1Milyeŋge 2:15 - Bible en Guidar

¹⁵ Amna: «Kəsənək na, məlĩ nawi kəta, mə Israyelɗe pak akaw aziynən heret ka nəsawgən məlyã. Yaŋ məlĩ akkpaŋ səkaw sən məlmuwa; də wəŋgla na Yawe yi arəha.

1Milyeŋge 2:15 ပူးပေါင်းရင်းမြစ်များ

2Samiyel 12:24

Davit azzayan sət makrat Batseba ɗak nani, alək azata, asəntəka. Ndət bok wiyna, alvanən matak na, Salomoŋ. Yawe aŋgluka

2Samiyel 15:13

Məbay alabara payə, aprəman wənəs sən Davit dawnəh na: «Mekret ɗiy na Israyel aka Absalom yi.»

2Samiyel 15:6

Vaski Absalom adaɗɗa dit ɗiy en dədazzoŋ də wən nawtaw ana məlĩ da pakə, agəmək maɗɗuleɗ ɗiy na Israyel.

2Samiyel 16:18

Husay anah sən Absalom na: «Owwo! Vi ɗəf an Yawe dit ɗiyəŋki gəm an mə Israyelɗe pak aweleŋgi, nan nani, dəndəni nədawsawa.

2Samiyel 3:3

Masulani, Kile'ab awa dət Abigayel ga Nabal na Karmel; Absalom mahoko'ti, awa dət Ma'aka wətən Talmay, məlĩ na Gesur;

2Samiyel 3:4

Adoniya mopoɗeti, wətət mə Hagit, mesle'eti, Sefatya, wətət Abital;

2Samiyel 7:12

An pay nok aknahka, wakəzbet efiŋgiɗko, wanəsilgin uwa nok dərɓogok an nawgilyen səddəvko, wanəsɓan məlĩ nani.

1Milyeŋge 1:25

Vi aprikik dəpaŋ a En-Rogel ataw wəlet medgeɗgeɗe, kirit wasliɗe məkirit dit timeŋgiɗ diyɗa, ayek kirtin məlĩ pakə, deyeɗe net məzəlpaŋgə, gəm məsdələv Abiyatar; yaŋ tay əzəmaŋgə, tay əsaŋ abani, ənəhaŋ na: “Məlĩ Adoniya dəsan faɗə!”

1Milyeŋge 1:38

Məsdələv Sadok, məskəleŋ Natan, Benaya wətən Yoyada, gəm mə Keretɗe dit mə Peletɗe, ndəɗaŋ pirik dəndəni: Apeŋginənək Salomoŋ aka koropələs mugolun na məlĩ Davit, mah əkanən a Gihon.

1Milyeŋge 1:39

Məsdələv Sadok gəm mohõ na mẽl səddəv gizlirke, aman aka Salomoŋ, kawɗiyən aka məlyã; muffoni gozloro, yaŋ ɗiy pak aŋzlaŋ vaŋvəla: «Məlĩ Salomoŋ dəsan hã faɗə!»

1Milyeŋge 1:5

Adoniya, wətət mə Hagitək, asili amna: Naw wanəsaw məlyã, agəɗək mawta nalpa sən kiyən dit pilseŋge, gəm ɗiy nanzoŋ də tilit kaklaw sle' abani.

1Milyeŋge 2:14

Yaŋ amna: «Wən naw tay nawnoh suko». Təɓsən na: «Apele!»

1Milyeŋge 2:16

Kakaŋ na, maw aka əssohõk wən taka; kədawɓoŋ su ɓa.» Təɓsən na: «Apele!»

1Milyeŋge 2:22

Məlĩ Salomoŋ azlan sət man na: «Vimi kədassohõt Abisag mə Sunemək sən Adoniya lah di? Ɗaɗah assohõn sən məlĩ dərəŋ, adan ndəni məlmu an daya! Səni, sən məsdələv Abiyatar gəm sən Yo'ab wətət Seruya!»

Wənməkkpaŋga 21:30

Maɗɗula tay ɓa, əwelen wən tay ɓa, may əsəɓ tay aba Yawe ɓa.

Daniyel 2:22

Ndən məzərbet zəgeɗ kpukpumɗe dit en məɗemti; asənək an dəsan ara guzliyo, vi əkeɗeɗe tay dəndəni.