1Milyeŋge 20:13 - Bible en Guidar

¹³ Yaŋ məskəleŋ maɓɓan azar go'o aza Akab məlĩ na Israyel, amna: «An Yawe anah yaŋka: Kulak vandayəŋ ɓa sa? Wanəpsuk avok dəpaŋka, wakəsən na, intə Yawe.»

1Milyeŋge 20:13 ပူးပေါင်းရင်းမြစ်များ

2Samiyel 10:13

Yo'ab mbat dit ɗiy nan abe aket mə Aramɗe kawgaya; yaŋ anzoŋ sənəni.

1Milyeŋge 18:39

Adan ɗiy awlanən vaska, naway pak kiyən tək afuŋgu, aɓɗaŋ na: «Yawe yi, Maŋgəlva! Yawe yi Maŋgəlva!»

1Milyeŋge 20:14

Akab amna: «Də va nawa, kədepsiw di? Yaŋ amna: “An Yawe anah yaŋka: Də vet gewleɗ mətektek net deyeɗe nakki vaɗe.”» Yaŋ amna: «Naway nawtəŋ əgay di?» Amna: «Istə!»

1Milyeŋge 20:22

Məskəleŋ zar go'o aza məlĩ na Israyel, aɓsən na: «Asok zuk dok abe abe, aɗɗumon an kədaɗɗa hara, vi dukki na, məlĩ na Aram wasil akoko.»

1Milyeŋge 20:28

Ɗəf na Maŋgəlva zar go'o, aɓsən məlĩ na Israyel na: «Vaŋ Yawe anahə: Adan mə Aramɗe anahaŋ na: Yawe Maŋgəlva naket gərmeŋge yi, na təki məpəlayya yi ɓa, va wəday net adayaŋgəŋ pak wanipsuk ammba voko, vasna wakəsənnən na, intə Yawe.»

2Milyeŋge 13:23

Yaŋ Yawe agəɗ sit moggoni, awla sasẽhti, akkpaŋgək azet vi wənmiyna nan də Abraham, də Isak gəm də Yakob; dəŋgəl əzet kakãh ɓa: hã kakaŋka dəzget faraɗa sə maharan ɓa.

2Milyeŋge 3:18

As pak gəsi a mahara Yawe: wapsukum Mo'ab kãw avokum.

2Milyeŋge 7:1

Elisa amna: «Məprəm əpel na Yawe: An Yawe anah yaŋka: Mazayin va kakaŋka, kalbəhi gəpa kilo kəlaw kiyən sula, awaniɓa haykəmari pepreŋ kilo kaklaw sula kəyən poɗo aka koɓo taka taka a Samari.»

2Alabaraɗe Də Mabərkiziti 20:15

Yaŋ amna: «Məpak sləmokum, mənokum ɗiy na Yuda baymokum gəm ɗiy dəssoŋ a Yerusalem may məlĩ Yosafat! Məs Yawe adawnah sukum yaŋka: Kəgeslne'eŋ ɓa, kəkkereŋ sən dula metiŋginəŋ ɓa, vi əgayəŋ nokumi ɓa, na Maŋgəlva yi.

2Alabaraɗe Də Mabərkiziti 20:17

Wən nokum tay də əlpaŋ ɓa, məkay təkiya, məziw mula əkõh na Yawe məs adawkõhgukum. Yuda də Yerusalem, kəgeslne'eŋ ɓa, kəkkereŋ ɓa. Pummo na, məgil abeti, Yawe wasan də mənokum.»

Gəlyaɗe 83:18

Wil dədenni, mekret dəzlahgən hã faɗə, dərbaŋgən wili, dəzaŋgə.

Əgilye 14:18

Vasna mə Eziptiɗ wasənnən na, intə Yawe, an nəgagdakanək kizu aka Farawən, aket mawteɗ nan dit dulaɗe nalpa nani.»

Əgilye 16:12

«Nəprəmək əhəm net mə Israyelɗe. Anah sit na: Pay priŋpriŋ na, wakəzəmaŋ sluwa; də mompumo, wakəbaŋ peŋ, wakəsənwən na, intə Yawe, Maŋgəlva nokum.»

Isaya 37:20

Ya kakaŋ na Yawe Maŋgəlva namə akõhgəm səvani, milyẽŋge naka dələv pak dəsənnengən na, istə Yawe kaka'ə.»

Ezekiyel 20:14

Nəɗɗa na, vi iya naw adawray ama heret ɗiy-ɗar məs nəgilgit karetəŋ ɓa.

Ezekiyel 20:22

Də as pak nəmndaganək vawa, nəɗɗa na vi iya naw adawray ama haret ɗiy-ɗar məs nəgilgit karetiŋ ɓa.

Ezekiyel 6:7

Əmta wagəɗ a walaŋkum; asna wakəsənən na intə Yawe.

Yosuwa 10:8

Yawe aɓsən Yosuwa na: «Geslne aduk ɓa! Vi nipsukuk ammba voko; ɗəf tay nawziw abok səmmbet ɓa.»