1Milyeŋge 15:18 - Bible en Guidar

¹⁸ Asa andek təbəz babar gəm meleŋge dəmbraŋ məzeɓet addəv Gəla na Yawe gəm en mezeɓet eŋgil ana məlĩ da, məlĩ Asa epsit məɗɗaŋ wəza nan kawkesin Ben-Hadad wətən Tabrimmon wətən Heziyon məlĩ na Aram dəsan a Damas dawnah na:

1Milyeŋge 15:18 ပူးပေါင်းရင်းမြစ်များ

Va'Atəŋ 14:15

Awɗeketik ɗiy nan kawwak sit məzuzelɗe nan də dəfɗa. Arbaŋ sitinke, azbetinin hã gap a Hova disiŋ ki Damas.

Va'Atəŋ 15:2

Abram azlan səni: «Yawe Maŋgəlva, miy kədawvay di? In tat əmbat məza uwa naw ɓa, məzəmgəla naw na, Eli'ezer na Damas iyi.»

1Milyeŋge 14:26

Andak arya məzaɓan naddəv Gəla na Yawe də an nana məlĩ da. Andak zəga bayman gəm andek barayɗe na meleŋge məs Salomoŋ azaɓə.

1Milyeŋge 15:15

Atoŋgitik zəgeɗ en afən aɗi sən Yawe gəm en aɗi sən kiyən addəv Gəla na Yawe: təbəz babara, meleŋge gəm zəgeɗ temtemi.

2Milyeŋge 12:17

Koɓeɗ nawzaɓ-Maŋgəlva nawzaɓan wəna dit en nawzaɓ-Maŋgəlva naskoɓ mambraya, net məkiyti addəv Gəla na Yawe ɓa; net sit məsdəlveŋge.

2Milyeŋge 12:18

Hazayel, məlĩ na Aram, ambatək əgay də Gat, amohũko. Hazayel aziyək haran kadda əgay də Yerusalem.

2Milyeŋge 12:19

Yo'as, məlĩ na Yuda, agimik zəgeɗ en may efiŋgiɗin Yosafat, Yoram, Akaziya, milyeŋge na Yuda, aɗiyaŋ ta' sən Yawe dit en ndən sən kiyən aɗi ta', meleŋge naddəv Gəla na Yawe də an naddəv gəla na məlĩ pak aslin sənək Hazayel məlĩ na Aram, yas al ɓa' səza Yerusalem.

2Alabaraɗe Də Mabərkiziti 15:18

Zəgeɗ na matuya en afən aɗi dit en nan aɗi pak: təbəz babara, meleŋge, akiyik addəv gəla na Maŋgəlva.

Yeremiya 49:27

Wanəɗi sən offo sən zlava na Damas; wazəm gəla na məlĩ na Benhadad.

Amos 1:4

Wanəslən offo aka gəla na Hazayel, offo van wazla gəla na məlĩ Ben-Hadad.