1Milyeŋge 13:18 - Bible en Guidar

¹⁸ Yaŋ anah sən na: «Məskəleŋ nan va isi, maslay dəpel su əpel na Yawe dawnəh na: Amilgən anokda; dəzəmgən waya, gəm dəsəgən iŋkile.» Wən awə səni.

1Milyeŋge 13:18 ပူးပေါင်းရင်းမြစ်များ

Va'Atəŋ 27:24

Aɓsən na: «Istə Esaw gesiŋ sa wətuwa?» Azlan sən na: «Intə».

Va'Atəŋ 3:13

Yaŋ Yawe Maŋgəlva anah sət ɗak nakə: «Miy kəgəɗəŋ di?» Təmna: «Dohõy dəmbəɗawa yaŋ nəzəma.»

1Milyeŋge 13:19

Amilik dəndəni, way namnam ananda gəm iŋkile rəhə.

1Milyeŋge 20:35

Ɗəf taka səret məyakaŋ kəleŋ anah sən galan də an Yawe apel na: «Kamə, arguwa!» Yaŋ ɗəf nak aɓoŋ dərgani.

1Milyeŋge 22:22

Amna: “Wanəgil kpaŋ ka əmpəs na uwawən a met məskəleŋɗe nan pakgiti.” Yaŋ amna: “Wakəmbəɗani; agili, wakəɓap əɗɗani. Dok aɗɗa vaska.”

Wənməkkpaŋga 12:19

Ɗəf na gegesiŋ wasan hã faɗə; na məwəwən na ənziya gba hara ɗəf pilim taka.

Wənməkkpaŋga 12:22

Ma net tepelkeɗ daryawi aza Yawe; ya məɗɗaŋ moggoni, ndən əŋgla wən neti.

Wənməkkpaŋga 19:5

Ɗəf asan na məziwe net tepelkeɗ məza ərəh wən ɓa ɓa. Məstepelke akõh na ɓa.

Isaya 36:10

Ya as lah na, Məza Yawe dənah su ɓa nəpeŋ wəlpa də dəlvəŋ gəm kawzan sa? Yawe zək nan dəɗi wən nan dawnah su na, dok aka dələv vani, azani.

Isaya 9:15

Ɗiy məzədawgitin azetinike, ɗiy en adadawgitin azaŋka.

Yeremiya 23:14

Gəm nəwələk zəga daryaw anet məskəleŋɗe na Yerusalem da: Ndəɗaŋ əku a gizbe, assoŋguk addəv uwawəna, ndəɗaŋ əzɓetin məɗɗaŋ mbərayən, kpaŋ ɗəf tay dəɗaɗɗum əppan mbərayən nan ɓa. Pakgit tahəŋ azaw va Sodom, ɗiy naddəvən va ɗiy na Gomorra.

Yeremiya 23:17

Ndəɗaŋ məzupeleŋ dawnah sit məzumasaŋ na: Yawe amna: zazay wasan akokum. Sit məzəzbanən əɓɓəlan mekret na tahəŋ ənahaŋ na tatwãh ade na akokum ɓa.

Yeremiya 23:32

In tat əgay dit məɗɗaŋ kəleŋ na əssine net na uwawəna, Yawe aɗiymani. Tahəŋ ənahəni, tahəŋ əzetin ɗiy naw də uwawən net gəm də fərka neti. Naw nəslin ɓa, nəɗi sit wən nan ɓa, atəraŋ na wəray sit ɗiyəŋ ɓa, Yawe aɗiymani.

Yeremiya 29:31

Aslən sit ɗiy naka balam pakə, anah sit na: An Yawe anah aka Semaya mə Nelam yaŋka: Vi Semaya agəɗ sukumuk kəleŋ məza in nəslən ɓa, amokokumək ka kətafəngən uwawəna.

Yeremiya 29:32

Vini Yawe anah na: Wanəsil aka Semaya mə Nelam gəm aket kirtini, ɗəf nan təttaka asan na aweleŋgit ɗiyiŋ ɓa, awla na moggon nədawgəɗ sit ɗiy naw ɓa, vi apelik nawɓoŋ aka Yawe, Yawe aɗiymani.

Yeremiya 5:12

Dəsənən Yawe ɓa, anahaŋ na: Tay ɓa, tatwãh arəhəm na ɓa, məwəl na masalam ɓa, may ɓa.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Ezekiyel 13:22

Vi mənokum tat əmtanən makra ɗəf an təstəs dit tepelkeɗi, dəka naw nəŋgəl sən tatwãh ɓa, yaŋ kədasɓanən məsdaraw vi adappan ədaw nan mbərayən ka kawmbəlgən ɓa.

Ezekiyel 13:8

Vini, Daya Yawe anah vaŋka: Adan kəpeleŋ na əmbəɗa, kulaŋ ula na hĩyãw, vini nəkkpaŋ akokum yaŋka, Daya Yawe aɗiymani.

Əŋɗa 22:35

Yas maslay na Yawe aɓsən na: «Dok dit ɗiyiski, ya əpel an məs nədawnahsuk kaka' kədawpel hara.» Balam kan mbat dit ɗiy gugriɗ naba Balak.

Matiye 24:24

Vi Kristuɗə məwaŋ wəna gəm məskəleŋɗe məwaŋ wən wazzoŋgu, waɗɗaŋ zəga narba dit sekeneɗ diyɗa vi kawzet ɗiyi, va wagəɗ na ɗiy en məwelit daydayə.

Matiye 7:15

Məzi zukum azet məskəleŋɗe məwaŋ wəna, tahəŋ əzzoŋ azokum va timiŋgiɗi, ya diddivit na kirɗemuyã vorgomohɗiŋ.

Roma 16:18

Vi zeŋvit ɗiy en veski, wəza na Daya nam Kristu adaɗɗaŋ ɓa na gədivti. Tay əmbəɗetin ɗiy məs dəsənaŋ gabba zəga ɓa də ma neneke gəm də əpel nawmbəɗa.

2Korintus 11:3

Va dohõ ambəɗat Hawwa də kuket nani, geslne tay ədu na, maɗɗulokum adawray kappan moggoni gəm salala na Kristu ɓa.

Galatiyen 1:8

Ya kəta dəsan mənamə, awaniɓa maslay dəde sə disiŋ, dərban sukum Alabara Nenek temme səza an məs mərban sukum, əray dəsan akani.

1Timote 4:1

Əmpəs na Maŋgəlva anahək kotakə, gu'o aza əgrak na dələv na ɗiy meɓɓet wappanən ətaf neti, wappanən kiyit sən əmpəs məmakan ɗəfa gəm sən əyak net tuyeŋge.

1Timote 4:2

Wazbanən muluvuluvu net muwaŋ wəna, məs məslar əɗɗum na makret də təbəz nziliwnziliwi.

2Piyer 2:1

Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

1Yohanna 4:1

Bayneŋgiɗu na makrawa, kədawtafən əmpəs awandi pak ɓa; mule əmpəsɗe vet lewlewi, kawsənən an səza Maŋgəlva azzoŋgu, vi məskəleŋɗe na uwawən agulyoŋguk diyɗa ammba dəlva.

Hənhən 19:20

Mərmani zəga mamayã nak a fərsəna, gəm məskəleŋ məwə tepelke məgəɗ sekeneɗ aban məs dəmbəɗet ɗiy dətafən voɗoko na zəga mamayã naka gəm agagdakanən zeŋgileni. Zəga mamayã də məskəleŋ məwə tepelke nek pak məzgeti mederet addəv vov na offo muhurən.

Mətawaŋwəna 13:3

Yaŋ maslay na Yawe arban zən azat ɗak vatə, aɓsət na: «Nəsənka, ndarzlayək kənani, wətuk tay ɓa, ya wakəɗi daway, akəwə mizilin.