1Milyeŋge 11:36 - Bible en Guidar

³⁶ Wanəpsən mahəlfa taka sən wətəni, vi zev gawla naw Davit, dəsangən aka məlĩ faɗ abaw a Yerusalem, walaŋgəla-metiŋ məs nəwel ka naw iya naw dəsangən adaka.

1Milyeŋge 11:36 ပူးပေါင်းရင်းမြစ်များ

2Samiyel 21:17

Abisay, wətət Seruya adek əsək səni, abayək mə Filisti nak zamə. Məzəlpaŋ na Davit aswayaŋ sənənka, aɓɗaŋ na: Kədawgilyok də mənam a təki nawgay əmpa ɓa, vi məlĩ adawza sə Israyel ɓa.

2Samiyel 22:29

Yawe, istə lalam nawa, Yawe tay əkekeɓe' guzli nawa.

2Samiyel 7:16

Gəla nok də məlĩ nok wassoŋ ndərəsl hã faɗə, mazaŋga na məlĩ nok wasan ɓəlɓəl hã faɗə.»

2Samiyel 7:29

Yaŋ kakaŋ na, kətaf əɗɗa əzaɓ aka gəla na gawla nok dəsangən hã faɗ aboko, vi Yawe Maŋgəlva istə kəpel na, də wəzaɓ noki yi gəla na balam nok adawzaɓ faɗə!»

1Milyeŋge 11:13

Wanətaf məlĩ van pak ɓa hara; mahəlfa tay taka nədapsən wətuk ammba Davit gawla nawa gəm vi Yerusalem an nəweli.»

1Milyeŋge 11:32

Mahəlfa taka adawrəh kaka'ə, vi gawla naw Davit gəm vi Yerusalem walaŋgəla nəwel sə weleŋgit mahəlfaɗe na Israyel pakə.

1Milyeŋge 11:37

Is zək noko, wanəgəmuk kəsokgən məlĩ a təki kəŋgəl nawsok pakə, wakəsok məlĩ aka Israyel.

1Milyeŋge 12:17

Mə Israyelɗe naddəvit walaŋgəleɗe na Yuda kaka', Robo'am azəm məlĩ aketi.

1Milyeŋge 14:21

Robo'am wətən Salomoŋ asanək məlĩ aka Yuda; tay də əzva kaklaw poɗo kiyən taka pay agəm məlyã, azəmək məlĩ a Yerusalem, əzva kəlaw kiyən buhul, walaŋgəla məs Yawe awel səret mahəlfaɗe na Israyel pak vi kawɗi iya nan adaka. Iya nat man na, Na'ama mə Ammonkə.

1Milyeŋge 15:4

Ammba Davit yi, Yawe Maŋgəlva nan apsən lalam a Yerusalem, apsən wiyən mizilin dərɓagani, dərmagən Yerusalem:

1Milyeŋge 2:4

Vi Yawe dəknəhgən əpel nan an anah su dawnəh na: “An kirtuk tahəŋ əganən ədaw neti, tahəŋ ədawaŋ abaw təstəs də mekret taka, də zlem zit pakə, uwa nok tay nakkpap dəssa aka mazaŋga na məlĩ na Israyel ɓa.”

1Milyeŋge 8:29

Horok dəsan sekke dəfəɗ də kapay aka Gəlaŋka, təki məs kənah na: “Aŋki iya naw adawsani.” Kaprəm wəkkam an balam nok adakkam a təkiyəŋka!

1Milyeŋge 9:3

Yawe aɓsən na: «Nəprəmək əkkam nok də wəppu' an kəppu' suwa: gəla kərkəŋ nətafək vi iya naw dəsangən adak faɗə; haraw də makraw pak tay akan ɗayɗayə.

2Milyeŋge 8:19

Yawe dəŋgəl əzan Yuda kəta ɓa, aka wən na gawla nan Davit, vi anah sənək lahəŋ na, wapsit lalam sit kirtin ka faɗə.

2Alabaraɗe Də Mabərkiziti 12:13

Məlĩ Robo'am akkpaŋgək gboŋgboŋ a Yerusalem, azəmək məlyã. Robo'am tay də əzva kaklaw poɗo kiyən taka gala akkpaŋ məlyã, yaŋ azəm məlĩ əzva kəlaw kiyən buhul a Yerusalem, walaŋgəla-metiŋ məs Yawe awel a weleŋgit mahəlfaɗe na Israyel gərak kawɗi iya nan adaka. Iya nat man na Na'ama, mə Ammonkə.

2Alabaraɗe Də Mabərkiziti 21:7

Ya Yawe dəŋger kawzan zev Davit ɓa, vi wənmiyna məs aynə də Davit, vi anah sənək na, zevin dədawsan əzəm məlĩ faɗə.

Gəlyaɗe 132:17

Adaki nədawgilgin mohõ Davit, nəɗiyək lalam ta' sən mesiya nawa.

Ibriɗe 12:22

Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.

Hənhən 21:10

Əmpəs na Maŋgəlva adek akawa, maslay nak akuwək aka gərəm məɓayən diyɗa. Arban suwək Yerusalem walaŋgəla-metiŋ, məs salala dəde səza Maŋgəlva ana disiŋ.