1Korintus 5:8 - Bible en Guidar

⁸ Vasna məɗɗa səm əzləra na Pak nam məza də wuɗo məzvan ɓa, məza də wuɗo na mambraya gəm na əkuh a gizbe ɓa, ya də memteke na təstəsə gəm na gegesiŋ məza wuɗo aran ɓa.

Nouveau Testament en Guidar

⁸ Vini kana məɗɗa səm wəzləra na Paska namə, məza də memteke məɗɗan də wuɗo ɓa, məza də wuɗo na mambray ɓa, məza də wuɗo na mana'a ɓa, amma say də memteke məsbəkən kakaŋka, məza də wuɗo ɓa an təstəssə də gegesiŋ.

Bible en Guidar

⁸ Vasna məɗɗa səm əzləra na Pak nam məza də wuɗo məzvan ɓa, məza də wuɗo na mambraya gəm na əkuh a gizbe ɓa, ya də memteke na təstəsə gəm na gegesiŋ məza wuɗo aran ɓa.

1Korintus 5:8 ပူးပေါင်းရင်းမြစ်များ

Gəlyaɗe 32:2

Ənneki aza ɗəf məs Yawe dəŋɗan heslepe nan ɓa, may maɗɗula naɗɗa vurum tay akan ɓa!

Gəlyaɗe 42:4

Kapay də dəfəɗ pak sin nawəŋgə way nawa, adan adawnahaŋ suwən pay pak na: «Ŋgay Maŋgəlva nok di?»

Əgilye 12:15

Pay buhul peŋ məza wuɗo ɓa kədawzəmaŋgə. Arbək na, aka pay maddaabəŋ na, kəzanəngən wuɗo sə nokum da. Vi ɗəf an dəzəm peŋ məhəsən təŋ səza əvoŋ taka hã gap aza əvoŋ mabuhulon na, asna kawgilgini səret mə Israyel.

Əgilye 12:19

Pay buhul, wuɗo adawsan eŋgil anokum da ɓa. Vi ɗəf an dəzəm zəga məhəsni, səret molhõyẽɗi də səret kirtindələv na, ɗəf nan karɓahni səra əsap net mə Israyelɗe.

Əgilye 12:8

Də dəfəɗəski kədampərnən slu nani. Məpsan dəpse kədampərnən də peŋ məza wuɗo ɓa, də kevile tatrãha.

Əgilye 13:6

Lumu taka, zəga məza wuɗo ɓa kədawzəma. Pay mabuhuloni, wəzləra na Yawe yi.

Əgilye 13:7

Zəga məza wuɗo ɓa kədawzəmaŋ pay buhulu. Zəga məhəsən kawlay ɓa, wuɗo, kawlay aka va nok ɓa pakə.

Isaya 25:6

Aka mossorgo metiŋgin vanəska, Yawe Məzuɓappak wapsit waynabaya slu məs səlhã də mbazla ammbani slu nenek məs səlhã, mbazla məɗɗoto moggon fõtfõt ammbani.

Isaya 30:29

Wakəyaŋ gəlya, va dəfəɗ naddaŋ na wəzləra. Wakənnekeŋgi va ɗəf adadaw əsla tələn də pozloro, vi kawmbat aka mossorgo metiŋ na Yawe, milɓe na Israyel.

Məsdəlveŋge 23:6

Pay makəlaw kiyən sle'en na təla vani, pay na wəzləra net peŋɗe məza wuɗo ɓa sən Yawe yi. Addəv pay buhul na, peŋ məza wuɗo ɓa kədawzəmaŋgə;

Matiye 16:12

Yaŋ gewleɗ nan aprəmnən gabban na dəpel nawsla zə ɗəf səza wuɗo net meptekeɗ ɓa, səza ərba zəga net Farisaɗe dit Sadukiɗe.

Matiye 16:6

Yesu anah sit na: Məgəɗ maɗɗula məsla zukum səza wuɗo net Farisaɗe dit Sadukiɗe.

Markus 8:15

Yaŋ Yesu akol sit sləmeti, amna: Məzi zukum aza wuɗo net Farisaɗe gəm na Herodə.

Luka 12:1

Pay nani ɗiy akkalaŋgək zəga na gabal kaklawɗe hã əndapanən ziti. Yaŋ Yesu atəŋ əpel sit gewleɗ nani: Məsla zukum səza wuɗo net mə Farisaɗe ana muluvuluvu neti.

Yohanna 1:47

Adan Yesu awla Natanayel dazzan azani, apelik akani, amna aŋki mə Israyel an gesiŋ məs tay də muluvuluvu azan ɓa.

1Korintus 3:3

Vi addəv əŋgla na gəɓa zukum kənanaŋgə'e. Adan kotorok də əgay tay a waloŋkum na, addəv əŋgla na gəɓa zukum kənanaŋ gəm va əŋgla na gəɓa zə ɗəf kədawdawaŋ ɓa sa?

1Korintus 5:1

Aŋga pak ɗəf tay əprəmən na wən na əkuh a gizbe tay a walaŋkum, əkuh a gizbe məs a walaŋgit ɗar dayday tay vas ɓa. Hã gap ɗəf sərokum əsan dət ga afəni.

1Korintus 5:6

Əkaɓ nokuməs lewi ɓa, kəsənən na wuɗo siɗikke dədawhəs gəpa məllaɓəŋ pak ɓa sa?

2Korintus 1:12

Vi zəga nawkaɓ nam na, ndəni an əɗɗum na makram adarba, məsamək egge, sasak a walaŋkum də moggoni gəm də təstəs na Maŋgəlva məza əziw aka maɗɗula na ɗəf titir abbər aka mbəlembəle na Maŋgəlva ɓa.

2Korintus 2:17

Vi mənam tat va ɗiy diyɗa məmanən əpel na Maŋgəlva va zəga naɗɗa terere ɓa. Vi gegesiŋgi, səza Maŋgəlva, aba Maŋgəlva gəm addəv Kristu mədawpele.

2Korintus 8:8

Kaska wəlokumi nədawnəh vaskəs ɓa, də alabara na əsok zə ɗəf net ɗiy meɓɓet nədaŋgla əsla gegesiŋ na əŋgla nokum.

Efesus 6:24

Mbəlembəle dəsan aket ɗiy məs dəŋgluwən Daya nam Yesu Kristu də əŋgla məs awray ɓa.

Əmsak aka Mahenziŋ 16:16

Ama wəzva pakə, ɗiy mezeŋgleket na vanday nok waddoŋ təl hoku ula hara Yawe Maŋgəlva nok a təki an adawele: Pay wəzləra na peŋ məza wuɗo ɓa, wəzləra na əvoŋ kaklaw sle' gəm wəzləra na gizlirke nalma də Maŋgəlva. Ɗəf adazzan abaw van halay halay ɓa:

Əmsak aka Mahenziŋ 16:3

Kədawzəm peŋ məgəɗ sən wuɗo ɓa; addəv pay buhul peŋ məza wuɗo ɓa kədawzəma, peŋ nassahãn zə ɗəfa, vi də kakara kəgil sə Eziptə, addəv ənziya egge nok pak kəɗɗumongən pay məs kəgil səka dələv na Eziptə.

Yosuwa 24:14

Gəgaŋ na, məgeslne' sən Yawe, məgəɗ sən wəza də təstəs-gərakə. Məzergit meŋgilveɗ məs efiŋgiɗkum aɗɗaŋ sitin wəza a dəgar ki məlpa metiŋ gəm a Eziptə iŋki, məgəɗ wəza sən Yawe.

1Piyer 4:2

Addəv pay dəpəlsukum nanziya nokum egge pakə, təŋ kakaŋka, aslək kədawaŋgən va aza əŋgla na Maŋgəlva məza va aza əŋgla na gəɓa zə ɗəf ɓa.