2Alabaraɗe Də Mabərkiziti 24:21

Yaŋ atuvuroŋ wən akani, askanən dit gərmeŋge dəka əpel na məlĩ a daŋgla na gəla na Yawe van kpakə.

Əgilye 1:17

Muwaŋ gil nek na, ageslne'eŋ sənənək Maŋgəlva; dəɗɗanən va məlĩ na Eziptə anah sit nak ɓa, appetinik kirin mezeŋgleket medereti.

Əgilye 1:21

Adan muwaŋ gil nek ageslne'eŋ sənən Maŋgəlva, Maŋgəlva apsitik zeŋviti,

Wənməkkpaŋga 29:12

An məlĩ azga sləma aka əpel na tepelke na, gewleɗ naban pak əssoŋ məsdarawɗe.

Wənməkkpaŋga 29:26

Ɗiy diyɗa dədawkayaŋ kinenek ava ɗəf metiŋ na dəlva, ya səza Yawe yi an dəslə sən ɗəf adazzani.

Isaya 59:14

Vas ətawwən təstəs amndan dirɓə, əkõh aziwik faraɗa. Əpel wən təstəs ataŋgbãyək a gəla lumu, təstəs aɓap na əziw ɓa.

Hose'a 5:11

Məsərni ma Efrayim, wən armaka, vi ampa tələn əzban səmyã ɗarə.

Məsdəlveŋge 19:15

Kədataw wən də vurum ɓa: kədabbah sən ɗəf məssahã gəm ɗəf gagdak ɓa, ataw wən aka məlmuk təstəsə;

Mika 6:16

Is tat əzban an məlĩ Omri aziwgini, is tat ədaw va gəla na Akab adawə. Is tat əzban təlni! Wanəraygən walaŋgəla-metiŋ, kawmasi aket ɗiy nani. Əra net wil net ɗiy naw wakkpaŋ akokum.

Matiye 2:12

Yaŋ Maŋgəlva anah sit də wisine adawmilyoŋ kəlaza Herodə ɓa, amndoŋguk aka dələv net dəka tive mbərən.

Matiye 2:16

Adan Herodə awla na məsənaŋ zəga asmayanənka, gədəvən adək diyɗa, yaŋ aslən əzet kirin mezeŋleket sə Bet-Lehem pak gəm səket meŋge nan pakə, təŋ səka wəzva sula hã məs dəgapaŋ ɓa pakə, va an məs aprəm səmet məsənaŋ zəga va pay awlanən ngərzla nan egili.

Wəza net Masləŋɗe 4:19

Yaŋ Piyer də Yohanna azlanəni aɓsitin na: Moggoni aba Maŋgəlva məprəmgən mokum day ki Maŋgəlva sa? Mətaw wən nani.

Wəza net Masləŋɗe 5:29

Piyer dit maslənɗe azlanəni aɓɗaŋ na: Ɗəɗah əprəm ma Maŋgəlva ki əprəm met ɗiyi.

1Samiyel 22:17

Məlĩ aɓsit məzuganən na maŋgavan ziwziw na: «Məkkpaŋ məbey məsdəlveŋge na Yawe iŋki, vi net pak abbahaŋ sənənək Davit; asənnənək na, Davit ənza anzani, dəssakaŋ suwən ɓa.» Məgaɗe na məlĩ ɓoŋgoŋ dawslan vet əbey məsdəlveŋge na Yawe.

1Samiyel 23:20

Kakaŋ na məlyã, an mok aka əprikok na, apriki, mənamtə nappan ammba voko məlyã.»