2 Tədek a Yerusalem dit ɗiy ammbat diyɗa may dit zlogomeɗi də tursanɗe, təbəz na meleŋge may gərmeŋge na sləma aketi. Adan təde ana Salomoŋ da, tənah sənək wən na makrat pakə.
Təpsənək təbəz na meleŋge sən məlĩ gap kilo gabal hoku də səkat sle'i, tursan diyɗa məza əŋɗa nan ɓa gəm gərmeŋge na sləma. Siske na, tursan dəde ɗah əmpa diyɗa gap an məlyaŋgək na Saba təpsən sən Salomoŋ ɓa.
Məlĩ na Aram amna: «Asil doko! Nəsləngən ɗerewel sən məlĩ na Israyel.» Ndən teki, agəm təbəz babar gap kilo səkat hoku, təbəz na meleŋge kilo kaklaw sləre, lukutɗe na sləma kəlaw avani.
Wəpel aket zəgeɗ memeyẽɗ na Negev. Aka dələv na tatwãha gəm nawzəm sahã, na ɓoolu mugolun də məzilin, na barway də bomtoro məzuveŋge. Tahəŋ əka aryeɗ gəm əzaɓ net aket korɗe gəm aket zlogomeɗ sit ɗiy məs tahəŋ də ətərwəray ɓa.
Məmanən vet na Saba dit en na Rayema tay əmanən vet də isi. A gəlet zəgeɗ nok na ndəɗaŋ əpsukun zəgeɗ məffokoŋ nenek pakə, gərmeŋge na sləma gəm meleŋge.
Vit pumpum nani, Agrippa dət Bernike azzoŋguk də gagdak na məlyã, səza atoŋgoŋ addəv gəla nawtaw wəna dit deyeɗe net məzəlpaŋ gabal gəm ɗiy gugriɗ na walaŋgəla-metiŋ, Festus aɗiyək wən nan dəkinəngəni, yaŋ məki Pol.