1Korintus 4:8 - Bible en Guidar

⁸ Kərəhənək an kəŋglaŋ səkay. Kəkkpaŋgaŋgək məsaryeɗ səkay, kətəŋgənək əzəm məlyã məza də mənam ɓa, an məlĩ van kədawzəmaŋ gesiŋ, asna nam pak waməzəm məlĩ də mənokum.

Nouveau Testament en Guidar

⁸ Kakaŋ na kərəhənək zəga məs kəŋglaŋ pakə. Kəkpaŋgaŋgək məs aryeɗi, kəkpaŋgaŋgək məlĩyeŋge məza də mənam ɓa, nəŋgəl bo kəsoŋ gən məlĩyeŋge gesiŋ vi nam zlaŋ məsam gən məlĩyeŋge də munokum.

Bible en Guidar

⁸ Kərəhənək an kəŋglaŋ səkay. Kəkkpaŋgaŋgək məsaryeɗ səkay, kətəŋgənək əzəm məlyã məza də mənam ɓa, an məlĩ van kədawzəmaŋ gesiŋ, asna nam pak waməzəm məlĩ də mənokum.

1Korintus 4:8 ပူးပေါင်းရင်းမြစ်များ

Wənməkkpaŋga 13:7

Ɗəf mbərən əɗɗa zən va məsarya ya zəga tay avan dayday ɓa; ɗəf mbərən əɗɗa zən va məssãhã, ya arya avan diyɗa.

Wənməkkpaŋga 25:14

Slaybuwən də səmyã məza buwən əzi ɓa! Vaski ɗəf məzuɗi zən ka məzuvəl də man uwawən ɗarə.

Isaya 5:21

Əray yi azet ɗiy en məzuɗinən kiyzit va məsmaɗɗula məzulanən zit va məs əssən aketi!

Yeremiya 28:6

Dəsan vaska, kəta Yawe dəɗɗa vaska, kəta Yawe dəknahan əpel nok məs kəgəɗ kəleŋ akan nawmilgit zəgeɗ naddəv gəla na Yawe gəm ɗiy məsimgit a Babilon hã a təkiyəŋka, məskəleŋ Yeremiya anahə.

Əŋɗa 11:29

Moyis azlansənka, amna: «Kotorok naw kədaɗɗa sa? Ya kəta ɗiy na Yawe dəssoŋ məskəleŋɗe məs aprikgin əmpəs nan aket pakə!»

Matiye 5:1

Adan Yesu awla vanday net ɗiyi, ndən peŋ aka mossorgo metiŋ, asani, gewleɗ nan azzoŋ azani,

Luka 6:25

Əray akokum, munokum məs kəbaŋ kakaŋka, vi mãy wadukum. Əray akokum, munokum məzumasaŋ kakaŋka, wakəzəmaŋ sahã gəm wakəhəmaŋgə.

Wəza net Masləŋɗe 26:29

Pol azlanəka: Dəsan pay siɗikke awaniɓa pay diyɗa, əŋgla naw aza Maŋgəlva na, anoki kaka ɓa nəŋgələk ɗiy en məzəprəmwən dəpaŋ pak dəkkpaŋgən va naw nəsawa ya məza ngiyamɗeŋ ɓa.

Roma 12:3

Də mbəlembəle məs məvaya, in tat ənah sən ɗəf səmmbokum pak na: Kədaɗɗumoŋ aka gagdak na zukum dayki an dəslə sukum ɓa, ya məɗɗum əɗɗum an salala, naway pak va əsla na ətaf məs Maŋgəlva apsəni.

1Korintus 1:5

Vi dəndəni kəkkpaŋgaŋ məs aryeɗ addəv zəga pakə, na əpele gəm na əsən zəga pakə,

1Korintus 4:18

Azet ɗiy meɓɓet na nəmndaw na anokumda ɓa, yaŋ adawgagdakanən ziti.

1Korintus 5:6

Əkaɓ nokuməs lewi ɓa, kəsənən na wuɗo siɗikke dədawhəs gəpa məllaɓəŋ pak ɓa sa?

2Korintus 11:1

Va a kəɓəsnən vadərwa naw kaka na, ya mənokum tat əɓəswən lahə.

2Korintus 13:9

Vi nam mənam tat ənneke, an mənam tat məddakmə ya nokum, mənokum tat gbogboŋgu. Aŋki əŋgla namə'e, ka kəsoŋgən təstəs an grakə.

Galatiyen 6:3

An ɗəf tay əɗɗum na agapka, dəgap zəga ɓa, dərwa na zən adawmbəɗani.

Filipi 1:27

Ənziya nokum dəslə də Alabara Nenek na Kristu kaka'ə, vi an nədek ulukum, kəta in tat ɓa zlaŋ na, nəprəmgən alabara nokum na, munokum tat təstəsə, maɗɗulokum taka, megenegenekum taka, mənokum tat əgayaŋ sap də ətaf dəziw aka Alabara Neneke.

Filipi 2:12

Bayneŋgiɗwa, pay nəsaw anokumda na, munokum tat əprəmən maw pay pakə. Ya adan kakaŋ faraɗa nan də munokum, məprəm mawa. Məɗɗa wəza nawkõh nokum də geslne də wəkkere.

Hənhən 3:17

Vi is tat ənah na: məsarya nənani, nəgəɗə arya, zəga tay məs wərayu azan ɓa, ya kəsən na, addəv əzəmsahã kənani, sãh kənani, məssãhã kənani, daŋgar kənani, gobbok mekeleŋ kənani ɓa.

Hənhən 5:10

Yaŋ kəɗɗe dəssoŋgən məlyeŋge gəm məsdəlveŋge na Maŋgəlva, wazəmaŋ məlĩ aka dəlvafuŋgu.