1Milyeŋge 2:4 - Bible en Guidar

⁴ Vi Yawe dəknəhgən əpel nan an anah su dawnəh na: “An kirtuk tahəŋ əganən ədaw neti, tahəŋ ədawaŋ abaw təstəs də mekret taka, də zlem zit pakə, uwa nok tay nakkpap dəssa aka mazaŋga na məlĩ na Israyel ɓa.”

1Milyeŋge 2:4 ပူးပေါင်းရင်းမြစ်များ

Va'Atəŋ 17:1

Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

Va'Atəŋ 18:19

Vi nəsənka, waɗi wən nan sit kirtin də gəla nan dərɓagan dəzbanəngən tive na Yawe, də wədaw təstəs məza əmzlah ɓa; vasna Yawe waknahan an anah far sən Abraham.»

2Samiyel 7:25

Kakaŋ na, Yawe Maŋgəlva, əpel kəpel aka balam nok də gəla nanəŋ na, arma ka faɗə, aɗɗa va kəɗɗum naɗɗa.

1Milyeŋge 1:48

Məlĩ pak vas apeli: “Soko sən Yawe Maŋgəlva na Israyel, məs dəvay ɗəf nawsan aka mazaŋga na məlĩ naw dəpaŋka, haraw awlaka.”»

1Milyeŋge 11:36

Wanəpsən mahəlfa taka sən wətəni, vi zev gawla naw Davit, dəsangən aka məlĩ faɗ abaw a Yerusalem, walaŋgəla-metiŋ məs nəwel ka naw iya naw dəsangən adaka.

1Milyeŋge 3:14

An is tat əzban tive nawa, də wərma mahenziŋɗe nawa, dit wəsəɓɗe naw va na afuk Davit, wanəzzeken ənziya nok egge.»

1Milyeŋge 3:3

Salomoŋ aŋgluwək Yawe, adawək aka tive nan va Davit afən aɗi sən wən nani, addivit gəleɗe-nettuyeŋge adawzaɓ-Maŋgəlva gəm əzla tursan kaka'ə.

1Milyeŋge 6:12

«Gəla kədarkaŋka! An is tat ədaw aka mahenziŋɗe nawa, an is tat əzban tiveɗnanziya nawa, an is tat ərme wəsəɓɗe nawa, də wəzbet va anahaŋgə, asna wanəzban əpel naw va nənah aka wən nok sən Davit afuko.

1Milyeŋge 8:23

yas amna: Yawe, Maŋgəlva na Israyel, a disiŋ may aka dəlvofuŋ Maŋgəlva tay va is narma wənmiyna də wəɗɗa moggon sit belemɗe nok mədawaŋ abok də mekret taka ɓa.

1Milyeŋge 8:25

Ya kakaŋ na, Yawe Maŋgəlva na Israyel, aɗɗa an kənah sən balam nok Davit afu məs kəpel dawnəh na: Ɗəf nok tay nakkpap dawsan abaw aka mazaŋga na məlĩ na Israyel an tay əganən əssa də wədaw net abaw va kədaw abaw ɓa.

1Milyeŋge 9:5

wanəziwgən məlĩ nok aka Israyel faɗ va nəpel sən Davit afuk dawnəh na: Uwa noki nawsan aka mazaŋga na məlĩ na Israyel faɗ dərɓogoko.

2Milyeŋge 20:3

«Aw! Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

2Milyeŋge 23:25

Məlĩ tay va ndən daabəŋ kiyən məs dəman haran aza Yawe də makran taka, də megenegeni, də gbogboŋ nan va mahenziŋ na Moyis ɓa. Tay dəsəɗ dərɓagan, va ndən ɓa'a.

2Milyeŋge 23:3

Məlĩ aziw aka təki mərkan a disiŋ, amndak əziwgən wənmiyna aba Yawe, kazban Yawe, karme wəsəɓɗe nani, wəyak nani, mahenziŋɗe nan də makran taka gəm də megenegenen pakə, kaɗɗa əpel na wənmiyna məs məverin addəv ɗereweləŋka. Ɗiy pak atoŋgoŋguk addəv wənmiyna.

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

2Alabaraɗe Də Mabərkiziti 17:3

Yawe asanək də Yosafat, vi agəmək təl Davit afəni, dəzbet Ba'alɗe ɓa.

2Alabaraɗe Də Mabərkiziti 6:16

Ya, yaŋ na, Yawe Maŋgəlva na Israyel, aɗɗa an kəpel sən afu Davit gawla noko, aka an kəpel sən dawnəh na: Ɗəf nok abew na dawsan aka mazaŋga na məlĩ a Israyel abaw an kirtuk azlgaŋgək sləma aka ədaw net də əɓe' sən mahenziŋ naw va kədaw abawa ɓa.

2Alabaraɗe Də Mabərkiziti 7:18

asna wanəsɓan mazaŋga na məlĩ nok va nəziwgin də afuk Davit dawnəh na: Ɗəf na mazlalwok arslə na dawsan məlĩ aka Israyel ɓa.

Gəlyaɗe 119:9

Mbarmbari wədaw na gawla adawsan təstəs di? Də wəsla zən va əpel nok anahə.

Gəlyaɗe 37:22

Ɗiy en aɗɗa əzaɓ nan aketi, dələv wasan ka neti, məs mahanay aketi, wazaŋgə.

Gəlyaɗe 37:9

Vi kawzeti məɗɗaŋ zəga mbərayni, en dədawganən Yawe na, net dələv wasan ka neti.

Gəlyaɗe 39:1

Səza daya net məyaŋgəlya, səza Yedutun. Gəlyanalva na Davit.

Yeremiya 33:17

Vi Yawe vaŋ anahə: Ɗəf zev Davit arslə na dawsan aka mazaŋga na məlĩ na Israyel ɓa.

Məsdəlveŋge 26:3

An mənokum tat ədaw aket mahenziŋɗe nawa, an kərmanənək əpel na ənziya, kəɗɗaŋgək wəza dənɗaŋ,

Zakarya 14:2

Wanəkkelet ɗiy naket dəlveŋge meɓɓet pak a Yerusalem vi kawgaya. Kawgəmni walaŋgəla-metiŋ, kakkporti zəgeɗ səŋgili, kawvoŋgiti gil na gagay. Wəɗak net ɗiy kawsimgiti na gagay, en dədappaŋ kawzeti sə walaŋgəla-metiŋ van ɓa.

Matiye 22:37

Yaŋ azlan sən na: Aŋglu Daya Maŋgəlva nok də mokrok pakə, də megenegenok pakə, də maɗɗulok pakə.

Luka 1:6

Sulegit pak ɗiy təstəsəŋ aba Maŋgəlva. Tahəŋ wəzbanən wən məs Daya aɗiyə gəm mahenziŋ nan pak məza heslepe ɓa.

Əmsak aka Mahenziŋ 10:12

Ya kakaŋ na Israyel, miy Yawe Maŋgəlva nok adawga səvok di? An adawga na, kəgeslne'eŋ səngən Yawe Maŋgəlva nok kaka'ə, də ədaw aka tive nan pakə, də əŋgluwən, də əgəɗ sən wəza sən Yawe Maŋgəlva nok də mokrok pakə, də megenegenok pakə,

Əmsak aka Mahenziŋ 11:13

An mənokum tat əprəmnən əpel na ənziya naw gesiŋ va nəɗi sukum wən nan dəpaŋka, də wəŋglu Yawe Maŋgəlva nokum, wəgəɗ sən wəza də mokrokum paparə, də megenegenekum,

Əmsak aka Mahenziŋ 6:5

Aŋglu Daya Maŋgəlva nok də mokrok pakə, də magenegenok pakə, də gbogboŋ nok pakə.

Əmsak aka Mahenziŋ 7:12

An kəzbetinik tiveɗnanziyeŋki, kərmeninke, kəɗɗaŋgək wəza dənɗaŋgə, asna Yawe Maŋgəlva nok warma wənmiyna nan gəm moggon nan va asway sit efiŋgiɗko.

Zuda 1:24

Sən Maŋgəlva nawɓap əgukum məza ətaŋgbãy ɓa, gəm nawziwgukum aba gagdak nan məza də heslepe ɓa də ənneke,