1Korintus 4:5 - Bible en Guidar

⁵ Vi vaski kədatawaŋ wən dafsən tak əzza na Daya ɓa, ndəni nawkekeɓe an dəɗam ara guzliyo gəm narban an dəsan a makret ɗiyi. Asna naway pak warah hara gagdak nan səza Maŋgəlva.

Nouveau Testament en Guidar

⁵ Vi vaski kəda tawən kita aka ɗəf dabəŋ ki pay məɗiyən ɓa, məga Ɗəfdaya dəde gən paysa, warban an dəɗam ara guzli pak atəki babara, də wəgil gən wəɗum məɗama na mekret ɗiiyi. Asna Maŋgəlva wagakdakan ko nawa pak va aza wəza nan agəɗə.

Bible en Guidar

⁵ Vi vaski kədatawaŋ wən dafsən tak əzza na Daya ɓa, ndəni nawkekeɓe an dəɗam ara guzliyo gəm narban an dəsan a makret ɗiyi. Asna naway pak warah hara gagdak nan səza Maŋgəlva.

1Korintus 4:5 ပူးပေါင်းရင်းမြစ်များ

Ɗerewel na Yob 12:22

Ndəni məs dəsən kpukpum na guzliyo məzəgilgin guzli titir a papaka.

Wənməkkpaŋga 12:8

Kawgagdakani ɗəf ammba maɗɗula nani; ɗəf məs əɗɗum mbərayən na, wasan məzelin.

Məsmaɗula 11:9

Gawla, annek aka pay na gawla noko, mokrok dənan nek pay kədawman zuko, adaw va mokrok aŋgələ va an kədawla. Ya asən na, aket zəgeɗis pak na Maŋgəlva wakuk aba wətawwəna.

Məsmaɗula 12:14

Wəza pak Maŋgəlva watawwən akani, aka an dəsan məɗamən dəsan moggoni awaniɓa mbərayən pakə.

Yeremiya 16:17

Vi haraw tay sekke aket tiveɗ net pakə, aɗamaŋ na səbaw ɓa, heslepe net azə na səma haraw ɓa.

Yeremiya 23:25

Nəprəmək an məskəleŋɗe anahaŋgə. Məzupeleŋ va məskəleŋɗe də iya naw də uwawən dawnəh na: Nissinik na, nissinik na!

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Malakiya 3:18

As na wakulanən uɗak awalaŋ ɗəf an təstəsə də məsdaraw, awalaŋ ɗəf məgeɗ sən wəza sən Maŋgəlva gəm ɗəf an awgəɗ sən ɓa.

Matiye 10:26

Kədawgeslne'eŋ sitin ɓa. An mətərən pak wappasə, tay an məɗama məs agil na appaka ɓa ɓa.

Matiye 24:30

Zəga narba na Wətən Ɗəf wawəl a disiŋ, gebbet ɗiy naka dələv pak waɓuhnən meti, wawlanən Wətən Ɗəf ɗewwe aka va dəzəŋ na Məzuɓappak, gəm əmpa pay adazzan aka slaybuwən a disiŋ.

Matiye 24:46

Əzaɓ aka balaməska an daya nan adek ərəhən tay əɗɗan vaska.

Matiye 25:21

Daya nan aɓsən na: Levi, balam moggok gəm məs maɗɗula kənani, kəsokuk təstəs də zəga siɗikke, aket zəgeɗ diyɗa nədawɗiko. Atoŋ addəv ənnek na daya noko.

Matiye 25:23

Daya nan aɓsən na: Levi, balam moggok gəm məs maɗɗula kənani, kəsokuk təstəs də zəga siɗikke, aket zəgeɗ diyɗa nədawɗiko. Atoŋ addəv ənnek na daya noko.

Luka 6:37

Kədawtawaŋ wən aka ɗəf ɓa, asna kawtawi wən akokum ɓa. Kədazlbenin ɗiy də ətawwən ɓa, asna kazlbukumi də ətawwən ɓa. Məvvuyon siti, asna kavvuyon sukumi.

Yohanna 21:22

Yesu aɓsən na: An nəŋgələk dəsangən məza əmta ɓa hã pay gap əmilye naw na, mi nok di? Nok azbawa.

Yohanna 21:23

Wən nan atrayək a waleŋgit məzutafaŋ na: Gawlas amtə na ɓa. Ya Yesu dənah sən na amtə na ɓa ɓa. Ya aɓsən na: An nəŋgələk dəsangən hã gap əmilye naw na, mi nok di?

Yohanna 5:44

Mbarmbar kədawɓapaŋ ətaf mənokum mərahaŋ gagdak ka zukum, məza kawkayanən gagdak dəde səza Maŋgəlva kaka ɓaŋ di?

Roma 14:4

Nok istə nawa nawtaw wən aka məgəɗ wəza na ɗəf di? Dəsan ziw ɓəlɓələ awaniɓa dəskot zlaŋ, ana daya nan awəl səni. Gesiŋ waziw ɓəlɓələ vi Daya waɓap əɗɗan ka dəziwgini.

Roma 2:1

Vini, is ɗəf mətaw wən aka ɗəf pak təki narma vok tay ɓa, vi an is tat ətaw wən aka ɗəf maɓɓani, aka zuk kədawtawən, vi zəga məstaka kədaɗɗa də ɗəf məs kədawtaw wən akani.

Roma 2:16

pay an Maŋgəlva adataw wən də Yesu Kristu aka an dəsan məɗɗa net ɗiyi, va aza Alabara nenek nawa.

Roma 2:29

Ya əssa mə Yuda təstəs na addəv mahaɗamay, əskəlawra nan na a makrani, səza an məverin asil ɓa, səza Əmpəsi, əɗi kiyən səzet ɗiy ade ɓa səza Maŋgəlva yi ade.

Roma 2:7

Zeŋgile nassa faɗ sit en məsokən zit əɗɗa moggoni, məkayanən gagdaka, əɗi kiya gəm zeŋgile məs amta ɓa.

1Korintus 1:7

Vas na əvəl na Maŋgəlva tay dəmbər sukum munokum məzuganən əzza na Daya nam Yesu Kristu əŋ ɓa.

1Korintus 11:16

An ɗəf tay dəŋgəl əbay ma na, asna anənah sən na: Mənam tat də zev əsərəkəs ɓa, ɗiy na Maŋgəlva pak tahəŋ dəndən ɓa.

1Korintus 11:26

Pay kədawzəmaŋ məptekeŋ pak gəm əsa səddəvət huloŋ kəŋ pak na, alabara na əmta na Daya kədarbanən hã gap pay adazani.

1Korintus 15:23

ya naway pak də gəlani: Kristu wi daabəŋ, siske, pay əzza nan na, ɗiy na Kristu.

1Korintus 3:13

wəza na ɗəf pak warbə. Vi pay nawtawwən warban appaka ta'ə, addəv offo adarba, offo wasla wəza na ɗəf pak va asani.

1Korintus 3:14

An wəza na ɗəf aziwke, ɗəf məs dərka van warah əfaɗ na iya nani.

1Korintus 3:8

Ɗəf məs dəmpa də ɗəf məs dəzi sən iŋkile məstakaŋgə. Naway pak warah hara əfaɗ nan va aza wəza nani.

2Korintus 10:18

Vi ɗəf məzukaɓgən ki zəni adawtafaŋ wən nan ɓa, an Daya aɗi kini.

2Korintus 10:9

Maw tay aka nəgilgin va ɗəf nawgeslnegukum dit letərɗe naw ɓa.

2Korintus 4:2

Məmpetik zəgeɗ naɗɗa mahaɗamma narba wili. Mawdaw addəv vurum mãy əkkpaŋgan əpel na Maŋgəlva ɓa. Ya də gegesiŋ məs dədarba mədazga' sit ɗiy pak aba Maŋgəlva.

2Korintus 5:10

Vi mənam pak waməziw aba ətawwən na Kristu, ka naway pak dərahgən aza va an agəɗ də gəɓa zəni, an moggoni, an mbərayni.

1Tesaloniki 5:2

Vi munokum sən kikum kəsənənək lewlew na, pay na Daya na, va məhal dəfɗa vas adazzani.

Ibriɗe 4:13

Zəga tay dəɗam ara Maŋgəlva ɓa. Zəga pak appakayi ama harani. Səni mənam pak mədaŋɗan an məgəɗə.

Yakob 4:11

Milmiŋgiɗwa, kədawndanən gebbet ɗiy meɓɓet ɓa, ɗəf dəpel mbərayən aka məlməni, awaniɓa dənda gabbani, apelik mbərayən aka mahenziŋ na Maŋgəlva, wən ataw aka mahenziŋ na Maŋgəlva. An kətawək wən aka mahenziŋ, asna ɗəf məzəzban kənan ɓa, nok mətaw wən akan kənani.

Yakob 5:7

Milmiŋgiɗwa, məɓəsa hã gap pay Daya Yesu Kristu adazzani. Məssoŋ va məzənse adawɓəsən wəga buwən na mənziya də buwən na mawala, vi zəga nan dəsəɓgən moggoni.

Yakob 5:9

Milmiŋgiɗwa, kədaɗɗaŋ wərwər aket ɗiy meɓɓet ɓa, vi Maŋgəlva adawtaw wən akokum ɓa. Mətaw wən tay ziwe, a maddamba man aka ətoŋgo.

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

1Piyer 5:4

Pay məzutaɗa an daya adazzan na, wakərəhaŋ mətərkiya an də gagdaka, məza awray ɓa.

2Piyer 3:12

Ka pay nazza na Maŋgəlva məs kədawgaŋgən dəgapgən gu'u, pay nani disiŋ adawzla gəm adawza, ŋgirzleɗ wewwereŋ sən offo.

2Piyer 3:4

Wanahaŋ na: Ŋgay iynama naka əzza nan nak di? Vi va səza efiŋgiɗim amtaŋgə, zəga pak tay va aka məzəməɗən!

Zuda 1:14

Enok dəhən Adamu məkuturkutur mabuhulon agəɗək kəleŋ aket dawnəh na: Yaŋ na Daya adek dit maslayɗe salala nan gabal kaklawɗe,

Hənhən 1:7

Awla tay əzan aka slaybuwna, ɗiy pak wawlanəni, gəm ɗiy məs dəmpanən zlaŋ wawlanəni. Ɗiy naka dəlvafuŋ pak waskaŋ morkoyo aka wən nani. Vaski wagəɗ vaska.

Hənhən 20:12

Yaŋ Nule ɗiy mimtit pakə, ɗiy gugriɗ dit muzliyeɗ pakə, tahəŋ ziwziw aba mazaŋga na məlyã. Məkolti ɗerewelɗe, yaŋ məkol ɗerewel maɓɓani, ndəni ɗerewel na zeŋgile. Ɗiy mimtit pak mətawi wən aket va aza wəza net aɗɗaŋ məverin addəvit ɗerewelɗe.