1Milyeŋge 12:16 - Bible en Guidar

¹⁶ Mə Israyelɗe dəwənnet awlanənək na, məlĩ dəprəm met ɓa; yaŋ amndagan sənən əpel sən məlĩ dawnəh na: «Miy dəsapam də Davit di? Zəga tay an dəsapam də wətən Yesse ɓa! Mədam anamda Israyel; Kakaŋ na, is də gəla noko Davit.» Mə Israyelɗe mbat anetda.

1Milyeŋge 12:16 ပူးပေါင်းရင်းမြစ်များ

2Samiyel 15:13

Məbay alabara payə, aprəman wənəs sən Davit dawnəh na: «Mekret ɗiy na Israyel aka Absalom yi.»

2Samiyel 16:11

Davit anah sən Abisay dit gewleɗ nan pak na: Wətu dəgil səddəvu dərəngə, tay əkayan zeŋgilew nawbaywa, kəggətaŋ aka mə Benyaminəŋ ɓa. Məppan də maɗɗulan dərawa! Kuzuŋ Yawe dənah sən soko.

2Samiyel 20:1

Ɗəf tay adaka məndəɓa iya nan na Seba, wətən Bikri mə Benyamin. Affon gozloro dawnəh na: «Wən nam tay də Davit ɓa, zəga tay dəsapam də wətən Yesse ɓa! Ɗiy na Israyel, ɗəf pak dəgəm tive neŋgil ananda.»

1Milyeŋge 11:11

Yawe anah sən Salomoŋ na: «Adan vas kənani, kərma wənmiyna naw də mahenziŋ naw nəɗi sukuŋ ɓa, uɗak nədawɗakan məlĩ səkoko, wanəpsən gawla noko.

1Milyeŋge 11:13

Wanətaf məlĩ van pak ɓa hara; mahəlfa tay taka nədapsən wətuk ammba Davit gawla nawa gəm vi Yerusalem an nəweli.»

1Milyeŋge 11:34

Səva Salomoŋ nədawmõhən ɓa hara, vi nəɗiyək ka məlĩ hã gap pay nanziya nan egge pakə, gəm vi məgəɗ wəza naw Davit, məs nəweli, məs dəzban wəsəɓ naw dit mahenziŋɗe naw pakə.

1Milyeŋge 11:35

Səva wətəni yi nədawmõh məlyã, kepsuk mahəlfaɗe net mə Israyelɗe kəlawə.

1Milyeŋge 11:36

Wanəpsən mahəlfa taka sən wətəni, vi zev gawla naw Davit, dəsangən aka məlĩ faɗ abaw a Yerusalem, walaŋgəla-metiŋ məs nəwel ka naw iya naw dəsangən adaka.

1Milyeŋge 11:39

Wanətoŋgən mahəlfa na Davit addəv tatwãha, ka faɗi ɓa hara.»

1Milyeŋge 22:17

Mika, amna: «Nulak Israyel dəwənnan aket gərmeŋge təray təray va timeŋgiɗ dit gilew ɗəf tay məzuteɗit ɓa; Yawe, amna: Ɗiyiŋ daya net tay əmpa ɓa. Ɗəf pak dəgəm tive nan dəl ananda zayə!»

1Milyeŋge 22:36

Pay gimbil gimbil na, vaŋvəl aŋgəzlək a dibirgidik na: «Naway pak dəl a walaŋgəla-metiŋ nani, gəm aka dələv nani!»

2Alabaraɗe Də Mabərkiziti 10:16

Səza mə Israyelɗe awlanən na, məlĩ dəprim ɓa, ɗiy amndagan sənənək əpel sən məlĩ dawnah na: «Awani haran nam də Davit di? Hara dələv nawzəmgəla nam tay də wətən Yesse ɓa! Israyel, nawãy pak dəmbat a gizlirke nani; Kakaŋ na agay də gəla noko Davit!» Ndəni mə Israyelɗe addoŋ naway pak a gizlirke nani.

Gəlyaɗe 132:17

Adaki nədawgilgin mohõ Davit, nəɗiyək lalam ta' sən mesiya nawa.

Gəlyaɗe 76:10

pay Maŋgəlva asil nawtawwəna, kawkõhgit məsər met naka dəlvafuŋ pakə. Əziwe

Wənməkkpaŋga 15:1

Əzlan an də nenek affeten ədagədəva, əpel nassa awsilgin ədagədəva.

Isaya 7:17

Daya waki pay na tatwãh akoko, aket ɗiy noko gəm aka gəla na afuko hara, zeŋvin dəgəɗ ɗah ɓa daga məlĩ na Efrayim arsla kiyən səza Yuda. Waɗɗa də va məlĩ na Asiri.

Isaya 7:2

Yas məprəman sən Akaz zev Davit də wənah na, ɗiy na Aram na ateheŋgik a Efrayim. Makra məlĩ dit ɗiy nan aɓələk va wəleŋɗe ŋgərəɓ məs səmyã adaɓleti.

Yeremiya 33:21

vaska'e wənmiyna naw də Davit gawla naw adaŋzla məza wətən əzəm məlĩ aka mazaŋga nan ɓa, vaska'e dit mə Leviɗe məsdəlveŋge məs dəssoŋ aka wəza nawa.

Ezekiyel 37:16

«Isi, wətən ɗəfa, agəm wəlaŋga sloprokko taka, aver akan na: Na Yuda gəm net mə Israyelɗe məs dəsapaŋ dəndəni. Agəm wəlaŋga sloprokko maɓɓan taka, aver akan na: Na Yosef vas na Efrayim gəm mə Israyelɗe dəwənnet pak dəsapaŋ dəndəni.

Markus 3:24

An məlĩ awɗakanək zən na, məlĩ nan aɓap na əziw ɓa.

Luka 19:14

Ya ɗiy nan azelnənka, aslənaŋgək maslənɗe dərɓagan dawnəh na: Məŋgəm na ɗəfəs dəzəmgən məlĩ akam ɓa.

Luka 19:27

Ya məzuzelɗe nawiŋ, ndəɗaŋ məs dəŋglaŋ nəzəmgən məlĩ aket ɓaŋki, məki aŋka, mətaw wəlet abawa.

Yohanna 13:8

Piyer aɓsən na: Agəɗ na ɓa, kəɗasu na ɗah təlu ɓa. Yesu aɓsən na: An nəɗa suk ɓa na, haran nok tay azaw ɓa.

Mətawaŋwəna 8:35

Dəɗinən kigəla na Yerub-Ba'al, Gedeyon ammba moggon an agəɗ sən Israyel pakəŋ ɓa.

Mətawaŋwəna 9:28

Ga'al wətən Ebed awɗi man na: «Abimelek na ndəni nawa a Sikem məsamgən ammba van di? Namna wətən Yerub-Ba'al gəm Zebul daya an aɗi dədaɗɗaŋ wəza abet ɗiy na Hamor, afən Sikem ɓa sa? Gabban mbar nam məgəɗ səngən wəza di?