1Korintus 3:9 - Bible en Guidar

⁹ Vi wəza na Maŋgəlva mədaɗɗa sapə, mənokumtə guli na Maŋgəlva. Mənokumtə ərka na Maŋgəlva.

Nouveau Testament en Guidar

⁹ Sula gəm pak ɗii məɗɗaŋ wəza na Maŋgəlva mənani, munokumtə guli na Maŋgəlva. Də wən məkpaŋga maɓɓan bo: Munokumtə bo gəla na Maŋgəlva.

Bible en Guidar

⁹ Vi wəza na Maŋgəlva mədaɗɗa sapə, mənokumtə guli na Maŋgəlva. Mənokumtə ərka na Maŋgəlva.

1Korintus 3:9 ပူးပေါင်းရင်းမြစ်များ

Gəlyaɗe 118:22

Gərəm məs mərkaŋ gəla azgaŋgə akkpaŋgək gərəm kiwən naka bezler.

Gəlyaɗe 72:16

Haykəmari dəsan ndoɗoɗ-ndoɗoɗ aka dəlva, kiyən dəsan slakat-slakat aket mossorgoɗe gugriɗe va a Liban, ɗiy na walaŋgəla-metiŋ dəssoŋ mogget va kevile naka dəlvafuŋgu.

Wənməkkpaŋga 9:1

Maɗula arkak gəla nani, ampek dədəkeɗ nan buhul.

Isaya 32:20

Ənnek wasan sukum, wakəzlgaŋ a təki iŋkile assoŋ pakə, wakəppetin medgeɗge awaniɓa koro də met ndolu!

Isaya 61:11

Vi va dəlvafuŋ adawgilgin zəga nakani, va guli adawgilgit zeŋveɗe nani, vaski Daya Maŋgəlva adawgilgin təstəsə gəm əɗi kiya abet ɗiy-ɗar pakə.

Isaya 61:3

Vi kawɗup kulpupu na məlĩ sit məzuɗəkaŋ na Siyon, kapsit kulpupu na məlyã, məza moŋglo ɓa; mel nanneke, məza əɗəka ɓa; lukut nawɗikiya məza na əddak ɓa. Kawyeti na: Wəlaŋga məpsən gagdak sən Maŋgəlva, guli na Yawe vi karban gagdak nani.

Isaya 61:5

Ɗiy-ɗar wassoŋ əga arya nokum, wateɗnin gilew nokum, kirtit ɗiy-ɗar wassoŋ ɗiy nanseŋ sukumun gulyeŋge nokum dit megezlembirkeɗ nokum.

Yeremiya 2:21

Intə nəmpuk va megezlembirke məwelin, va wəlaŋga an moggon diyɗa. Mbarmbar kəkkpaŋ va megezlembirke an ɗar di?

Matiye 15:13

Yaŋ azlan siti amna: Zeŋve məs afu na disiŋ dəzlga ɓa pak kaptuni.

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.

Matiye 9:37

Yaŋ aɓsit gewleɗ nan na: Əbəl tay diyɗa ya məɗɗaŋ wəza nan tahəŋ diyɗa ɓa.

Markus 16:20

Yaŋ agilyoŋ addoŋgu, apelnin Wən Nenek təki pakə. Daya agəɗək wəza dənɗaŋ, arbanək gesiŋ na Əpel van dit sekeneɗi.]

Wəza net Masləŋɗe 4:11

Ndəni: Gərəm məs mənokum məzərkaŋ gəla kəzelenəni, ndən dəkkpaŋ gərəm kiwən naka bezler.

1Korintus 3:16

Kəsənnən na gəla na Maŋgəlva kənanəni gəm Əmpəs na Maŋgəlva tay addəvkum ɓa sa?

1Korintus 3:6

Naw nəmpaka, Apollos azi sənək iŋkile, ya Maŋgəlva yi məzuɓaygəni.

1Korintus 6:19

Awaniɓa kəsənən na gəba zukum gəla na Zeŋgile Salala məs dəsan addəvkumi, məs kərahaŋ səza Maŋgəlva gəm na kiykum kənanən ɓa ɓa sa?

2Korintus 6:1

Adan mənam tat aka wəza dəndəni. Mənam tat əkkamokum ka kədappanən mbəlembəle Kərəhaŋ səza Maŋgəlvaŋ əddan fit ɓa.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Efesus 2:10

Vi wəza na van mənani, azəməɗəm addəv Yesu Kristu viyit wəzeɗe mogget məs azaɓet dafsən ka mədawgən addivti.

Kolosi 2:7

Məmpa suwerkum gəm məziwgin zeŋgilokum akani, məziw ɓəlɓəl addəv ətaf va aza məs kəyaganəni, məgəɗ soko sən Maŋgəlva.

1Timote 3:15

Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

Ibriɗe 3:6

Ya Kristu na Wətən Maŋgəlva yi aka gəla nani, mənamtə gəla nan vani, an mənam tat əsok zəm də gegesiŋ gəm məppan ərma ənnek na əga nam ɓa.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

3Yohanna 1:8

Nam kan na, adahək məbbah sitgin ɗiy en veski, vi məsapgən dənɗaŋ addəv ərban gegesiŋ.