1Milyeŋge 13:34 - Bible en Guidar

³⁴ Aski mambray na gəla na Yerobo'am, sən wən nani yi, məzan gəla nan kakãh səka dəlvafuŋ.

1Milyeŋge 13:34 ပူးပေါင်းရင်းမြစ်များ

1Milyeŋge 12:26

Yerobo'am aɗɗum a makran na: «Zəgaŋ na məlĩ wamndan avet kirtin Daviti.

1Milyeŋge 12:30

Zəgaski dəsan mambraya. Ɗiy rimiɗ rimiɗ dəddoŋ abat wət wasliyək maɓɓat hã gap a Dan.

1Milyeŋge 14:1

Aka pay nanəs na, Abiya wətən Yerobo'am, azəgək gbəgba'a.

1Milyeŋge 14:10

Vini yi, wanəki wəray metiŋgin aka gəla na Yerobo'am, wanəzet zel səna Yerobo'am da, belemɗe dit ɗiy en na kiyit na Israyel pakə; wanəkkpor zev Yerobo'am pak va adakkporoŋ pəlwit zəgeɗ sləpatə.

1Milyeŋge 14:11

Ɗəf neŋgil ana Yerobo'am da dədamta a walaŋgəla-metiŋgin pak kirɗe dədampərnəni; an dədamta awra pak biŋgeɗ na disiŋ dədawzəməni, vi Yawe dənah vaska.”»

1Milyeŋge 14:16

Wappet mə Israyelɗe, vi Yerobo'am agəɗək mambray gəm atoŋgitik ɗiy na Israyel addəv mambraya.

1Milyeŋge 14:7

Dok anah sən Yerobo'am na: “Yawe Maŋgəlva na Israyel amna: Adan nəɗiyək kiyuk sə weleŋgit ɗiyi, nəɗikuk ka məlĩ aket ɗiy naw mə Israyelɗe;

1Milyeŋge 15:25

Nadab wətən Yerobo'am agəmək məlĩ aka Israyel aka əzva masula'ən na Asa məlĩ na Yuda aka məlyã, azəmək məlĩ aka Israyel əzva sula.

1Milyeŋge 15:26

Agəɗək mbərayən ama hara Yawe; agəmək təl afən də mambray nan an atoŋgit mə Israyelɗe əɗɗa mambraya.

1Milyeŋge 21:22

Wanekkpaŋgan gəla nok va na Yerobo'am, wətən Nebat, gəm va gəla na Ba'esa, wətən Ahiyya, aka wən na mambray kəgəɗəŋka gəm vi kətoŋgit mə Israyelɗe əɗɗa mambraya.»

2Milyeŋge 10:29

Hara na Yehu dəppan əzban zəv mambray na Yerobo'am, wətən Nebat, atoŋgit mə Israyelɗe əɗɗa mambray dəndəŋ ɓa: kirtit wasliɗe na meleŋge en na Betel dit en na Dan.

2Milyeŋge 10:31

Ya Yehu dəzban mahenziŋ na Yawe Maŋgəlva na Israyel də makran taka ɓa, dədder səza mambray an Yerobo'am atoŋgit mə Israyelɗe addəvnəŋ ɓa.

2Milyeŋge 17:21

Vi Israyel arslak kiyən səza zev Davit, aɗiyənək Yerobo'am wətən Nebat ka məlyã, Yerobo'am azetik mə Israyelɗe səmmba Yawe, atoŋgit əɗɗa mambray metiŋgini.

Wənməkkpaŋga 13:6

Əssa təstəs awtaɗ ɗəf məgə kini; mambray awki əray aka məs mambraya.

Yeremiya 28:16

Vini Yawe anah na: Wanəzarguk səka dəlvəŋka, wakəmtə dəbyaŋka vi kəpelik nawɓoŋgit ɗiy aka Yawe.

Hose'a 10:8

Kawzeti gəleɗe-nettuyeŋge na Awen, mambray na Israyel; gedirgeɗ dit dewregeɗe waslerneheŋ aket matuyeɗe neti, wanahaŋ sitin mossorgoɗe gugriɗ na: məɗupmə! May sit mossorgoɗe na: Məɓəsl akamə!