1Korintus 8:4 - Bible en Guidar

⁴ Ya dəwəlsən əzəm slu na əzaɓ-maŋgəlva sit zəgeɗkamaŋgəlva na, məsənka zəgakamaŋgəlva tay təttaka aka dələv ɓa, Maŋgəlva tay maɓɓan abbər ki təttaka kaka' ɓa.

Nouveau Testament en Guidar

⁴ Yaŋ kəssohoŋ na, ɗəf wazəm slu mətaw wəlan ama tuya sa? Məsənka tuya na zəga mogoni a duniya ɓa, zəga maɓɓan tay nasban ɓa say Maŋgəlva kaaka'ə.

Bible en Guidar

⁴ Ya dəwəlsən əzəm slu na əzaɓ-maŋgəlva sit zəgeɗkamaŋgəlva na, məsənka zəgakamaŋgəlva tay təttaka aka dələv ɓa, Maŋgəlva tay maɓɓan abbər ki təttaka kaka' ɓa.

1Korintus 8:4 ပူးပေါင်းရင်းမြစ်များ

Gəlyaɗe 86:10

Vi matuŋguk kənani, is tat əɗɗa sekeneɗi, istə kaka' Maŋgəlva!

Isaya 37:16

«Yawe Maŋgəlva na Israyel, istə aket kerubaɗe, istə kaka' Maŋgəlva aket milyeŋge naka dələv pakə, istə kəzəməɗ disiŋ də dəlvafuŋgu.

Isaya 37:20

Ya kakaŋ na Yawe Maŋgəlva namə akõhgəm səvani, milyẽŋge naka dələv pak dəsənnengən na, istə Yawe kaka'ə.»

Isaya 41:24

Awla, kəgapaŋ zəga gapsa ɓa, wəza nokum zəga ɗari. Ɗəf an dəwelkum na, awelik zəga daryawə.

Isaya 44:24

Aŋki an Yawe məzukõhguko, məs dezəməɗuk addəvət mok far anahə: «Intə Yawe, məs dəɗɗa an dəsan pakə. Intə takərgu nəpak disiŋ. Pay nəsloprokon dəlvafuŋgu, naway dəsan dəndu di?

Isaya 44:6

Aŋki an Yawe anahə, ndən məlĩ na Israyel məzukõhgit ɗiy nani, Yawe Məzuɓappak, intə wətəŋga, intə əbaymani. Dabər kiwa, Maŋgəlva tay maɓɓan ɓa.

Isaya 45:14

Aŋki an Yawe anahə: ərah na wəza net məs Eziptiɗe, wəya na wəza na Etiyopi gəm net ɗiy na Seba, ɗiy məɓeyti, watoŋgoŋ anokumda, wassoŋ ka nokum! Wazbokuməni addəvit ngiyamɗe; Watoŋgoŋ wappu'oŋ abokum wakkamaŋ abokum də wənahaŋ na: Maŋgəlva, anokda yi kaka'ə tay akki maɓɓan ɓa.

Isaya 45:5

Naw intə Yawe, tay mbərən ɓa. Dabərkiyu na, Maŋgəlva tay mbərən ɓa. Nəɗikuk ama wəza məza kəsənu ɓa.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Yeremiya 10:14

Ɗəf titir pak dərwayi əsən tay akan ɓa. Məhəs zəga pak wil ədanni aka wən na zəgakamaŋgəlva, vi zəgeɗkamaŋgəlva zəga məɗɗan də təbəz van uwawəni ɗarə. Əmpəs tay addivit zəgeɗ vet ɓa.

Markus 12:29

Yesu azlani, an dəday na ndəni: Aprəma Israyel, Daya Maŋgəlva nam Daya tətaka yi.

Wəza net Masləŋɗe 14:15

Aɓɗaŋ na: Ɗiyi, mədəray kədaɗɗaŋ vaŋ di? Nam pak ɗiy mənan va munokum! Nam mədawnah sukum alabara meleketen na, vi kəkkpaŋgən səzet tuyeŋge zəgeɗ ɗariŋki, kətafəngən Maŋgəlva madaran məs dəzəməɗ disiŋ də dəlvafuŋ, pehe dit zəgeɗ naddəvən pakə.

Wəza net Masləŋɗe 15:20

Ɗəɗah məver səm sit na: Adawzəmaŋ slu məzaɓ-maŋgəlva sən zəgakamaŋgəlva ɓa, adakuwaŋ a gizbe ɓa, adawzəmaŋ zəga məs mərrəsl wəlan dərrəsl ɓa, adawzəmaŋ mbel ɓa.

Wəza net Masləŋɗe 19:26

Munokum tat ulanəni, munokum tat əprəməni, a Efesus kaka ɓa, ya addəv Asiya dəwən nani, ɗəf Pol əŋ tay əgəm maɗɗulet ɗiy diyɗa dawnəh na: Meŋgilveɗ məɗɗet də va ɗəf na, meŋgilveɗiŋ ɓa.

1Korintus 8:1

Dəwəlsən slu na əzaɓ-maŋgəlva sit zəgeɗkamaŋgəlva, məsənək na: Mənam pak məsənək zəga. Əsən wagul ɗəf addəv əkaɓa ya əŋgla wasɓan ɗəfa.

1Korintus 8:10

Vi an muluki is məs əsən nak əzəm addəv gəla na zəgakamaŋgəlva, aɗɗa na ɗəf məs əɗɗum nan məddakən nak dəlgən əzəm slu na əzaɓ-maŋgəlva sən tuya ɓa sa?

1Korintus 8:11

Ɗəf məddakən nak wazə vi əsən noko, məlmuk məs Kristu amtə viyən naka.

Galatiyen 4:8

Lahəŋka, kəsənən Maŋgəlva ɓa, belemɗe net meŋgilveɗ məza gesiŋgiŋ ɓa kənanəni.

Efesus 4:6

Maŋgəlva taka yi Afit ɗiy pakə, məs dəzəm məlĩ aket ɗiy pakə, tay əɗɗa wəza dənɗaŋ pakə, tay addivit pakə.

Əmsak aka Mahenziŋ 3:24

«Yawe Maŋgəlva, kətəŋgək ərban mẽmẽtiŋ nok də gbogboŋ na vok sən balam noko. Zev maŋgəlva mawani a disiŋ may aka dəlvafuŋ dəɗɗa wəzeɗe va nok gəm zəgeɗ naɗɗa na gurom nok di?

Əmsak aka Mahenziŋ 32:39

Mula kakaŋka: intə, abbəru tay ɓa, maŋgəlva maɓɓan tay azaw ɓa, intə nawbay ɗəfa, intə nappan madarani, pay nəŋzluwa, intə nanzaɗni, Ɗəf tay nawmõhən səvaw ɓa.

Əmsak aka Mahenziŋ 4:35

Nok na, mərban suki, vi kəsənəngən na Yawe yi Maŋgəlva: tay maɓɓan abbər kiyin ɓa.

Əmsak aka Mahenziŋ 4:39

Məsən dəpaŋka, məɗɗum na, Yawe yi Maŋgəlva a disiŋ səɗəɗə, gəm afuŋ aka dəlva; tay maɓɓan abbərən ɓa.

Əmsak aka Mahenziŋ 6:4

Aprəma Israyel, Yawe Maŋgəlva nam, Yawe taka yi.

1Timote 1:17

Gagdak gəm əɗikiya va sayit ɗiy amə' pak sən məlĩ məs faɗə məs amta ɓa, məs awlanən ɓa, ndəni Maŋgəlva kaka'ə. Amin.

1Timote 2:5

Vi Maŋgəlva taka yi kaka'ə, metive pak taka yi kaka' a walaŋ Maŋgəlva dit ɗiyi, ɗəf adawyaŋ na, Yesu Kristu,

Zuda 1:25

sən Maŋgəlva taka, məs dəkõhgəm də Yesu Kristu Daya namə, səni Gagdaka, memetiŋge, əɓapa gəm əzəm məlĩ farfarə, kakaŋka gəm hã faɗə. Amin.