1Milyeŋge 17:13 - Bible en Guidar

¹³ Eliya aɓsət na: «Kəgeslne' ɓa! Dok aɗɗa va əpel noko; agəɗ su peŋ-məslepreke tagay kaka'ə, kəki suwətgəni; kəmbatgən əda nok də wutuk ba'ə.

1Milyeŋge 17:13 ပူးပေါင်းရင်းမြစ်များ

Va'Atəŋ 26:24

Yawe arbanək zən azan dəfəɗ nani, aɓsən na: «Intə Maŋgəlva na afuk Abraham; kəgeslne' ɓa, vi in tat də isi. Wanəzaɓoko, wanuwan zeŋvuk diyɗa ammba məgəɗ wəza naw Abraham.»

1Milyeŋge 17:12

Yaŋ təmna: «Va Yawe Maŋgəlva nok asan madarani, zəga mədan tay ɓa, gəpa aza vaw nduɗuki kaka' a mozgoy anawda, gəm malək təɗək a bəbər anawda vani; in yakəŋ əkraw sesemek sula na, wanəmbat eŋgil kadawdət su də wətuwa; məzəmətgən kawga əmta kana.»

1Milyeŋge 17:14

Vi vaŋki Yawe Maŋgəlva na Israyel anahə: Gəpa agrak na sə mozgoy ɓa, mel akkpa' na sə bəbər ɓa, hã gap pay Yawe adawzi buwən aka dəlvafuŋ.»

2Milyeŋge 6:16

Yaŋ amna: «Kəgeslne' ɓa! En dəssoŋ də mənam adayaŋgək kiyit en dənɗaŋ də əŋɗa.»

2Alabaraɗe Də Mabərkiziti 20:17

Wən nokum tay də əlpaŋ ɓa, məkay təkiya, məziw mula əkõh na Yawe məs adawkõhgukum. Yuda də Yerusalem, kəgeslne'eŋ ɓa, kəkkereŋ ɓa. Pummo na, məgil abeti, Yawe wasan də mənokum.»

Əgilye 14:13

Moyis aɓsit ɗiy na: «Kəgeslne'eŋ ɓa! Məmpa təlkum! Mula əkõh va Yawe adaɗɗa vikum dəpaŋka. Vi mə Eziptiɗ kulaŋ dəpaŋka, kulenin na ɗah əmpa ɓa.

Wənməkkpaŋga 3:9

Aɗi ki Yawe də zəga voko, də zəga an daabəŋ na zev ərəh nok pakə.

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 41:13

Vi intə Yawe Maŋgəlva nok məs dərma vok dəzəŋ, ndəni yi dədawnah suk na: Kəgeslne ɓa, naw nədek əbbah suko.

Malakiya 3:10

Məki makəlaw zəga nokum pak addəv gəla nawzaɓa. Zəga nawzəm dəsangən addəv gəla nawa. Əŋga məslu kan aka wənəska, Yawe Məzuɓappak anahə, kulanəŋgən an kpak nəkol ma disiŋ vikum də wəɗɗa zazay akokum diyɗa ɓa.

Matiye 10:37

Ɗəf an dəŋglu afəni awaniɓa man day kiwa, dədah azaw ɓa. Ɗəf an dəŋglu wətən mizilin awaniɓa məguluŋgut day kiwa, dədah azaw ɓa.

Matiye 28:5

Yaŋ maslay anah sit gil neki: Nokum kədawgeslne'eŋ ɓa, nəsənək pakə Yesu məs məkkpa'ən kədawkayanəni.

Matiye 6:33

Məkayan məlĩ na Maŋgəlva də təstəs nan daabəŋ, asna wapsukum zəgeɗis pakə.

Wəza net Masləŋɗe 27:24

Amna: Kəgeslne ɓa Pol, wakəziw aba Kaysara, Maŋgəlva də mbəlembəle apsukuk zeŋgilet ɗiy məzəddoŋ də is addəv bəlayəŋ pak avoko.

Ibriɗe 11:17

Də ətafi adan məsla naza Abraham, apsən Isak sən Maŋgəlva ka əzaɓ-Maŋgəlva. Wətən an karmalay apsən sən Maŋgəlva ka əzaɓ-Maŋgəlva, də arah iynama na Maŋgəlva zlaŋgə.

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.