1Milyeŋge 15:13 - Bible en Guidar

¹³ Ya anat man Ma'aka na, aggbuktək səka Iya na ma-gagdaka, vi təmpək zəga net wil ka Astera, yaŋ Asa abəl zəga net wil naka, aɗi sən offo a lolohõ na Kedron.

1Milyeŋge 15:13 ပူးပေါင်းရင်းမြစ်များ

2Samiyel 15:23

Ɗiy naka dələv nan pak tay əhəmaŋ heret pəreŋgi, ɗiy pak tahəŋ ətoŋgoŋgu. Məlĩ tay ətoŋ də məlpa na Kedron, ɗiy pak tahəŋ ətoŋgoŋ dəka tive na kapta-muyã.

1Milyeŋge 15:10

Azəmək məlĩ a Yerusalem, əzva kaklaw poɗo kiyən taka; iya nat man na, Ma'aka wətən Absalom.

1Milyeŋge 15:2

Əzva hoku azəm məlĩ a Yerusalem. Iya nat man na, Ma'aka wətən Absalom.

1Milyeŋge 2:19

Batseba, toŋ aza məlĩ Salomoŋ, kawnah sən wən na Adoniya. Məlĩ le' ələm səta, ndən guduk a bata; ndən həmsak ɗew aka mazaŋga a gəlani, aɗi mazaŋga maɓɓan dəka dəzəŋ nan sət mani; ndət ɗew akani.

2Milyeŋge 10:26

yaŋ agilginin serek səddəv gəla na Ba'al, azlanəni.

2Milyeŋge 18:4

Ndən dəzet gəleɗe-nettuyeŋge, dəkrep serekɗe, aɓzlu Astera, aŋzlan dohõ na təbəz pepreŋ məs Moyis agəɗ lahəŋ naka, vi hã gap payəska mə Israyelɗe tahəŋ əzlaŋ sənən tursan: iyanən na Nehustan.

2Milyeŋge 23:4

Məlĩ aɗiyək wən nan sən daya net məsdələveŋge Hilkiya, sit məsdəlveŋge meɓɓet gəm məgaŋ maddamba, dəgilgitingin zəgeɗ məɗɗet sən Ba'al dit en na Astera gəm net məzəlpaŋ na disiŋ pak səddəv Gəla na Yawe. Məgilgit sə Yerusalem, məzlet addivit wəleŋɗe a Kedron, məka moŋglo net a Betel.

2Milyeŋge 23:6

Məgilgəni Astera səddəv Gəla na Yawe sə Yerusalem, məkan a lolohõ na Kedron, məzlan adaka, mətakaɗni va burɗuku, məggbo' burɗuk nan aket magamasɗe net ɗiy bumu.

2Alabaraɗe Də Mabərkiziti 34:4

Karan abzləwin matuyaɗe net Ba'alɗe gəm moguloɗe nawzla tursan məs dəssoŋ a disiŋ kiyti; abzluwik asterɗi gəm zəgeɗkamaŋgəlva gəm tuyeŋge na təbəz məhisit dəhə̃sə; akrepik biɗbiɗi, atəreyet aket magamasɗe net ɗiy en dəzaɓaŋ sitin Maŋgəlva vani;

Əgilye 32:20

Agəmək wət wasli aɗɗaŋ naka, azlak aka offo, atakaɗək takaɗ takaɗə, appukuk aket iŋkile, apsitik mə Israyelɗe asanənka.

Məsdəlveŋge 26:30

Wanəzet gəleɗe-nettuyeŋge nokum, wanəzet gəla matuyaɗe na tursan nokum; wanəzget gəbayɗe nokum aket matuyaɗe sit tuyeŋge nokum gəm wanəzelkum.

Zakarya 13:3

Ya an ɗəf tay əɗɗa kəleŋ əmpa na, afən dət man dəwanən dənahaŋ sənən na: Kəsok na madorok ɓa, vi wən kədawwa aka iya na Yawe. Afən dət man məs duwanən dəmbokungən gala adaɗɗa kəleŋ əŋka.

Matiye 10:37

Ɗəf an dəŋglu afəni awaniɓa man day kiwa, dədah azaw ɓa. Ɗəf an dəŋglu wətən mizilin awaniɓa məguluŋgut day kiwa, dədah azaw ɓa.

Yohanna 18:1

Adan apel vaska, Yesu mbat dit gewleɗ nan dəgar kiyət məlpaŋ na Kedron, guli net wəleŋɗe tay adaka, ndən toŋ dit gewleɗ nani.

2Korintus 5:16

Vasna, nam təŋ kakaŋka, ɗəf tay məsən va ɗəf ɓa, kəta məsənək Kristu va ɗəf zlaŋ, ya kakaŋ na, vas məsən əmpa ɓa.

Galatiyen 2:14

Ya adan nula awdawaŋ təstəs va addəv gesiŋ na Alabara Nenek ɓa, nənah sənək Kefas abet ɗiy pakə: An is mə Yuda is tat ənziya va net ɗiy-ɗarə məza va net mə Yudeɗ ɓa na, kami kədaska wəlet ɗiy-ɗar dəssoŋgən va mə Yudeɗ di?

Əmsak aka Mahenziŋ 33:9

Ɗiy en dərbanən əŋgla net viyuk day ki an net efiŋgiɗti, milmiŋgiɗti may net kirtiti, gala aɓe'eŋ sənən an kəɗi naɗɗa. Agagdakanən wənmiyna noko. Tay əzgaŋ sləma aka wənmiyna noko.

Əmsak aka Mahenziŋ 7:5

An kədaɗɗaŋ sitin yaŋ dərəŋgə: kəɓzluwingin matuyaɗe neti; kəkrapingin serekɗe neti, kənzlanəngən tuya Astera neti, kəzletingin tuyeɗe net də offo.

Əmsak aka Mahenziŋ 9:21

Nəgəmək wət wasli kəvotoŋgu, mambray an kəɗɗaŋgəska, nəzlak aka offo, nəŋgrofuko nəsərək hã ndən kpaŋ va burɗuku, nəggbo' burɗuk nan a məlpa dədapriken səka gərma.

Yosuwa 6:24

Dəwəlsən walaŋgəla-metiŋ na, aɗisənənək offo də zəga naddəvən pakə, mbəksa təbəz babara, meleŋge, zəgeɗ na təbəz pepreŋge may təbəz titire, məs akaŋ addəv ərəh na Yawe.